اللي يشوف الناس يقول طالعين من مجاعة
مع إنهم كلهم رجالة و ستات و أطفال مافيهومش واحد جسمه يدل إنه مابياكلش مثلا بالعكس فيه ناس منهم محتاجين رجيم ..
فيه واحد شايل شوالين و لا كأنه شايل حاجة ..ده غلبان إزاي ?
عرض للطباعة
اللي يشوف الناس يقول طالعين من مجاعة
مع إنهم كلهم رجالة و ستات و أطفال مافيهومش واحد جسمه يدل إنه مابياكلش مثلا بالعكس فيه ناس منهم محتاجين رجيم ..
فيه واحد شايل شوالين و لا كأنه شايل حاجة ..ده غلبان إزاي ?
الوضع ده عادي بيحصل في جميع فروع كارفور الفديو القادم من السعودية والمصور مصرى من العاملين في كارفور
الموضوع ان الميجا ماركت مثل كارفور بيلعبوا على وتر الطمع في النفس البشرية وجنون الشراء مع استخدام نظرية "بيع بسعر أقل تبيع كتير تكسب كتير " والناس بتستخدم نظرية " ابو بلاش كتر منه "
YouTube - ‫ظ…ط¹ط±ظƒط© ظƒط§ط±ظپظˆط± .. ظ…ظ† ط£ط¬ظ„ ط§ظ„طھط®ظپظٹط¶ط§طھ .. ظپظ‡ظ„ طھطھظƒط±ط± طں!‬‎
انا كمان لفت نظري الناس البسيطة ونسبتهم الكبيرة وسط الناس
وكمان بمجرد عمال كارفور ما نظموا الموضوع هجموا على الرز وشوفت الولد الصغير بالكتير 12 سنة اول واحد هجم وشال شوال على كتفة وده سلوك فئة معينة وهم الناس البسيطة
يعني عارفين ان في اوفر على الرز وقعدين مستنيين الفرصة للهجوم
....................................
اما بقة عن نقطة السلوك الهمجي في المصريين فدي حقيقة منقدرش ننكرها وموجودة في كافة المستويات الاجتماعية لو روحت بنك او مصلحة حكومية او المطار او محلات الملابس وقت زحمة الاعياد هتلاقي سلوك التزاحم وعدم مراعاة الاخرين
انا حجيت من حوالي 7 سنين وكنت بحج من الامارات يعني كل الفوج المصري اللي معايا عايشين في الامارات ومرتاحين ماديا وكانت الشركة اللي طالعين معاها بتوزيع وجبات واحنا في منى وشوفت الهمجية والتزم عشان اللي ياخد الاول مع ان الكل هياخد ولو صبر كانت الوجبة جات لحد عنده معزز مكرم بصراحة كانت حاجة تكسف وسمعت بودني تعليقات الجنسيات الاخرى على المصريين
ثقافه الزحام , يعززها ثقافه الطمع و الاستغلال و عدم احترام الذات , و انتشارها في كافه الطبقات , و هنروح بعيد ليه؟؟ اذا كنا قد نلتمس العذر لهؤلاء الأشخاص للأسباب اللي ذكرناها ؟ طيب تقولوا ايه في اطباء و اساتذه جامعه ( مع احترامي الشديد ) ؟ حضراتكوا بالنسبه لعزائم الطعام التي تعدها الشركات و في الأغلب شركات عالميه متعدده الجنسيات واحد حكا لي ان شركته و الذي يعمل فيها مسؤول عن قطاع المبيعات (و هي احدي الشركات الأمريكيه الكبري في صناعه الدواء ) , انه اثناء العزائم التي تقيمها الشركه و تكون في احد الفنادق الكبري بالطبع تجد المهازل التي يندي لها الجبين!!!! تجد اطباء و اساتذه جامعه في مجال الطب ( و اكرر مع احترامي الشديد) و تلاقي كأنه بياكل في آخر زاده و البوفيه طبعا بيبقي فيه اصناف لحوم متعدده و اسماك ودجاج و تلاقي العديد بياكل اكل استخسار و يتعامل بمنطق الحق قبل ما حد يخلصه !!! و يقسم لي انه شاف واحد بالصدفه جايب كيس نايلون معاه و بيحط اكل فيه و واخده معاه !!! عشان ايه ده كل ده ؟؟!! و طبعا تلاقي اللي جاي و جايب عيلته و صحابه و يمكن جيرانه معاه !!! و عاده بتلاقي الصنف ده ضيف دائم علي تلك الموائد سواء ليه دعوه او لا !! و طبعا علي النقيض بتلاقي اللي محترم نفسه و بييجي فقط تلبيه للدعوه و بياكل اقل القليل و ساعات ما ياكلش خالص . طبعا احب اقول لكم ان الشركات دي مش بتعمل عزايم كده محبه و لوجه الله , وده لان الأكل غريزه و بيكشف صاحبه فهو بيدرسك و انت بتاكل !! لانه هيعرف جانب كبير من سلوكك و طباعك و يعرف يدخلك منين . يبقي اذن الموضوع مش فقر او غني لان الناس دي و غيرهم المفترض انه يعمل كونترول علي سلوكه و يبقي عنده عزه نفس , حتي يا سيدي علي فرض لو كان دخلك منخفض وظروفك صعبه و كلنا في بدايتنا كنا كده مش مبرر ابدا للسلوك ده , يبقي الوضوع موضوع ثقافه و سلوك مش فقر و غني