الموضوع: مواصفات وكماليات E46 318i بالتفصيل

المشاركة الأصلية كتبت بواسطة Ahmed A.Maksoud

و لو أنك برة قسم رينو من غير تصريح بس هرد عليك باللى فاكره

أبتداء من موديل 2001 ( جزء منه مش كله ) و الموديلات الأعلى بيبقى الفتيس أوتو مع ستيب

كانت بتنزل موديلين
318 base line و دى 1800
و 318 high line و دى 2000 سى سى

الكماليات مش فاكر أيه الفرق بينهم بس الكماليات اللى شوفتها فى عربية واحد صاحبى و كانت high line هى
كاسيت مع سى دى مع تليفون
أيرباجز بس مش فاكر العدد
ستائر خلفية كهرباء
جنوط مختلفة عن الباز لاين
فوجات مختلفة
فتحة سقف.

ده اللى فاكره حالياً

قطع الغيار موجودة جديد و أستيراد و أسعارها عالية شوية بس معمرة

العيوب اللى فاكرها هى مشاكل فى مكن الأزاز الكهرباء
مشاكل فى الفتيس القديم اللى هو أتوماتيك من غير ستيب
بعض مشاكل التقفيل الأخرى بس مش عارفة عامة ولا حصلت مع صاحبى بس ( كان فيه كويل تكييف فى التابلوه من جوه بيسرب مياه و بوظ الكاسيت )

ده اللى فاكره حالياً

لكن كسواقة و ثبات....ال 2000 سى سى وحش حقيقى و الثبات ممتاز مع مرتبة الشرف.

معلش انا قولت ان وحوش رينو الكبار مش بيتواجدوا كتير في باقي اقسام المنتدى بس اتضح انهم متابعين كويس بالرغم من قلة مشاركتهم فيها

وكمان مش عاجبني لعب الأهلى اوي فقولت ادخل ادعبس كده شويه في الخباسة

بس خلاص طالما رديت عليا يبقى انا اخدت التصريح ولا ايه!!!

خليني انتهز الفرصة واستغل معرفتك بالميجان والبي ام وتقولي ايه في الميجان الهاي لاين مش موجود في البي ام (انا ركبت 318 موديل 2009 بس ماعرفش حاجه عن E46 بس بصراحه بحبها اوي يمكن اكثر من الموديل الحالي)

وحضرتك قولت مثال زي الستارة الكهرباء ايه تاني؟

والف شكر على التصريح والإجابة

أنا عايز أوضح إن من ٢٠٠٢ في الموتور الجديد 2.0l , hp143 ,16 valve Bi vanos بدل القديم 1.9L

خير يا جماعة دا انا لو عاوز صدقة هلم اكثر من كده

ماحدش معاه E46 او يعرف معلومات كويسه عنها غير الزملاء الي ردوا مشكورين

المشاركة الأصلية كتبت بواسطة TheBuccaneer

يا سيدى الفاضل بداسة من عام 2002 إلى عام 2006 السيارة كام هى كل ما سوف تجده يختلف شكل الفوانيس الأماميه و الخلفيه و شكل الجنوط إنما كسيارة من الداخل و الخارج شكل واحد

طبعا هناك نوعين من السيارة البيزلاين و الهاى لاين

التفرقه السهله الهاى لاين مزوده بفتحة سقف و شكل عجلة القياده بينما البيزلاين غير مزوده بفتحة سقف و شكل عجلة القياده مختلف لكن كأمكانيات داخليه على سبيل المثال قد بها التليفون أو بدون و السبب قد يكون إن جهاز التليفون المزوده به السيارة قد لا يعمل او شىء من هذا القبيل بالنسبة للسى دى تشانجر قد تجده و قد لا تجده لسبب ما إنما كمحرك و عفشه و فتيس و كل شىء السيارتين واحد

