الموضوع: الحقوووونى- مشكلة بسيارتي لانسر 2007

اولا مبروك على العربيه
ثانيا انته اشتريت العربيه خلاص و وانته بتشتريه كنت عارف ايه اللي فيها يعني متضحكش عليك
ثالثا سيبك من التاجر ده لان للاسف في ناس معندهاش ضمير ولا دم بتحب تبخس الاشياء تمنها ويعملك فيها ابو العريف
الحدق
نصيحتي ليك روح اكشف على العربيه ولو فيها حاجات بسيطه صلحها واتمتع بعربيتك
وربنا يباركلك فيها

خلاص ان شاء الله افضى نفسى فى يوم واروح مركز الصفوة (اللى فى اسكندرية ) واقولهم على اللى فيها واخليهم يكشفوا عنها كمان بالمرة وربنا يسهل
بس اللى انا كنت بسال عليه وعاوز اعرفه ضرورى هل لانها بتريح يبقى الماتور بايظ لان اللى شافها ده قالى (ايييييييييييه ده ايييييه ده بتريح لالا ده كده ماتور بايظ ) فده اللى مخوفنى
وربنا يجازيكوا خير كلكم

المشاركة الأصلية كتبت بواسطة gebreel

باشا ده دليل على انو مش فاهم حاجة لو افترضنا انها فعلا كدة و ان فيها حاجة هيبقى العيب في الفتيس مش الموتور

متشكر لردك يا استاذ جبريل

المشاركة الأصلية كتبت بواسطة dr-mohamed

زي ما قالك اخونا جبريل كدة يا اما عيب في الفتيس يا اما عيب في الفرامل ضعيفة
وفي كل الاحوال يا سيدي
نفترض العيب في الفتيس او حتي في الموتور
اخرها ايه يعني ؟
هتغير بموتور تاني لو 1500 اتنين كامة هايبقي الموتور بفتيسه تشيل ده وتركب ده بالفين و500 جنيه
ولو موتور 1600 بردو بفتيسه بكل حاجته شيل ده وركب ده ب4 الاف
يعني في النهاية العملية مش مرعبة ومتستاهلش تفكر في تغيير العربية ما دام الدواخل سليمة والعربية حلوة وعجباك مفيش غير الرعب اللى رماه في قلبك التاجر اللى معندهوش ضمير ده

بالنسبة للفتيس الراجل اللى اشتريتها منه قالى الفتيس متفتحش قبل كده
وبالنسبة للفرامل لو تقصد التيل فانا التيل عندى متاكل خاااااااااااااااااااااااا ااااالص وودتها لميكانيكى قالى اجبله طقم تيل امامى بس
بس انا مش فاهم يعنى ايه موتور 1500 بفتيسه بالفين ونص
و1600 بفتيسة باربع الاف هى المواتير رخيصة للدرجة دى انا كنت مفكر ان الموتور يزيد عن 15 او 20 الف جنية

المشاركة الأصلية كتبت بواسطة dr-mohamed

هههههههههههههه

لا يا باشا مش غالية ولا حاجة والاسعار دي من اقل من شهر من الحرفيين ومن اكتر من واحد مش من واحد بس

ولو عايز تجيب موتور الايفو كمان بكل حاجته بفتيسه بسلطاته ببابا غنوجه ب 6 الاف جنيه

وبعدين يا راجل التيل عندك كله متاكل وعايز العربية تمسك في الارض احمد ربنا انها معملتش للخلف در ورجعتك البيت بضهرك من المطلع

ههههههه .. والله بالنسبة لفكرة تغيير الموتور دى انا اخاف اعملها .. ولو فكرت اعملها يبقى هعملها لما اروح مثلا التوكيل او لحد فى الحرفيين ويقولى ماتورك باظ .
وبالنسبة للفرامل فزيت الفرامل فى الحتة اللى بيبان فيها الزيت نازل لتحت اوى يعنى فى الربع تقريبا الميكانيكى قالى حتى اجيب تيل بسرعة علشان متعملهاش معايا على الطريق او حاجة وطبعا التصفير جامد
... يعنى انت شايف ان المشكلة تكون فى التيل بس...
وبالمرة نسيت اقول انه قال ان صوت الموتور عالى رغم ان ودتها لكام ميكانيكى قالولى (صوتها عادى وقلتلهم طيب اول لما ادور الصبح بيبقى صوتها عالى .. قالولى برده عادى هى صوت بيعللى علشان السخان يشتغل ويسخن العربية )