مرسيدس 200موديل 80

**khaledmekawy2008** · 28-08-2010 04:16 PM

انا حبيت اقول الموضوع ده لاني مستغرب جدا اانا امتلك عربية مرسيدس موديل 80غيرتلهاا مكنة جديدة موديل 81 200 والعربية محتاجة شغل كتير جدا ...المهم جيت اجرب المكنة الجديدة بسم الله ما شاء الله وكأني والله راكب عربية سباااااااق سحب رهييييب جدا وسرعة تجميع عالية اوي اوي محسساني اني راكب عربية حديثة جيت اجرب اسافر بيها عالصحراوي مع انه غلط لان العربية محتاجة شغل كتير وكده المفاجأة اللي لغاية دلوقتي مش مصدقها ان العربية عدت وكسرت حاجز ال 200 من غير مالعداد قراءته تبطء يعني السرعة بتزيد بمعدل ثابت مبيقلش وصوت المكنة ما شاء الله هادئ جدا جدا والعربية متمورة....فازاي مكنة موديل 81 تكون بالمستوي الرهيب والعجيب ده....فعلا زي ما قالوا مرسيدس رقم 1 فالعالم.......

**kohana** · 01-09-2010 04:11 AM

أنا من عشاق المرسيدس وخصوصا الشبح

**midomagde** · 03-09-2010 04:49 AM

لو سمحت ممكن اعرف سعر الماتور ولوحده ولا معاه الفتييس

**MASERATI** · 03-09-2010 05:51 AM

المشاركة الأصلية كتبت بواسطة midomagde

لو سمحت ممكن اعرف سعر الماتور ولوحده ولا معاه الفتييس

السلام عليكم و رحمة الله و بركاته

و أنا و الله العظيم كنت لسه هسأل نفس السؤال , بس ياريت سيادتك تقولنا هو حضرتك كنت شارى الموتور ده منين , و هل فى حد بتاع قطع غيار معين بتثق فيه بحيث أنى أقصده لو أنا بدور على موتور بحالة ممتازة زى - ما شاء الله - اللى معاك .

جزاكم الله كل خير

مازيراتى كواتروبورتيه

**Mody_Benz** · 03-09-2010 06:10 AM

طبعا المرسيدس عربية فى منتهى الجمال والقوة

بذات الموديل اللى قولت عليها 200 سنة 1979,1980,1981,1982,1984

والف مبروك وربنا يباركلك فيها

**khaledmekawy2008** · 08-09-2010 04:45 AM

هو الموتور اللي انا اشتريته كان من الزقازيق من محل مش فاكر اسمه سميح او سحيم مش فاكر بالظبط بس مكانه عند شارع وادي النيل ولما روحت اجيب المكنة كنت واخد ميكانيكي شاطر اخترهالي من 4 مكنات وهو ما شاء الله هتلاقي عنده كل اللي تحتاجه وكان سعرها بفتيسها المانوال 9 ونص

**hamann** · 15-09-2010 04:30 AM

المشاركة الأصلية كتبت بواسطة khaledmekawy2008

هو الموتور اللي انا اشتريته كان من الزقازيق من محل مش فاكر اسمه سميح او سحيم مش فاكر بالظبط بس مكانه عند شارع وادي النيل ولما روحت اجيب المكنة كنت واخد ميكانيكي شاطر اخترهالي من 4 مكنات وهو ما شاء الله هتلاقي عنده كل اللي تحتاجه وكان سعرها بفتيسها المانوال 9 ونص

السلام عليكم و رحمة الله و بركاته

ربنا يباركلك فيها و يرزقك خيرها و يكفيك شرها , بس انا شايف أن لازال السعر ده كتير على المكنة دى , هقولك ليه :

أنا خالى معاه مرسيدس معدلة مو 1981 , المكنة السودا و راح اشترالها من المحلة نص أمامى كاااااااامل موديل 1984بالتكييف بالفتيس الأتوماتيك بالشبكة بالكبوت و الاكصدام و الفوانيس و الرفارف ب 8000 جنيه و باع الموتور اللى كان فى العربية ب 3000 جنيه و بالفعل ركب الموتور الجديد بالفتيس و التكييف بالفعل .

حاجة تانية , فيه واحد اسمه طارق البحراوى من بورسعيد, كان اتصل بى من حوالى أسبوع , وكان عارف انى عاوز أسقط مكنة E200 kompressor فى عربية مرسيدس 230 معدلة مو 1984و قاللى ماينفعش و أن آخر حاجة ممكن أسقطها هى المكنة السودا بتاع الزلمكة اللى قبل 6-1993 , و سألته ادا كانت متوافره عنده ولا لأ , قاللى أنه بالفعل عنده واحدة بالتكييف و الفتيس المانيوال ال6 سرعات ب 9000 جنيه , السعر ده من بقه , لسه قبل الفصال .

HAMANN