حياتي ادمرت تمامااااااااا....القولون العصبي

**brown-eyes** · 01-09-2010 02:00 AM

انا بردو زيك و الموضوع ده كتير بيعملي قلق في حياتي بس بحاول اتخطاه باي طريقة وساعات بقدر وساعات لا بس غالبا لما مابفكرش فيه بنساه وبصراحة انا استفدت زيك من الردود الكتير اللي اتقالت وهحاول انفذها
كمان انا متهيالي ان اي حد كده لما بيخاف من حاجة او بيكون رايح لدكتور او اي حاجة فيها شدة اعصاب بطنه بتكركب بس عموما حاول ماتكبرش الموضوع اوي كده وكله بيعدي انا يوم فرحي بردو كنت قلقان اوي من الموضوع ده وان الناس كلها هتبقي بصالي و و و بس اليوم عدي عادي خالص ولا كان في اي حاجة
عموما ربنا معانا و حاول ماتحطش الموضوع في دماغك

**Donzi** · 01-09-2010 08:22 AM

انا عندي القولون العصبي بقالي 9 سنين و في اول 3 سنين كان مبهدلني جدا لاني كنت لسة في الدراسة و علطول قلق و ضغط و لما جالي بقيت حاطة الموضوع في دماغي و خايفة منو و ... و.... و..... كل الحاجات دي

لكن بعد مرحلة الدراسة ما خلصت و دخلت و دوامة الشغل مبقيتش مركزة اوي في الموضوع و بقى يتنسي واحدة واحدة و مش بيجي الا مع الشديد القوي زي قلق جامد - غير القلق او التوتر المعناد بتاع كل يوم - زعل شديد و هكذا و لما بيجي قرصين من اي دوا من اللي الاخوة قالو عليهم و الدنيا بتهدى و الموضوع بيعدي

طب والله انا بقالي يومين بطني واجعاني و كل الاعراض شغالة وانا مش مركزة و مش واخدة بالي ان دة القولون و عمالة اقول هو بطني مالها و لما ركزت لقيتني فعلا قلقانة جدا من موضوع ما و متوترة اوي اليومين دول قلي بسسسس يبقى القولون اشتغل

قمت صليت استخارة و سيبت الموضوع على ربنا و بدعي ربنا يقدملي الخير و يبعد عني الشر و بحاول اشغل نفسي مع عيلتي و اصحابي و النت و التلفزيون و قبل كل دول ربنا طبعا و شوية شوية التعب بيخف و بيبقى عادي جدا و بسيط تقدر تعيش حياتك و تتعامل عادي جدا ولا كان فيك حاجة لحد ما بينتهي من نفسو

و صدقني انت لو اتعاملت مع الموضوع عادي لانه هو فعلا عادي و مافيهوش اي حاجو مخجلة اصلا هاتلاقي 3/4 الناس عندها قولون و ضغط و سكر دول امراض العصر و اراهنك انك لو جربت تقول قدام صحابك اصل انا القولون تاعبني هاتلاقي 90% منهم بيقلولك ياااااااه و انا كمان تاعبني اوي و عامل فيا كزا كزا و تعدو تضحكو على المواقف اللي حصلتلكو بسببو

و موضوع المحاضرات و الكورسات دة كمان عاااااااااادي جدا انت اصلا لو قلت للدكتور على وضعك هايقولك يابختك انت تقدر تسيب المحاضرة في نصها عشان تدخل الحمام بس انا مقدرش و هايحترم التزامك و حضورك و الموضوع هيبقى عادي جدا سواء في المحاضرات او الكورسات

طب لعلمك انا في ثانوي كان جالي املاح على الكلى و كنت بحتاج ادخل الحمام كتيييييييييير و نفس ذات اللحظة بدون اي تعطيل او تاجيل و طبعا المدرسين في المدرسة بيعتبرو دة دلع ماسخ و محاولة للتهرب من الحصص قمت يا سيدي جبتلهم شهادة من الدكتور ان انا متمنعش من دخول الحمام لاي سبب و بقيت اللي يقولي نص كلمة احط الشهادة في عينو - و كانو متغاظين مني اوييييييي - بس دي حالة مرضية و مالهمش الحق يمنعوني لا من الخروج من الفصل ولا من حضور الحصة

يبقى الخلاصة ان انت تركز بس في ايه الاكلات اللي بتتعبك و تبطلها و تتابع مع دكتور كويس و تخلي الدوا دايما معاك بس كدة
وشيل كل المخاوف التانية دي من جواك لانها غير حقيقية بالمرة

هو اصلا لسة في حد في البلد دي معندوش قولون ؟؟؟؟؟؟؟؟؟؟؟؟

**fadish76** · 31-03-2011 12:50 PM

لقد عانيت ولمدة 17 سنة من القولون ونفس الأعراض التي تشعر بها (وكأنك تتكلم عني) والحمد لله وبفضله وجدت الحل وأنا الأن أعيش حياه طبيعيه منذ 8 أعوام. الحل بسيط حبة Cipram 20mg يوميأ. وأتمنى لك الشفاء

