الموضوع: دبرنى ياوزير ...

لأ لأ مفيش صوت فى الفتيس ده صوت من الامام من عند الماتور وبيعمل اغغغغغغ اغغغغغغغغغغ متقطعة وليست مستمرة وانا على السلنسية بس مش عارف ده بييجى منين أنا والله يا استاذ محمد مش عارف أوصفه كويس وأنا مغيرتش ذيت الفتيس ده قبل كدة والصوت اللى بقولك عليه مابيروحش يعنى لو راجع من مشوار 300 ك وأنا على السلنسيه وبركن مثلا بلاقى العربية تزغور اغغغغ اغغغغغغغ اغغغغغ لكنى لما بطلع بسرعة او على الثانى معتش بسمع حاجه أنا المشكله انى مش عارف أحدد الصوت ده جاى منين وراعى ان دى أول عربية أركبهه مركبتش عربيات قبل كده لأنى مبحبش القيادة أصلا ً بس ظروف الحياة اللى فرضة عليا انى لازم أجيب عربية وياريت تدلنى بأى معلومات وانا متابع كل مشاركاتك وبقتنع جدا برأيك برغم من انك أصغر منى شويه بس واضح انك ممتاذ فى الميكانيكا فأفدنى أفادك الله من علمه وأنا بكرر كلامى أنا مغيرتش زيت الفتيس ولا الباكم قبل كده ولا مرة والميكانيكى بيقولى اللى فيهه ده الفابريكة واوعه تغيرة حتى انا جبت علبة زيت باكم ب 35 جنية ألمانى فتحتها ووالله ما استعملتهه فإيه رأيك انا متابع

هوه ايه اللى فبريكه وأوعه تغير لوزيت الباكم يبقى الراجل ده تسيبك منه خالص ولو زيت الفتيس ومعدي ال 50 ألف غيره برضه

العربيه دلوقتى 80000 كيلو بالضبط الا شويه يعنى ومغيرتش لا زيت الفتيس ولا مرة ولا الباكم أنا شاريهه 48000 كيلو وأنا كمان كنت ملاحظ أما بأجى أبطل العربيه كان بيبقى فيه شنة كدة والميكانيكى بتاعهه اللى بقولكم عليه قالى ابقى دوس دبرياج أما تيجى تبطل العربيه وانته مش هتسمع الشنة دى وفعلا أنا بعمل كدة والشنة دى مبسمعهاش هو قالى كمان ان دة من زيت الفتيس لأنه بيكون سخن بيعمل كدة وقالى كمان بلاش تغيرة لأنه فبريكة وأنا كمان لو حبيت أغيرة مش عارف أجيب ايه لأن الزيت ده أنا متعقد منه لأن زيت الباور لما طلع مش أصلى قرفنى وخرب بيتى على الباور فأنا فعلا معنديش أى معلومات عن زيت الفتيس والنوع المناسب ليهه ايه ولا الزيت الباكم فلو عندك أى معلومات عن الاثنين ياريت تدلنى وأنا عندى علبة زيت باكم لونها أزرق لبنى المانى كنت جايبهه من سنة وفتحتها ومستعملتهاش ب 35 جنيه معلهش أنا متقل عليكم فى الاسئلة واللت والموضوع ده بيتهيألى ملوش علاقة بصوت الزغورة اللى أنا كلمتكم عنه فى بداية موضوعى

يابشا ولا متقل ولا حاجه أحنا هنا كلنا أخوات

بص يا سيدي أنت تروح تغير زيت الفتيس حتنزل اللى عندك كله وحتحط بداله زيت إيسو تسعين واخد بالك إيسو 90 أى حد يقولك حط زيت تقيل زيت نوع تاني غير إسو قوله لا وحتحس بفرق إن شاء الله

بالنسبه لزيت الباكم فأحسن نوع هو نوع ate وهو فى علبه زرقاء المفروض انك بتغير زيت الفرامل مره فى السنه على الاقل فى ناس بتقول مره فى الصيف ومره فى الشتاء