سؤال تانى عن استهلاك البنزين

**rina** · 09-03-2008 12:46 PM

النوبيرا التوماتيك استهلاكها عالى جداااااا فى البنزين... هل ده نتيجة خلل فيها ولا ايه الحكايه بالظبط

**MMamdouh** · 09-03-2008 01:39 PM

الاستهلاك بتاعك قد ايه؟؟
بتسوقى عادتا فى وسط البلد ولا على طريق سريع؟
بتجرى ولا لا؟
فى اوزان فى العربية ولا لا؟

MMamdouh

**rina** · 10-03-2008 10:42 AM

نسيت اقولك مافيش اوزان عليها ولا حاجه ....وبرده لاحظت ان مفتاح الكونتاكت ساعات بيزرجن لما بقوم العربيه ( بس مش كتير حصلت الحكايه دى مرتين تقريبا)

**MMamdouh** · 10-03-2008 11:22 AM

هو كدة الاستهلاك كتير بس برضة دة مش مقياس لان العربية مركونة كتير اوى و تعتبر مبتمشيش... لو على كلامك دة يبقى انتى فولتى العربية مرة واحدة مثلا فى الست شهور دول و عملتى 300 كم... صح؟

مقدرش اقول فيه حاجة غلط لان طبيعة استخدام العربية مختلفة خالص عن الظروف اللى الواحد ممكن يحكم بيها على الاستهلاك... دى عايزة مرة تفولى التنك و تمشى مشوار على طريق مفتوح زى الدائرى و تعملى بتاع 100 كيلو ولا حاجة و بعدين تفولى تانى و تقسمى الكيلومترات على البنزين اللى مونتية فى المرة التانية عشان تعرفى الاستهلاك الصح

فى الصيانة الاولى بتبقى على الف كيلو... ممكن تروحى دلوقتى التوكيل و تقوليلهم انك مستلمة العربية من 6 شهور و تشوفى لو ممكن صيانة الالف تتعمل دلوقتى... هى اصلا مش صيانة صيانة لكن بتبقى مراجعة شاملة على العربية و لو ليكى ملاحظات زىموضوع المفتاح دة بلغيهم بية

لما عملت صيانة الالف فى عربية والدى مغيروش الزيت لانة كان موبيل 1... مش عارف لسة بيعملوا كدة ولا بيغيروا الزيت فى الالف

MMamdouh