أخويا إمبارح إتمسك عكس إتجاه في شارع جانبي في كفر عبده من ضابط على موتوسيكل.... الظابط اللي هو ملازم أول و مؤدب و تربية عالية أوي أوي عن كل الناس التانية اللي مش ظباط - لإنهم حثالة المجتمع و طفلة الحشرة ( يا حماار) - وقفه و أخد منه الرخص( العربية و السواقة) و أخويا قال له على إيصال يمشي بيه، فقال له روح على قسم سيدي جابر(بتاع خالد سليم - الله يرحمه) إسأل عليها هناك!!!!

يعني بعد سؤال كل اللي عرفهم في أي مكان وصلنا لإنه كان عايز يحبسه 24 ساعة غير الغرامة اللي لسة معرفناهاش... إتصرفنا لحد دلوقتي مراحش يتحبس لكن لسة الموضوع ما خلصش...
الفكرة: إجراء الظابط ده صح؟؟؟ و لو مثلاً في غير عكس الإتجاه دي في أي لجنة أو مخالفة تانية ، الظابط أخد الرخصة و ما رضاش يديني وصل بالرخصة أعمل إيه؟