الموضوع: رأيكم فى مشروع مركز صيانة

المشاركة الأصلية كتبت بواسطة goofy_in_love

بسم الله
انا استنيت شويه علي الرد لحد ما اشوف اراء اخوانا في المنتدي ايه في الفكره بتاعت مركز الصيانه دا
كل الكلام يا جماعه اللي بتقولوه جميل و محدش يقدر يقول حاجه عليه بس ليا كام سؤال للاخ الي بيقول مكان الناس تستريح فيه و يكون مكيف و نت مجاني و عامل بوفيه و الكلام دا
كل دا جميل بس مكلف و غير انه مكلف حتي لو فلوسه موجوده فهيخوف الزبون منك لانه هيحس انك غالي حتي لو انت مش غالي هيقولك بقي هيبقي عامل كل دا باسعار ميكانيكي عادي !!
تاني سؤال انت عمرك رحت عند ميكانيكي و لقيت الكلام دا ... انت بيبقي همك الاول و الاخير تطلع بعربيتك سليمه من العطل اللي انت رايح بيه مش انك تقعد في تكييف مش كدا و الا ايه ؟
طناني انا شغال في دراسه الجدوي الموضوع مش عايز اكتر من متابعه مستمره علشان ينجح و دا هيبقي بيني و بينك علي حسب شغلنا يعني اللي هيبقي متفرغ هوا اللي هيكون في المركز و كلمت كذا حد امبارح من معارفي في السوق بتوع قطع الغيار و فتحت معاهم موضوع اننا ناخد منهم قطع الغيار باسعار كويسه و علي راسهم محمد سوسو لان الراجل دا بعزه و عنده ضمير من معاملتي معاه ..
بالنسبه للمكان انا بدور و لقيت كذا مكان ممكن ينفع لكدا بس لسه مسالتش علي الاسعار و هيا عباره عن قطه ارض زي ما كنا بنقول انا و انت و هنأجرها و في منهم مهمولها سور و منهم من غير سور و منهم سور بسقف و حاجات كتير و كلهم عند الدائري و متهيالي زي ما قلتلك الدائري هيبقي اقرب حاجه لكل الناس ....
دعواتكم يا شباب و ان شاء الله نقدر نفيد اصحابنا و اخواتنا في المنتدي

ربنا يوفقكم وهو ده عين العقل كبداية.....وتقريبا نفس ألي قولته في رأي في المشاركات ألي فاتت.......وأعقلها وتوكل وبالتوفيق

المشاركة الأصلية كتبت بواسطة goofy_in_love

للاخ الي بيقول مكان الناس تستريح فيه و يكون مكيف و نت مجاني و عامل بوفيه و الكلام دا
كل دا جميل بس مكلف و غير انه مكلف حتي لو فلوسه موجوده فهيخوف الزبون منك لانه هيحس انك غالي حتي لو انت مش غالي هيقولك بقي هيبقي عامل كل دا باسعار ميكانيكي عادي !!
تاني سؤال انت عمرك رحت عند ميكانيكي و لقيت الكلام دا ... انت بيبقي همك الاول و الاخير تطلع بعربيتك سليمه من العطل اللي انت رايح بيه مش انك تقعد في تكييف مش كدا و الا ايه ؟
بتوع قطع الغيار و فتحت معاهم موضوع اننا ناخد منهم قطع الغيار باسعار كويسه قطعه ارض زي ما كنا بنقول انا و انت و هنأجرها و في منهم مهمولها سور و منهم من غير سور و منهم سور بسقف و حاجات كتير و كلهم عند الدائري و متهيالي زي ما قلتلك الدائري ‏

سعيد بالنقاش معاكم
أولا فيه فرق كبير بين ورشة ميكانيكي و بين مركز صيانة و كل واحد فيهم و ليه سعره و مستواه المالي و الفني ...
النت و البوفيه و الونش و الداتابيز كل دي حاجات مش مكلفة زي ما انت متخيل بالعكس دي حاجات هترفع من قيمة المركز جدا من ناحية الدعاية ..
طبعا المهم عندي العطل يتصلح لكن لو العطل اتصلح و انا قاعد في مكان مريح و بتفرج على عربيتي و هيه بتتصلح أفضل من اني أقف اناول الميكانيكي مفك و لا مفتاح .. و هدفع اكتر شوية بس مش كتير
انا فكرت في المكان لكن ماجاش في بالي حكاية الدائري دي خالص فعلا فكره ممتازه
لأن اهم حاجة بعد الفنيات العالية المساحة الكافية ..
قطع الغيار انت ممكن تتفق مع كذا تاجر جملة تاخد منهم بخصم معقول بس هتحتاج تعمل استوك عندك من الأول عشان المسافة بينك و بينهم و زيهم بتوع الاستيراد ..

لو حضرتك رحت الخليج كنت هتشوف ان أغلب ورش العربيات شغالة بفكره قريبة من كده ...

ربنا يوفقك ياباشا