الموضوع: عاوز النصيحة و رأى الخبراء في العده دى

السلام عليكم ورحمة الله

أنا حالياً مركب كاسيت بايونير 4150SD تايلندى على 4 سماعات 2 بيضاوى 6*9 بايونير ياباني ورا 220 واط 60 Rms وسماعتين في الباب الامامي بتوع العربية بس مش عارف كام واط هما معقولين بس صوتهم مش حلو اوى المهم من فترة كام أسبوع في سماعة ورا فصلت ومطلعة صوت ضعيف جداً رحت كشفت عليها قالى ده عيب من السماعة وهتحتاج تجيب سماعتين جداد طيب أنا في دماغى عده وعاوز أخد رأيكم فيها والصوت هيكون عامل ازى علماً انى مش من هواه البيز العالى جداً انما يكون نقى وواضح في نفس الوقت ...

1- سماعتين كينوود بيضاوى 400 تقريباً هما 80 rms
2- بازوكا jbl 1000 أو أى اقتراح ثانى أفضل بس المهم يكون حجمة معقول ويستحسن صغير عشان مش عاوز حاجه تاكل جزء كبير من الشنطة عشان بستخدمها
3- امبلفير كينوود 720 4 channel فردتين للسماعات وفردتين للبازوكا
4- سماعتين امامى للأبواب بايونير مقاس 6.5 انش يكونوا مثلا 30 أو 35 rms بالكثير يتوصلوا على الكاسيت

أية رأيكم؟؟؟

وياريت اللى عارف أسعار كويسة للحاجات دى يكتبها بالاضافة للمكان و على فكرة أنا جانبى فانتزيا اللى في جسر السويس

وأسف على الاطالة تحياتى للجميع وكل عام وأنتم بخير.