الموضوع: كرهت الزقازيق جدااا

يا مرحب بأهل الزقازيق

يا باشا أنا من كتر مكرهتها قاعد فى البيت بقالى أكتر من سنتين ويوم لما بنزل بيبقى بعد 12 بليل

اللى نفسى أفهمه فعلاً " ليه الناس بتلف فى القوميه بالشكل ده "

الناس بتلف في القومية فاكرنها عباس العقاد وتلاقى اى واحد لقي حته من الطريق فاضيه قدامه يروح شادد فيها ويضرب فرامل
واعتقد كمان ان من ضمن الاسباب ان الزقازيق مفيش فيها اماكن للخروج او للفسح فالمفهوم المتعارف عليه عند معظم الشباب ينزل يلف لفه لفتين فى القوميه و لحد ما يزهق و يطلع يركن ويقعد على كافتيرا زي اللى قدام مستشفي الجاويش او يطلع لو رايق شوية وعاوز هدوء يطلع يقعد على الكورنيش
اللى مخلي الناس تحس بالزحمه فى شارع طلبه عويضة ( شارع مؤمن ) هيا الملفات تلاقي العربيات واقفه طوابير ورا بعضها علشان تلف ولو هربت من الطوابير دى وطلعت قدام والسكه مشيت كويس تلاقي الاشارة العجيبه اللى بتقفل دقيقة و تفتح 30 ثانيه ( والله كنت مره فى اول الشارع ناحيه طأطأ والاشارة فتحت وقفلت اكتر من 4 مرات لحد ما عرفت اعدى الاشاره)
وكمان شارع طلبه عويضة كل جنب منه اسفلته مكسر ويا دوبك حارتين حاره منهم واحده للعربيات الراكنه والتانيه بيتخانق عليها العربيات الماشية والعربيات اللى طالعه من الشوارع الجانبية
الزقازيق من زمان وهيا مخنوقة وزادت الايام دي خنقة من كتر العربيات اللى فيها دى فى بعض الاوقات الناس فى الشارع مش بتبقى لاقيه مكان تمشي فيه فعن نفسي من الشغل للبيت والعكس ومش بنزل الا لتقضية المصالح والطالبات بس
من كام يوم اكتشفت مكان كويس فى الزقازيق يعتبر هادي شوية و مفيش فيه زحمه وهوا الكافتيرا اللى فى قاعه افراح الواحه مفيش فيها زحمه و تصلح انها تكون قعده عائلية و الجو جميل وفيه اماكن متاحه لركن العربية
لو حد يعرف مكان فى الزقازيق ينفع للخروج والعائلات يا ريت يعرفنى لان بقي لي فتره كبيرة مش دايس كويس فى الزقازيق

المشاركة الأصلية كتبت بواسطة yahiahelaly

المشكلة بقى الي محدش يتخيلها ومش راضيين يقتنعوا بيها اهل القاهرة كمان ان اغلى عقارات فعلا ف الزقزايق يعني اقل شقه بتعمل 250 الف ده ف المنطق الشعبية وفي شقق بتوصل ل750 الف يعني تروح الرحاب احسن

عندك حق فعلا الشقق في الزقازيق اسعارها فلكيه وتعتبر اغلى من شقق مدينه نصر الضعف
واعتقد ده يرجع لصغر مساحه المدينه والتكدس والكثرة السكانيه
سمعت اسعار لشقق فى الزقازيق وصلت المليون ودى على الطوب والمرافق بره الشقة وانت تدخلها براحتك
بالنسبة للشقق فى الزقازيق عندى فكره ممكن نتغلب بيها على الغلو ده
فى شقق تمليك فى هرية تعمل لها 50 الى 75 الف (في اقل من كده ) تتوضب كويس و معاها نجيب عربية يبقى كده السكن والمواصلات وقفت على 150 الف تقريباً
والمسافة من هريه للزقازيق مش تزيد عن 10 دقائق بالعربية
وبرضه يبقى حلوه فى رمضان علشان نبقي جنب مسجد التوحيد ف ننزل براحتنا ونلاقي مكان