كيفيه قياس الامبيرفى بطاريه السياره ومعرفه البطاريه كام امبير ومعرفه وطلب اخير اريد ان اعرف طريقه قياس شحن الدينمو بالافوميتر بالامبير والفولت ومعرف ازا كان يعمل جيدا او لا وازا كان بيشحن البطاريه جيدا واكون مشكورا جدا
عرض للطباعة
كيفيه قياس الامبيرفى بطاريه السياره ومعرفه البطاريه كام امبير ومعرفه وطلب اخير اريد ان اعرف طريقه قياس شحن الدينمو بالافوميتر بالامبير والفولت ومعرف ازا كان يعمل جيدا او لا وازا كان بيشحن البطاريه جيدا واكون مشكورا جدا
مان كان فى جهاز بيركب على الولاعة بة 3 ليدات احمر برتقالى اخضر . الاحمر يعنى مفيش شحن او احمر مع برتقالى يعنى شحن ضعيييييييف . برتقالى يعنى مش وحش . برتقالى مع اخضر يعنى كويس . اخضر يعنى تمام . معرفش الجهاز دا لسة بيتباع و لا خلاص
ممكن بالافو تظبط على dc 24 فولت و تحط السلك الاحمر على البطارية الموجب و السلك الاسود على البطارية السالب و تزود بنزين شوية شوية المفروض العداد يطلع حتى 13.5 او 14 يبقى تمام
انا بقيس بالافو بس ده بيقيس الفولت مش الامبير
طبعا اللى بيتقاس الفولت و ليس الامبير . كلام سليم عشان كدة بتظبط الافو على dc
كلام سلم بس الافو بيقيس 12فولت سوا كانت البطاريه ضعيفه اوقويه او ما فيهاش شحن اساسا اهم حاجه هو الامبير هل يوجد قياس الامبير فى الافوميتر وازا كان فيه تحط على كام وتحط السلكين بتوعو على اسلاك الدينمو وتزود بنزين ولا لازم البطاريه موصوله ومشكور جدا على الاهتمام والرد السريع -رمضان كريم-
زى ما قلت فى ردى فى تانى مشاركة بتظبط الافو على 24 او 50 حسب الافو اللى معاك المهم اعلى من 12
مش هتعرف تقيس الامبير صعب دى حكاية طويلة و حسبة . حتى المتخصصين ميقدروش يقيسوا الامبير
اللى تقدر تعملة هو الاتى :
زى ما قلت تحط السلك الاحمر على الموجب و الاسود على السالب . القراءة هتكون 12 زى ما قلت تمام . الطبيعى لو البطارية سليمة انك لما تدور العربية القراءة تنزل الى 10 فولت لحظة التدوير و بعدين تطلع تانى ل12 و لما تزود بنزين يزيد العد الى 13.5 او 14 كدة يبقى تمام التمام .
اما لو لقيت العد ساعة لحظة الدوارة بينزل لاقل من 10 يعنى فى ضعف . حسب المقاييس لو نزلت الى 8 فولت تسمع تكتكة فى المارش و ومفيش مارش . المتخصصين بيبقى عندهم جهاز للقياس و مدمج معة سخان داخلى و الغرض منة عمل تحميل على البطارية و يشوف العداد ينزل لغاية كام فولت بس طبعا معندناش الجهاز دا و بنستعين بدلا منها بلحظة التدوير فهى تؤدى نفس الدور .
((((( الكشف عن اعطال البطارية))))))
اولا الكشف على البطارية:-
1- عند الكشف على البطارية لازم تكون العربية مطفية و باستخدام الفولتميتر يتم توصيل الطرف الاحمر بالقطب الموجب للطارية و الاسود بالقطب السالب و يجب ان تكون قراءة البطارية السليمة بين و 12.1 و 12.8 .
http://www.2carpros.com/backup/disco.../battery_5.jpg
2- عند الكشف على شحن الدينامو يتم تنفيذ نفس الخطوة السابقة مع تشغيل المحرك فى الوضع العادى و يجب ان يكون معدل الشحن بين 13.6 و 14.3 .
