كرهت الزقازيق جدااا

**ALSHaRKAWY** · 31-08-2010 04:59 AM

انا مش عارف الناس اللى بتدفع مبالغ عالية جدا فى شقة بالزقازيق بتدفع على ايه؟ وفى نفس الوقت المبالغ دى ممكن تجيب شقة براس البر مثلا او الاسكندرية.وكل المسئولين عن محافظة الشرقية محدش بيحاسبهم ولما تيجى الزقازيق هتلاقيها العاصمة اسما فقط لكنها لا تليق ان تكون العاصمة لمحافظة عريقة مثل الشرقية التى خرجت نوابغ فى كل المجالات دا حتى المحافظ مش بيتغير ولكن البلد تتغير من سئ الى اسوأ وانا عن نفسى بتفسح فى ميت غمر او زفتى وبكفى منظر النيل هناك وهنا يا عينى فى الزقازيق ضحكوا علينا وعملوا المصرية بلازا اللى ممكن تتجول فيها فى خمس دقائق فقط الى جانب سوء التخطيط المرورى وكثرة الاتوبيسات وهى اخرها توكتوك وحتى انا اعرف ناس حاجزين فى اسكان مبارك من 2005 ولسة مستلمين الان فى حين انك لو حاجز فى اسكان مبارك فى اكتوبر ممكن تستلم بعد سنتين وطبعا دا لعب على كبير بين مسئلوين المحافظة والمقاولين ولا حد دارى

**mr_sameh** · 31-08-2010 06:48 AM

للاسف اسؤ محافظ الموجود حاليا

**محمد بلال** · 15-09-2010 09:57 PM

المشاركة الأصلية كتبت بواسطة michohat

اللى اقدر انصح بيه هوا السمكري اسمه عبدالله ابو السيد وهوا موجود بعد ميدان الزراعه وانت رايح على شيبوب قصاد عمارات لكوظ هوا صنايعي كويس جدا بس غالي
مش معايا نمرتة الحقيقة لانى مش بكلمه انا وقت ما بكون عاوزة انزل اروح له بس معايا نمره ابنه لانه كان عاوز يشتري عربيتي فلسه محتفظ بيها عندى
ابنه اسمه السيد نمرته 0123539054

المشاركة الأصلية كتبت بواسطة yahiahelaly

ولما تيجي الزقازيق وتنورنا وتعوز اي حاجة كلمني انا اعرف سروجي كويس وميكانيكي محترم لكن ف السمكرة والبوية لا بصراحة الي اعرفهم غاليين

شكرا جزيلا لكما

**A7MED_PHARMA** · 15-09-2010 10:28 PM

يارجالة
الزقازيق على بعضها كام شارع
شارع فاروق
و المحافظة
والأمن الغذائي
وماشاء الله

وطبعا
تحس إن شباب القومية كانوا في جرة وطلعوا لبره
مش عارف ليه
أحيانا كنت بكون في الزقازيق في عز الحر...والشوارع مش زحمة
تلاقي العيال دي بتلف في الشوارع برضووو
رايحين جايين ..رايحين جايين

وبالنسبة للنضافة..حدث ولا حرج
مزبلة ياراجل
وتشوف أول شارع فاروق..تلاقيها صفيحة زبالة
والشوارع الجانبية من شارع ماشاء الله..فعلا تلاقي أكياس الزبالة متدلدلة من البلكونات..وكأنك ماشي في جنينة عنب(مع فرق إن العنب هنا أكياس زبالة سودا مقرفة)

وإلي يخرق الدم زي مالرجالة قالت
الأسعار الهلامية المهلبية بتاعت الشقق في الزقازيق

برج إسمه المدينة المنورة ..على أطراف الزقازيق ... في الهووووو
كنت بسأل بالصدفة وأنا معدي
البرج أساسا لسه تحت الإنشاء
أسأل الشقة بكام...بيقولي 600 ألف
بيني وبين نفسي ..فضل أقول تيييييتتتتتتتتتتتتتتت لحد ماروحت

**dr_magdi2009** · 15-09-2010 11:22 PM

انا قعدت فى المنصورة 13 سنة فترة تعليمى و عملى لحد ماجه اليوم اللى مش قد كدا و نقلت شغلى و بيتى الزقازيق .........

فرق شاسع بين عقلية الراجل الدقهلوى من رقى و سمو و شياكة

و بين عقلية الراجل الشرقاوى الذى يسبق لسانة عقلة

للاسف هناك فرق شاسع

انا فى الاصل دقهلاوى حتى النخاع

**A7MED_PHARMA** · 15-09-2010 11:41 PM

أنا كمان نقس الوضع يادكتور مجدي
أنا عشت وإتربيت أكتر من 20 سنة من عمري(26 سنة)..في كفر الشيخ
كفرالشيخ أنا روحتها من كام يوم ...وأخدت لفة فيها
أحلف بربنا إنها دلوقتي أجمل من أي مكان تاني في مصر
منطقة الجامعة في كفرالشيخ..مقدرش أقول دلوقتي غير إنها تحفة..وتخطيط وتنظيم المدينة نفسها...خيااال
غير إن طبع أهالي كفرالشيخ..مقارب لطباع الإسكندرانية
أنا مش بقول إن طباع الشراقوة وحش.....لاااا
بس أنا لحد دلوقتي مش قادر أتأقلم معاهم

**M_Abdallah** · 16-09-2010 02:48 AM

يا اهلا برجالة الزقازيق منورين. الزقازيق من اسوأ لاسوء بالنسبة للقومية الزحمة اللي فيها
عشان في الفترة الاخيرة انتشر بشكل ملحوظ الكافيهات والمطاعم ومحلات الملابس
اكتر من وسط البلد فكل الناس بتتجه ليها غير طبعا الشباب الروش من الجنسين
اللي ليل نهار بيلف بالعربيات حولين بعضه ومفيش اصلا مكان في الزقازيق يتخرج
فيه حتي النوادي مفيش غير اتنين نادي الشرقية اللي يجيب اكتئاب ونادي المصرية
بلازا اللي تصميمه عجيب تلاقي 70% من المساحة بتاعته مهجورة مهجورة و30%
عبارة عن حمامات سباحة وملاهي للاطفال وسينما والاماكن اللي مفروض الناس
الكبيرة تقعد فيها محدودة جدا .اما بنزل القومية بيبأ علي رجلي مشي ويدوب شوية
ونطلع علي البحر عند بنك ياركليز نشرب حاجة ساقعة ونقف نشم شوية هوا الي حد ما
حلوين وخلاص .

**محمد محمد** · 16-09-2010 03:14 AM

المشاركة الأصلية كتبت بواسطة adel_2346

وتلاقيه معظمه متباع فى برج بعد عماره مشاء الله الشقه 3/4 مليون ومتباع كله ومكان العربيه فى الجراج 10000
مالها العبور

صحيح مالها العبور دي مدينة لووووووووووووز اوي.

-

الموضوع: كرهت الزقازيق جدااا

LinkBack

أدوات الموضوع

عرض

-

-

-

-

-

المواضيع المتشابهه

كرهت العربية بجد

من الزقازيق للعين السخنة,,,ومن الزقازيق لمارينا ؟؟

انا كرهت المنتدى :((

بجد أنا كرهت الصين

كرهت الانوس

الكلمات الدلالية لهذا الموضوع

المفضلات

المفضلات

ضوابط المشاركة