نفخ العجل نيتروجين بدلا من الهواء

**=ISLAM=** · 09-09-2010 06:50 PM

السلام عليكم

انا فعلا روحت اشرفكو الحس السابع من يومين وغيرت لنيتروجين

وهوه فعلا عنده الجهاز اللي بيشفط الهوا ويضخ نيتروجين في نفس الوقت

فعلا الاحساس بالمطبات قل والعفشه هديت شويه

**=ISLAM=** · 09-09-2010 06:58 PM

المشاركة الأصلية كتبت بواسطة eagle2009

ياجماعة انا بافكر اغير ملء كاوتش السيارة الى نتيروجين
وعاوز اعرف من الناس اللى سبقونى فى المجال ده :

- هل فعلا فيه فرق بين الملء بالنيروجين والهواء بنعكس على السيارة
اه وانا مجرب الموضوع ده والحمد لله
- هلا يؤثر الملء بالنتيروجين على عفشة السيارة
العفشه بتريح معاك شويه والاحساس بالدبدبه بيقل شويه
- هل ينقض الضغط في الاطارات اللى بها نتروجين مع الوقت ويحتاج الانسان انه يضبط ضغط الاطار كل شويه؟
انا في عربيتي القديمه لانوس شيكت عليه 3 مرات في السنه فقط مره منهم كان في فرده واحده بس عايزه تتزود شويه
- هل التزويد بيكون نتيروجين او هواء عادى
نيتروجين برده
- لو فردة نامت على الطريق ومافيش نتيروجين هل يمكن تزويدها هواء لحين العودة الى المتخصص
تقريبا اه بس ممكن حد من اهل الخبره يفيدك برده ,,بس انت فعلا ممكن تملا هوا لحد لما تروح لواحد عنده نيتروجين بس تفضي العجله تاني كلها من اللي حواها وتملاها من اول وجديد نيتروجين
- ايه احساس اللى بيحه قائد السيارة اللى فيها نتروجين فى المطبات
احساسك بالمطبات بيقل قوي لو عفشه ناعمه وبيقل شويه مع العفشه الرياضيه بس اهم حاجه في تحسن للاحسن
- هل يمكن الرجوع الى ملء الاطارات هواء تانى لو ماعجبنيش النتروجين ولا لازم اكمل عالنتروجين
ممكن عادي بس ان شاء الله مش هاترجع للهوا
وتحياتى

المشاركة الأصلية كتبت بواسطة eagle2009

ماعليش ياجماعة طولت عليكم

- عاوز اعرف العجلة اللى بتتظبط هواء على 28 تتضبط نتيروجين على كام ؟
او ايه هى العلاقة او المعادلة بين الملء بضغط الهواء العادى و النتيروجين
الضغط ثابت في الاتنين وهاتظبط ااتنين علي 30 او 28

وأخيرا

هل فيه عربيات حديثة بتنزا اطاراتها بها نتيروجين ( جاهزة ) والا كلهم بينزلوا هواء واحنا نغير
وبمعنى تانى
هل صناع السيارات بينصحوا بالنتروجين ولا ده افتكاسة وخلاص
ممكن حد من الاخوه يفيدك في الموضوع ده
ارجوا الرد على اسئلتى وكل عام وانتم بخير جميعا
كل عام وانت بخير
وتحياتى

**eagle2009** · 11-09-2010 10:58 PM

اسلام باشا ، شكرا لردود حضرتك
وعيد سعيد وكل عام وانتم بخير

**=ISLAM=** · 21-09-2010 07:43 PM

المشاركة الأصلية كتبت بواسطة eagle2009

اسلام باشا ، شكرا لردود حضرتك
وعيد سعيد وكل عام وانتم بخير

انت تؤمرني يا باشا في اي وقت

وكل عام وحضرتك بخير

واسف علي التأخير

**mosaudi** · 19-12-2010 10:14 PM

الكلام اللي فات كله جميل جدا
بس اسمحولي كده في معلومه علي السريع
الهواء العادي بيتكون من 79 % نيتروجين و 20 % اكسجين
يعني مش فارقة كتير