بسرعه يا جماعه جين 2 ولا النترا

**mohameddawoud** · 10-03-2008 01:52 PM

المشاركة الأصلية كتبت بواسطة crazylambada

انا عندي سؤال بسيط
ايه جاب دي لدي
عربيتين اصلا مش بينافسوا بعض
و مفيش اي اوجه شبه
العربية اللي تجيبها حسب استخدامك قولنا استخدامك للعربية ايه

انا عارف ان مفيش وجه شبه بس العربيتين 1600 والعربيتين فرق السعر بينهم مش كبير (اتوماتيك) والعربيتين شكلهم عاجبنى يعنى اشترى جين 2 (امان - أوبشن عالى جدا ) ولا اشترى النترا شكل كبير وتحس انك فورمال من غير أوبشن هو ده اللى بتكلم عنه اما بالنسبه لأحتياجى للعربيه فهى بروح بيها الشغل واركنها من الساعه 10 صباحا الى 10 مساءا واروح بس ده كل استعمالى للعربيه وممكن اسافر كل اربع اسابيع مره واحده وفرق الفلوس موجود والحمد لله
انا عن نفسى نفسى اركب جين 2 بس كل اللى معايا فى الشغل بيقولو النترا برستيج

**crazylambada** · 10-03-2008 06:20 PM

طب حضرتك عندك كام سنة
متزوج و عند حضرتك اولاد
على العموم انا بفضل فئة الجين 2
ولو عاوز برستيج بدل الانترا جيب الميجان

**tutankhamoun** · 10-03-2008 07:38 PM

طبعا جين 2
أولا الجين 2 في مصر ثمنها أرخص من الخارج
و مش علشان الإلنترا أغلى تبقى أحسن أو متبقاش في نفس فئة المقارنة
العربيتين 1600 سم مكعب ..........
و ثمن الجين 2 خارج مصر و خصوصا في انجلترا و دول الخليج بيساوي الإلنترا

نيجي بقى نتكلم عن العربيتين

الجين 2 شكلها ثوري شويه و يعطي على شبابي أكثر منها أي شئ أخر
و السيارة تأتي بجميع الكماليات .......... و صاج قوي جدا يفكرك بعربيات زمان
و فرق الثمن يبقى في جيبك .......... ووكيلها معقول جدا و مش زحمة و لحد اﻵن كويسين جدا

إنما أنا شايف إن أحسن عربيات بتتباع في مصر في متوسط سعر 90000 جنيه مصري و كمان 1600 و كمان جميع الكماليات هي عربيات بروتون و معاهم نيسان صني الممتازة
أما بقية العربيات غالية جدا و على الفاضي و سعرها مبالغ فيه

الإلنترا .......... تصميم خارجي يوحي بالجمال و الكلاسيكية الجميلة و يفضله كبار السن ( أقصد ما فوق 40 سنة )
طبعا أداء كويس ........... صاج ضعيف .......... و عفشتها كويسة
ووكيلها سمعته وحشة جدا و ثمن العربية عالي شوية

**modux** · 10-03-2008 07:42 PM

رائي جين 2 طبعاااااااااااااااااااااا اا

**mohameddawoud** · 10-03-2008 07:52 PM

شباب انا بشكركم جدا جدا جدا على الردود وانا اخترت جين 2 موديل 2008 وحستلمها ان شاء الله كمان اسبوع بس نفسى اجيب الفوانيس الاماميه الجديده بتاعتها لأن 2008 نزلت بنفس الشكل وعلى فكره انا عندى 34 سنه وكل هدومى بدل (فورمال) علشان شغلى وعلشان كده كنت بفكر فى النترا بس الكماليات مهمه جدا من وجهه نظرى والواحد بيركب العربيه من جوه مش بيقعد على الكبوت فالمهم العربيه من جوه مش من بره مع الأعتبار ان جين 2 جميله من بره وجوه وشكرا جدا لكم

**fiatmomo** · 10-03-2008 07:56 PM

الجين 2 .. كمساحة خلفية ضيقة ... الالنترا ... من ورا برده مش واسعة اوى لكن اوسع من الجين 2 ... زى ما حضرتك قولت ... الجين 2 شبابى و الالنترا كلاسك شويه .

من كلامك انا حاسس انك ميال اكتر للجين2 ... ونصيحة ... ماتجيبش عربية انتا مش ميال ليها ... يعنى لو الالنترا مش عجباك سيبك منها نهائى ... ولو الجين تو عجباك توكل على الله واشتريها .
وحاجة اخيرة .... روح توكيل بروتون وبص على الجين تو ... وبعد كدة ( فى نفس اليوم ) اطلع على اى معرض وشوف الالنترا ... وقارن بنفسك . وشوف انتا استريحت لانهى اكتر ... ودة اهم من رأينا كلنا .