الموضوع: مع احترامى الشديد ... كورولا 2008 شكلها فعلا سئ جدا ....

المشاركة الأصلية كتبت بواسطة hero

مش عارف حكاية الشكل دي مزعلاك قوي لية....
لو كنت كملت الجملة للاخر....كنت فهمت انا قاصد اية.....
انا باقول...الشكل لا يهم الكثيرين ايلي بيدوروا علي عربية كوسيلة مواصلات...مريحة وعملية...!!

اية بقي ايلي دخل شكل العربية ...في اللبس....وبعدين ...الاشكال والانواع دي ازواق....وكل بني آدم لية زوق....

صحيح اللى دخل شكل العربية فى البس , مهو احنا كلها حاجة عندنا بقيت سمك لبن تمر هندى , و هو دة اللى بكلمك فية , ان مبقاش فية ازواق اساسا , انعدمت الازواق , بدليل ان حضرتك بتقول ان الشكل بقى مش مهم و ان ناس كتير مش مهم ليها الشكل , و هى دى المصيبة , يعنى انت بتفكر فى السيارة على انها دابة و خلاص , يعنى حمار و حصان , هو حضرتك مشوفتش اللى بيتعمل فى الحصان عشان يكون جميل و الناس بتركبة , انما احنا الزوق انعدم عندنا , محدش بقى عندة اى تزوق فنى , احساس الانسان بالجمال و تزوقة احساس طبيعى ,(............................) , انة اية الشكل مهم فى اية , و هو اللى بيحب يلبس كويس و يكون مظهرة جميل دة مش شكل , هو انت اللبس اللى انت لبسة بتكون شيفة ولا الناس هى اللى شيفاة , و هو حضرتك بتلس كويس عشان المظاهر و لا عشان حضرتك تحب تكون جميل المظهر امام الناس , و لما تشوف واحد مظهرة جميل يبقى دة شىء وحش , العربية كذالك , مظهر من المظاهر و شكل جميل تحب تركبة و تحب ان الناس تشوفة و انت كمان تحب ان الناس تركب عربيات جميلة عشان عينك تكون مرتاحة .

كل المنقشات دى و مقرنات دى و اى شكل جديد ينزل تلاقى الناس جريت عشان تشوفة و تنشرة و تعلق علية , وبعدين تقولى الشكل مش مهم , ممكن يكون مش مهم بالنسبة ليك اة , انما انا شخصيا و اعتقد ناس كتير بتحب الجمال الشكل دة اهم حاجة بالنسبة ليها , مش عشان هما بتوع مظاهر او عندهم فلوس كتير ولا حاجة , بس عشان بيحبو الحاجة الجميلة , و يهمهم لما يشترو عربية جديدة تكون احدث تصميم , تمام زى لما بتلبس حاجة جديدة , تحب انها تكون جميلة و مختلفة , وجذابة , اة بعد شوية التصميم حيقدم و حيكون عادى , بس على الاقل الواحد استمتع بالفترة الاولى دى , و كل واحد بقى و امكانياتة فى انة يغير للشكل الجديد او لاء .
الجمال و الاحساس بالجمال غريزة طبيعية , و كل واحد بيعبر عنها بطريقة و بامكانياتة , انما تقول الشكل مش مهم اهة دة خروج عن الفطرة السليمة و عن الزوق الطبيعى

_______________________

نرجوا من العضو التخلي عن العصبيه و احترام المخالفين لرأيه

مشــرف القســم