Cipram 20 mg 28 Tablets products, buy Cipram 20 mg 28 Tablets products from alibaba.com

**أحمد كمال** · 31-03-2011 01:05 PM

المشاركة الأصلية كتبت بواسطة fadish76

لقد عانيت ولمدة 17 سنة من القولون ونفس الأعراض التي تشعر بها (وكأنك تتكلم عني) والحمد لله وبفضله وجدت الحل وأنا الأن أعيش حياه طبيعيه منذ 8 أعوام. الحل بسيط حبة Cipram 20mg يوميأ. وأتمنى لك الشفاء

Cipram 20 mg 28 Tablets products, buy Cipram 20 mg 28 Tablets products from alibaba.com

ال Cipram ما ينفعش يتاخد من غير وصفة طبيب (مش جدول و لا حاجة بس عشان ممكن يعمل مشاكل)

**fadish76** · 31-03-2011 01:37 PM

ال Cipram هو من أقل الأدوية من نوعة أعراض جانبية. بالنسبة لي لا يوجد أي أعراض جانبية. للعلم لولا فضل الله أولا ثم هذا الدواء لكنت إنتحرت من زمان لما حصل لي في فترة عدم علمي للعلاج (17 سنة).

**fraed1967** · 31-03-2011 02:02 PM

بسم الله الرحمن الرحيم
حبيبى انت حسب كلامك اجمل وارقى 100 مره من ان اتضع نفسك فى الظروف القهريه العقيمه الى انت فيها
انت طالب هندسه فانت ذكى وفكرك عالى وراقى
وتعلم ان الله يختار لنا الخير فان خيرك فى تعبك لوعلمتم مافى الغيب لخترتم الواقع
فلا تكن سطحى ولاتدمر خيرأ فيك وهبك الله اياه
بكوابيس من الشيطان
انت ولا الاعمى----انت ولا السرطان-------- انت ولا المشلول----انت ولا الغبى----- انت انت انت
ستتزوجان شاء الله وتعمل ولاكن اتعب من عند الله فكن صريحا من نفسك والدكاتره وابلعهم بوضعك كما قلت لنا وانك ممكن تروح الحمام فى اى وقت وبدون إذن منهم لظروفك وستلاحظ كم الحب منهم لك والحنيه والفخر بك
فانت فعلا فخر لنفسك ولاهلك ولنا اننا نراسلك
اتمنى رد متفائل منك

**Frozen_Pain** · 31-03-2011 02:16 PM

الحمدلله على كل شىء

بص 3/4 الشعب المصرى وانا منهم نعانى من القولون العصبى

انا محتاج انك تروح لدكتور جهاز هضمى او امارض باطنة شاطر

وتظبط نفسك فى الاكل ،،، وتبعد عن التوتر والشد العصبى

وان شاء الله هتبقى زى الفل

صلى بس على حضرة النبى،،، وواظب على لاصلاة والاذكار،،، وادعى ربنا انه يخفف عنك وهتبقى كويس ان شاء الله

**hany121** · 31-03-2011 02:30 PM

انت مشكلتك انك قبل ما تخرج بتهيأ نفسك انك اكيد هتحتاج تدخل الحمام وانك مش هتلاقي مكان تقدر تستعمل الحمام فيه وبالتالي يبدأ القلق والتوتر والقولون يتعبك واللي انت خايف منه يحصل فتسوء حالتك النفسيه اكتر فتتعب اكتر عضويا ونفسيا..

انا رأيي انك تخرج من البيت وانت متأكد انك مش هتحتاج الحمام وبالتالي مش هيحصل قلق ولا توتر ولا احتايج للحمام فعلا ...

طيب ده يتم ازاي؟؟؟ انك تقلل من اكلك في اليوم اللي هتخرج فيه فمثلا لو ها تخرج كل يوم الصبح علشان تروح الجامعه يبقي تتعشي قبل النوم عشاء خفيف وتفطر فطار خفيف جدا وتدخل الحمام قبل ما تخرح وما تاكلش بره خالص وتقنع نفسك قبل ما تخرج ان معدتك فاضيه ومش هتحتاج لدخول الحمام لانك تقريبا ما اكلتش حاجه وتشغل تفكيرك باي حاجه غير احتمالية احتياجك للحمام...

الموضوع: حياتي ادمرت تمامااااااااا....القولون العصبي

LinkBack

أدوات الموضوع

عرض

-

-

-

-

-

المواضيع المتشابهه

ممكن معلومات عن القولون العصبي

القولون العصبي

عربيتي ادمرت

المرسيدس بتاعتى ادمرت

الانهيار العصبي : اسبابه وعلاجه.

الكلمات الدلالية لهذا الموضوع

المفضلات

المفضلات

ضوابط المشاركة