عملت فرش عربية جديد عند جينز كار

**Karim_Monir** · 28-08-2010 09:34 PM

السلام عليكم ورحمه الله
معظمكم عارفين اني معايا كرولا 2007
واني كنت معجب جدا بلون فرش الفولكس ايوس لما شوفتها في اوتوماك 2007
ولما جبت عربيتي رحت عملت فرش عربيتي نفس درجة اللون بتاع الفرش
كان الانتريور بتاعها اسود في رمادي والفرش لونه نبيتي
وعملته وقعد في العربية 3 سنين وزهقت منه

لغاية ما مهندس احمد ومهندس يوسف عرضو عليا تجديد الفرش بالكامل والارضيه كمان لاني كنت عامل ارضيه جلد برضه
http://www.nilemotors.net/Nile/133983-a.html
روحتلهم ونقيت الخامات والالوان وعشان انا بحب الالوان السادة مش بحب ادخل لون في لون
عملت الفرش بالكامل اسود
لكن عشان اظهر الفرش عملت (البانو) اسود ولكن نوعية ونقشة من الجلد اللي يشوفها يقول عليها انها قماش
لكنها جلد ايضا
البانو هو القطعة اللي في نص الكرسي سواء في القعدة او الظهر
وكنت من المحظوظين الاوائل اللي اتخيطلهم الفرش بالماكينة الجديدة اللي بتاخد خيط 9 فتلة وده خيط تخين نسبيا مش اي ماكينة تقبله ومش اي خامات يتخيط بيها
وميزته انه بيدي شياكة غير عادية في الفرش كانه فرش فابريكة بالظبط
ومش عايز اقولكم ان بكرة الخيط الواحدة بتعمل كام !!!
عشان كدة حساب الخياطة التخينة في الاطراف دي حساب منفصل لوحده عن الحساب العادي
حقيقي شغلهم فوق الممتاز
العربية اتعملت بسرعة جدا
نقيت الفرش في يوم وحددنا ميعاد ورحتلهم
سيبت العربية يا دوب روحت صليت العشاء والتراويح واشتريت حاجة لقيتهم بيكلموني العربية خلصت
وطبعا ده بناء على تحديدى لموعد مسبق لتركيب الفرش
الارضيه اتعملت فوق الممتاز والخياطة والتقفيل وتعديتها من تحت البلاستيك ممتازين
عنده شويه صنايعية ممتازين والاهم طبعا اشراف صاحب العمل اللي بيهتم بكل التفاصيل
ويكفي انكم تعرفو انهم طول شهر رمضان محدش بيفطر في بيتهم شغالين من الصبح لمنتصف الليل وبيفطرو كلهم في المصنع
بجد شكرا مهندس احمد ومهندس يوسف على المعاملة الطيبة والاداء المشرف
ودي شوية صور للعربية
الفرش غامق فمش مبين تفاصيل لكن فعلا الحقيقة احلى بكتير

تحياتي
كريم منير

**Karim_Monir** · 28-08-2010 09:40 PM

مشاركة تانية لتقسيم الصور

**Abdo_Eldesokey** · 28-08-2010 10:09 PM

ما شاء الله شغل رائع ، أحسن من الفرش الأصلي كمان

ربنا يباركلك في الفرش الجديد وفي العربية

محظوظين انتوا أهل القاهرة

**dr-mohamed** · 28-08-2010 10:10 PM

مبروك يا كريم
وعقبال ما بيدو يخربه

**abo_lamar** · 28-08-2010 10:21 PM

مبروك يا كريم باشا بس اتكلف الشغل الجامد ده كام ؟؟
ومحل جينز كار مكانه فين بالضبط ؟

**yoko** · 28-08-2010 10:24 PM

مبروك يا كريم

**Karim_Monir** · 28-08-2010 10:35 PM

الله يبارك فيكم
اسعار الفرش للخامات العالية دي بيكون بين 1000 و 1600
السعر بدون الخياطة التخينة المزدوجة لان تمنها لوحدها 200 جنيه
يعني نقدر نقول 1200 حسب الخامات المختارة
وطبعا انا تعملي تخفيض لنايل موتورز(مشيها نايل موتورز بس)
لكني واخد وعد من مهندس احمد اي حد هايعمل الفرش بالخياطة الجديدة له خصم خاص جدا والكلام ده لغاية العيد
كل سنة وانتم طيبين

جااااااااااااامد جدا ربنا يباركلك فيه ويبعد عنك السجاير والمشروبات اللى بتبقع

ممنوع التدخين قطعيا بالسيارة يا فندم مهما كان هو مين
ومفيش حاجة تبقع ماكله جلد والارضيه جلد
بدون مبالغة بيدو بيوقع علب عصير وايس كريم كاملة
مابقتش اتهور
انزل المهم بشوية مناديل
وشوية ميه يشيلو التلزيق
ولا تتعصب ولا تتهور ولا تتنرفز :-)
وشكرا كايرو باشا على دعوتك الحلوة :-) ولك المثل نيييههههههه

abdo_eldesokey

نقوا نقو
ماانتو عندكم فطير ولبن وعسل وهواء نضيف
بلاش ندخل في سكة القر دي :-)
وبعدين انوي وتعالي يتعملك واجب محترم بحق السفر