http://www.2carpros.com/backup/disco.../battery_6.jpg
تمام زى ما قلت و كمان مدعم بالصور تسلم يا غالى
المهم لمعرفة حالة البطارية قراءة العداد لحظة الدوارة
ربنا يخليك بس فيه حاجة
انا لما بقيس شحن الدينامو ممكن يكون حد معاك عشان هو اليدور العربية...و لحظة الدوارة لازم الفولت هينزل لحظيا من 12.6 مثلا الى 10 او 9 او ممكن اقل لانك بتسحب امبير من البطارية مباشرة للمارش
وبعد كدة الفولت هيعلى لان الدينامو بدأ يشحن فبيوصل الفولت الى 14
مشكور جدا على التوضيح وشكرا لكل من شارك فى الموضوع - بس عندى استفسار هل من الممكن عمل شاحن بطاريه زى -التنجر- يتوصل بالكهربه-تيار متردد- ويطلع تيار مستمر 10 امبير يشحن البطاريه بأمان ويكون يتحمل الحراره ايضا وشكرا ومعلش على الاطاله انا عارف انى تقلت عليكم بس الغرض هو الافاده والاستفاده -رمضان كريم-
ممكن طبعا بس اعتقد مش هتلاقى 10 امبير ممكن تلاقى 5 امبير طبعا لازم تقول 12 فولت . واذا كنت عاوز 10 امبير يبقى روح للنخيلى فى باب اللوق و اذا عندهم اشترية او ممكن تطلب يتعملك واحد . بس الافضل 5 امبير عن تجربة و برضة تلاقية فى باب اللوق بس هتلف علية و طبعا هتحتاج بريدج برضة 5 امبير او اعلى لو فى و ليها طريقة للتوصيل طبعا مش اى حاجة و طبعا علبة تلم الحاجات دى
شكرا على التوضيح وتمت الاستفاده-رمضان كريم-
الامبيــــر بتاع الحاجات دي له جهاز خاص وهو احد انواع الافوميتر بيسمى كلامب
وده عنده قدرة قياس تيار حتى 1000 امبير مستمر و 400 متردد
وهو مش بيتوصل في الدايرة خالص
هو عبارة عن حلقة قطرها 5 سم بتتقفل حوالين السلك وهو بيحس بالقراية
اما بخصوص المحول فيوجد حتى 15 امبير اما اكبر من كده بيبقى غالي شويتين
هو 5 امبير كفاية بس 10 امبير مثالي
السلام عليكم
قست البطاريه و العربيه مبطله طلعت 12.8
وهى ع السلانسيه طلعت برده 12.8
ورفعت الموتور الى 1200 لفه تقريبا طلع 14.3
وانا اعانى من رعشة النور وضعفه وبيزيد ويثبت لما ادوس بنزين
وفى رعشه للموتور ع السلانسيه ( السلانسيه قرب ال 1 لما بتسخن وتحت الشرطتين اللى فى النص وهى بارده )
السلام عليكم
اشتريت دينامو استيراد 75 امبير وغيرته مرتين لانه طلع بيشحن زياده وكمان غيرت البطارية بقت اي سي ديلكو 70
حاليا اللى راكب اول امبارح قاس شحن مظبوط
امبارح قاس شحن زائد
اليوم رجع نقص شوية
يعنى حاليا 14.3 -14.4 وانا مزود كان امبارح 14.9 - 15
وعلى السلانسية الآن 14.02-14.03 وامبارح كان 14.5
الدينامو ده كتاوت داخلى وبتاع البطاريات بيقول القياس المظبوط للدينامو الكتاوت الداخلى بيكون ع السلانسيه 13.7 ولما تزود لا يزيد عن 14 باى حال من الاحوال
انا الآن اعانى من خفتان النور ع السلانسيه ولما بزود النور بيزيد ويقوى
واختفت رعشة النور تمام سواء ع السلانسيه او التزويد
ومشكله اخرى لما بشغل النور الواطى مثلا او العالى والعربيه ع السلانسيه العربيه بتوطي وبتترج؟؟ ده من ايه؟ علما بان السلانسيه عندى عالى ومظبوط
الغريب ان 3 كهربائية مختلفين قالولى الدينامو مفيش فى اى مشكله وانك لما تمشي بيه شوية هيعدل نفسه مع البطارية اوتوماتيك