بالنسبة للفتيس فهو الأستيبترونيك و هو فضل من الأتوماتيم بالطبع!
الفتيس به 3 أنظمه ال d و هو الدرايف العادى و ال d/s هو القياده الرياضيه و فى هذا النظام قد تجد إختلاف بينه وبين ال d فى متى يقوم الفتيس بنقل الحركه من سرعه إلى أخرى و قد تجد السيارة تهبط بعض الشىء لثبات أكثر و ال m و هو النظام اليدوى العادى و به 4 سرعات فقط بتحريك عصا الفتيس لأسفل تبدأ فى زياده الغيار و بتحريك عصا الفتيس لأعلى يبدأ فى نقص الغيار, مع العلم إنك و من الثبات قد تعطى ال 4 غيارات لكن إذا انتظرت لمده لا تزيد عن 2 ثانيه هتجد الفتيس من ذات نفسه يرجع إلى الغيار رقم 2 لأستحالة تحريك السيارة على الغيار رقم 4! كشىء زيادة فى الأمان للمحرك إذا كنت مثلا على وضعية ال M و كن على الغيار رقم 3 و زودت على هذا الغيار دون ان تنقل إلى الغيار رقم 4 قبل إن يتحرك مؤشر الأر بى إم للمنطقه الحمراء يقوم الفتيس من نفسه بالنقل للغيار الأعلى هذا فى كافة الغيارات!

تمام بالنسبة للمحرك هو المعروف بالكود N42B20 وهو 1995 سى سى بقدره حصانية 143 حصان

بالنسبة لعيوب ال e46 بشكل عام هو العفشه تحتاج دوما إلى التأكد من إن عفشة السيارة بحاله جيده لأنها من أسباب تشريخ من ناحية البطاحات الأماميه! يعنى مثلا كل 6 شهور أو 3 شهور زيارة للميكانيكى للتأكد من إن العفشه جيده ولا تحتاج صيانات أو تغييرات

من ناحية ثبات, نعومه, سرعه! بدون تعليق

متوسط سعر خارج معارض ال 2002 البيزلاين تبدأ من 120000 جنيه شرط الحاله بالنسبة لسعر الهاى لاين قد تجدها بزياده 5000 الى 10000 جنيه شرط الحاله بالتأكيد! نهاية سعر 160000 جنيه كسعر للهاى لاين ال E46 2006 ليس هناك منها عدد كبير

بالنسبة للمعارض المحترمه (منيب للسيارات, و I-Drive و معارض أخرى) هتجدها معلن عنها بملحق السيارات بجرنال الأهرام يوم الجمعه تمام. إذا كنت نويت الشراء من معارض هتجد مسأله الأسعار مختلفه تماما و بزياده بالطبع لتحقيق المكسب

بالنسبة لقطع الغيار 95% من قطع الغيار موجوده بالخارج الجديد و الأستيراد لا تقلق لكن ال E46 معروفه بأرتفاع قطع أسعار غيارها.

و أنت بتشترى طبعا حوض السيارة و تأكد إنه سليم, البطاحات تأكد من إنها ليست مشروخه, طبعا الشنطه, القوائم, المحرك و كفاءته, إلخ... أشياء كثيره لكن الكشف النهائى للشراء إما فى التوكيل أو عند ميكانيكى متخصص طبعا

ألف شكر يا باش على المعلومات القيمة والله ما قصرت

سؤال أخير أزاي اعرف ان كانت البطاحة فيها شورخ ام لا؟

المشاركة الأصلية كتبت بواسطة TheBuccaneer

أول ما تفتح الكابوت الأمامى للسيارة هتجد البطاحات و بها ثلاثه مسامير المتصلين بالمساعدين عند المسامير بيكون الشرخ حولهم. البطاحه هى التى تشبه الكوب فى الصوره بالأسفل ناحية الشمال

[gdwl][/gdwl]

ألف شكر يا باشا مش عارف اقولك ايه والله تعبتك معايا
جزاك الله خيراً وان شاء الله يبقى في ميزان حسناتك