مازدا 3 ولا سيفيك

**imi** · 28-08-2010 10:55 PM

السلام عليكم

ان شاء الله قررت اجيب عربيه مازدا 3 مستعمل موديل 2008 ايرو

بس بصراحه كنت عايز اخد رايكم فى العربيه ديه هل هى مناسبه لى ؟

انا لسا فى بدايه حياتى فانا عايز العربيه متكونش مصاريفها كتير قليله الاعطال و صيانتها رخيصه ... انا ناوى ان شاء الله ائمن عليها فا مش خايف من سعر قطع الغيار ... بس انا خايف من عدم توافر قطع الغيار !!!

سمعت انها وطيه اوى هل ده حقيقى ؟؟
هل هلاقى ميكانكيه فاهمين فيها بعيد عن التوكيل ؟؟؟

العربيه الى امامى ب 100 الف لو انتم مكانى ممكن تجيبو ايه مكاتها(يعنى سيفك 2007 )على فكر انا مش بتاع جرى انا بدور على عربيه استمتع فى قيادتها

**nouranwar** · 28-08-2010 11:02 PM

السيفيك رائعة و المازدا رائعة بس من رأئي الشخصي لو كنت بقارن لنفسي السيفيك تكسب بالتأكيد
و ربنا يوفقك في اختيارك ان شاء الله
و الاعضاء هيفيدونا في المقارنة و الاختيار الصحيح ان شاء الله
بس كان ليا سؤال واحد هو ايه الايرو المازدا الايرو و هو فيه مازدا مش ايرو ؟ مجرد استفسار عايز اسأل عليه من فترة

**medo_hammad** · 29-08-2010 03:26 AM

المازدا والسيفيك الاتنين كويسين بس مش عارف انهي أحسن بصراحة بس المازدا جميلة جدا عن تجربة
المازدا اللي قدامك عاملة كام كيلو؟

**imi** · 29-08-2010 10:13 AM

بس يا نور انا بحب السيفك اكتر بس حاسس ان بالفلوس الى كنت هجيب بها المازدا هجيب بها سيفك اقل فى الموديل اكتر فى الكيلو و اقل فى الاوبشن .... عشان كده انا مش عارف السيفك تستاهل ولا ايه !!!

ميدو المازدا الى قدامى عامله 24 الف كم فبريكا مطلوب فيها كان 110 الف نزلتها لى 100 الف كده المبلغ ده كويس .؟

**imi** · 30-08-2010 10:45 AM

ايه ياشباب هو مفيش حد عايز يساعدنى
انا كل الى مخوفنى من المازدا ان 1- قطع الغيار غير متوفره و كمان غاليه
2 - واطيه
3 - ضيق العربيه خاصه للكنبه الخلفيه
4- صعوبه بيعها .....

**levelpower** · 30-08-2010 12:12 PM

اهلا imi
اول حاجه المازدا و السيفك عربيات محترمه جدا بس انت تفكيرك صح بالنسبه لفرق الموديل و الابشن
بالنسبه للمازدا عربيه ممتازه و اعتماديه عاليه و قطع الغيار متوفره جدا دلوقتى فى شارع دمشق و الحرفيين و سمارت و سونستا و غبور متقلقش على الموضوع ده
و بالنسبه لسعر قطع الغيار هى غاليه سنه لكن بتعيش و هتلقيها مش بعيد اوى عن اى عربيه تانيه ياعنى هتلقيها اغلى 100 او 200 جنيه بالكتير دى فى بعض الحجات طبعا
وبالنسبه لديق الكنبه الخلفيه ان شايف انها كويسه جدا و عاديه و عن تجربه و زيها زى الميتسوبيشى و السيفك تقريبا
اما صعوبه بيعها فتقريبا الناس خلاص عرفت ياعنى ايه مازدا بدليل انك بتفكر بجديه فى شرئها
وربنا يوفقك

**nouranwar** · 30-08-2010 12:12 PM

المشاركة الأصلية كتبت بواسطة imi

ايه ياشباب هو مفيش حد عايز يساعدنى
انا كل الى مخوفنى من المازدا ان 1- قطع الغيار غير متوفره و كمان غاليه
2 - واطيه
3 - ضيق العربيه خاصه للكنبه الخلفيه
4- صعوبه بيعها .....

1-كنت قرأت مواضيع و تعليقات في قسم المازدا ان غبور لما مسكها قطع الغيار متوفرة و سعرها قل شوية
2- السيفيك كمان واطية

من رأيي خليك في السيفيك احلي اشيك اكبر اوسع افخم و منزلش منها شكل جديد و بقي اسمك راكب الشكل القديم و عدادات ديجيتال و امكانيات عديدة جدا
روح اتفرج في معرض علي الاثنين و اركبهم و شوف اللي تستريحله ربنا يوفقك فيه

**medo_hammad** · 30-08-2010 03:34 PM

ألف 100 سعر كويس جدا

**himaz** · 30-08-2010 07:46 PM

المشاركة الأصلية كتبت بواسطة medo_hammad

ألف 100 سعر كويس جدا

+1111111111

**punto759** · 31-08-2010 05:26 AM

رجالة المازدا عندها حق 100000 سعر حقيقى حلو بس اكشف عليها كويس برضة و لعلمك انا برضة ما جبتش السيفيك علشان كام حاجة اولا انها واطية بجد بالنسبة لشوارعنا الجميلة واوطى من المازدا كما ثانيا شكل امازدا احلى ودى حقيقة ومافيش كدب فى رمضان و المازدا ملمومة اكتر فاحسن برضة بالنسبة لشوارعنا الجميلة قطع الغيار قريبة المازدا فيها حاجات اغلى شوية بس لو القطعة اصلى مش حتلاقى الفرق الوهم و اخيرا لازم اقول ان موتور وسحب الهوندا طبعا اعلى بس احنا مش فى اوتو كروس على طول وبجد المازدا حترفع راسك برضة لما تحب تلعب ودى وجهة نظر يا رجالة وماحدش يزعل منى

الموضوع: مازدا 3 ولا سيفيك

LinkBack

أدوات الموضوع

عرض

-

-

-

-

المواضيع المتشابهه

هوندا سيفيك 1993 ولا مازدا 323 موديل 2000

مازدا زيرو ولا سيفيك مستعملة

مازدا 3 زيرو ولا سيفيك 2009

مازدا 3 ام هوندا سيفيك

هوندا سيفيك ولا مازدا 3

الكلمات الدلالية لهذا الموضوع

المفضلات

المفضلات

ضوابط المشاركة