وبتاع البطاريات اللى شاري منه البطارية بيقولى لا ده شحنه زايد المفروض ما يزيدش عن 14 وانى هنا بيقيس بمقاس ديجتال ارقام وهو ادق من قياس المؤشر
اسف للاطاله ومتابع افادتكم العاجله
وشكرا جزيلا
بص ياباشا الآفوميتر الرقمي ده صيني وببساطة ممكن يكون ضارب او بطاريته صيني من اللي بتيجي معاه في كرتونته فمش هيدي قراية مظبوطة فانت شك فيه....وللعلم هو تمنة 16 جنيه
حضرتك ممكن الشحن يوصل الى 14.8فولت وانت قارص عالعربية وانت مشغل حمل يوازي 10 امبير وعلى ار بي ام 2000....وده القياس اللي في كتالوجات الصيانة
وللعلم حرارة الجو كل اما الدينامو يبرد الفولت يزيد سنه
موضوع ان العربية بتوطى مع النور...ده من الكربيراتير!!!!!!!!!! ومتستغربش
انا عاوزك في يوم بالنهار تاخد معاك حد وانت واقف باصص على الدراعات اللي بتتحرك فالكربيراتير من على أجنابه شمال ويمين...وخليه يشغل الواطي ويطفيه وعينك عالكربيراتير...هتلاقي فيه دراع بينزل وفيه في طرفه مسمار....الدراع ده وظيفته انه يدي العربية سنة بنزين بسيطه جدا اما تشغل حاجة لها حمل كهربا من نور ومراوح وسخان زجاج فانت اربط المسمار اللي فيه ربع لفه بربع لفه لحد ما تلاقيه ظبط معاك وده ظبط خاص ملوش دعوة بظبط السلانسيه باي شكل ممكن لو عاوز اصور لك مكان الدراع ده فالكربيراتير عندي فالسويفت وانت شوفه عندك....بالمناسبة هي العربية نوعها ايه ممكن الاقي لك مواصفات الشحن بتاع المصنع عندي لو عاوزها
شكرا جزيلا على الرد والاهتمام
العربيه هيونداى اكسيل 1500 مو 95 مانيوال
بس ياريت حضرتك توضحلى هل قياسات الدينامو دى مظبوطه ولا بتاع البطاريات هو اللى صح
وليه قياس الدينامو متردد وبيزيد وينقص ده من ايه ؟؟؟؟؟؟؟؟؟؟؟؟؟
وليه النور خافت ولما ازود بنزين بيزيد؟
متابع للاهميه العاجله وشكرا
السلام عليكم
العربيه اكسيل مو 95 1500 كربراتير مانيوال
روحت للميكانيكي عشان اساله على بيك السلانسيه
وقبلها بيوم كان ظابطلي التاكيهات
قعد يسالنى ويقولى هل العربيه بتبطل منك ع السلانسيه او لما بتشيل رجلك من ع البنزين وهى ماشيه او بتنتش منك
قولتله لا
قالى يبقي الكربراتير سليم
ولا انت عاوز تعمل شغل انا مستعد احللك الكربراتير وانضفهولك
وخليته يوطيلي العربيه شوية
ولقيته ظبطها والنور شغال ع السلانسيه عشان متترجش وتوطى اوى
يعنى بقا ال rpm على شرطتين والنور شغال
ولو مش شغال بيكون اعلى من الشرطين بهمسات قرب الواحد rpm
لو في صورة للجزء الخاص بتاع احمال السلانسيه يبقي كتر خيرك يا بشمهندس
سيبته وروحت للكهربائي اللى مركبلي الدينامو( هو اللى مغيرلي 5 ديناموهات قبل اللى راكب حاليا وكانوا نفس العيب شحن زائد 14.5 مع رجه عند تشغيل النور ع السلانسيه )
لقيته بيقولى نغيرلك الدينامو ونشوف جايز يجي شحنه مظبوط
على اساس اللى راكب ده قياسه 14.5 ع السلانسيه ومع الاحمال 13.7
وقالى كل يوم شغل النور 5 دقايق من غير دوارة للعربيه
فضي البطارية شوية من الشحن
الدينامو 80 امبير والبطارية جافه 70 امبير
ومصصم انى اعرض العربيه على ميكانيكي تانى
وقالى كان لازم تجيب بطارية سائلة افضل من الجافه فى الاستخدام
نرجو الافاده واسف جدا للاطاله
ولكم جزيل الشكر والامتنان