اعتقد ان موضوعك نفسي اكتر منه مرضي وكمان الواضح انك بعيد عن ربنا شويه قوم صلي ركعتين واقرا قرءان تاكد انك هتستريح نفسيا وكمان انت لسه صغير والحياه قدامك متخليش اي حاجه تهزمك ونصيحه متخفش من بكره لان بكره بين ايادي الله
رقم العضوية : 79102
تاريخ التسجيل : 31Aug2010
المشاركات : 2
الحالة :
السلام عليكم
قبل ما احكي حكايتي انا فكرت كتير قبل ما اكتب هنا بس فعلا مالقتش احسن من المنتدي هنا عشان افضفض فيه الناس هنا ما شاء الله بحس اني وسط اهلي و كأني في بيتي (انا اصلا عضو معاكم هنا في المنتدي بس بأسم تاني معلش مش هقدر اذكرة)
بداية انا مصاب بمرض القولون العصبي (يا رب يبعدكم عنة) من و انا عندي 4 او 5 سنين (انا دلوقتي 20 سنة) يعني 15 سنة و انا بعاني معاناة رهيبة ربنا ما يوريها لحد و المشكلة انها بتزيد مع تقدم العمر
انا فاكر و انا صغير و انا بدخل KG1 طبعا كل الاطفال الي في سني مش بيبقوا عاوزين يروحوا المدرسة و بيخافوا عشان بتبقي اول مرة اهليهم هيسيبوهم و كدا دا الطبيعي بس مش الطبيعي ان الخوف يوجعلك بطنك بطريقة رهيبة و يخليك علي طول عاوز تدخل الحمام و هنا كنت اول مره احس اني مختلف و فيا حاجه غلط
و مرت الايام و السنين مع المعاناة و الخوف الي بيحصلي كل ما ابقي داخل حصه مثلا في المدرسة او خارج او راكب عربية (ايييييي حاجة تخليني مقدرش ادخل الحمام برحتي في الوقت العاوزة علي طول تبدأ الاعراض و الخوف و وجع البطن و بالتالي ببقي عاوز ادخل الحمام فعلا)
و الحمد لله خلصت ثانويه عامة و طبعا نفس المعاناه في الدروس و كل حاجه في حياتي بس كنت بتأقلم و خلاص
الجديد بقي في الموضوع (معلش انا عارف اني طولت) انا الحمد لله دلوقتي في كلية هندسة (السنة الي هنخشها ان شاء الله ديه بكالريوس) و كنت متفوق في الدراسة ايام المدرسة رغم كل المعاناه الي بشوفها بس الي حصل انة من سنه بالظبط الموضوع زاد عندي اوي اوي اوي بقي وسواس قهري لدرجة ما بقتش قادر احضر المحاضرات من الخوف ان بطني توجعني و ابقي عاوز اخش الحمام و انا داخل المحضارة (نفس الوسواس) و دا خلا زمايلي ياخدوا بالهم و ليه مش بتحضر و كدا و مش بحب اققول لحد علي السبب فكل مرا بتبقي بتلكليكه طبعا و طبعا درجاتي قلت جدا عشان الحضور و اعمال السنة و محدش بيشرحلي و مش بقدر اخد كورسات لنفس السبب و الدكاتره بقو ياخدوا فكره عني وحشة و اني مش بحضر و كدا مش عارف اخرج مع صحابي لنفس السبب رغم اني بطبعي اجتماعي بس دلوقتي كتير من صحابي بيدديقوا مني بقوا و فكرني مش عاوز انزل معاهم مش عارف اسافر مش عارف اعمل تدريب في اي حته مش عارف اخد كورسات في اي حاجة ببساطه مش عارف اعيييييييييش حياتييييييييي
انا بقالي 3 شهور في اكتئاب رهييييييييب و وصلت اني بقالي اسبوع كل يوم بعد اعيط بعيط علي حياتي الي بتروح بن ايدي و مستقبلي و مش عارف اعمل اي حاجة, مش عارف هعمل ايه السنه الي جايه في الدراسة لما بفكر و لو خلصت انا ازاي هشتغل كدا ازاي هتجوز ازاي ازاي هعمل اي حاجه في حياتي (لازم يبقا معايا حمام علي طول عشان احس بالطمئنان و الراحة) حاسس ان المستقبل بتاعي مش موجود و الله و الله انا كل يوم بفكر في الانتحار كتييييييييير لأن انا مبقتش عايش خلاص
رغم اني من جوايا ليا طموووح كتير و كان نفسي اعمل حاجات كتير اوي بس طبعا خلاص حاسس انه كله راح
مفيش غير اهلي الي عارفين المشكله و مش قادرين يستوعبوا المعاناه النفسيه الي انا فيها فاكرين القولون يعني وجع بطن و خلاص
لو علي الالم هستحملة ما طول عمري مستخمله بس هو كدا دمررررررر حياتي نفسيا و كل حاجة انا مجرد ما افكر اني هنزل من البيت بطني بتوجعني اييي مكان اروحه لازم اول حاجه اطمن عليها الحمام و لازم ابقا مطمن اني اقدر ادخل في اي وقت سعتها مش ببقا تعبان ولا اي حاجه دي الحاله الوحيدة
و دا موقع لقيته ناس بتكتب عن حالتها و دا عملي حالة بؤس و اكتئاب اكتر لأن محدش بيتعالج منه حتي الي عندهم و من هما شبابا و دلوقتي 60 سنة و الي ساب المدرسة و الي ساب الشغل و الي بطل يسوق (عشان نفس الوسواس انه ممكن في زحمه مثلا يقف و ميعرفش يدخل الحمام) و انا مش هقدرررررررررر اكمل حياتي كدا فعلا مش هقدر
IBS ruined my life
انا اسف لو كنت طولت عليكم بس و الله دا جزء صغير اوي اواي اوي اوي اوي من المعاناة و اسف لو الموضوع مش مرتب و الكلام عام اوي و مش منسق بس عشان الكلام دا مرجيعتش عليه كنت بفضفض معاكم الي بحس بيه و بفتكره بقوله
يا ريت يا ريت تسعدوني بأي حاجه اي اقتراحات اي حاجة
الف شكر علي وقتكم معايا و اسف مره اخري علي التطويل
رقم العضوية : 48080
تاريخ التسجيل : 28Sep2009
المشاركات : 3,879
النوع : ذكر
الاقامة : 6 اكتوبر
السيارة: مفيش
السيارة[2]: مرسيدس
دراجة بخارية: لا يوجد
الحالة :
اعتقد ان موضوعك نفسي اكتر منه مرضي وكمان الواضح انك بعيد عن ربنا شويه قوم صلي ركعتين واقرا قرءان تاكد انك هتستريح نفسيا وكمان انت لسه صغير والحياه قدامك متخليش اي حاجه تهزمك ونصيحه متخفش من بكره لان بكره بين ايادي الله
سامح البقري
المحامي
رقم العضوية : 4197
تاريخ التسجيل : 16Jan2008
المشاركات : 750
النوع : ذكر
الاقامة : alexandria
السيارة: my other car is a time machine
السيارة[2]: nissan sunny EX 2013
دراجة بخارية: no
الحالة :
انا مقدر معاناتك جدا . وده اولا وقبل كل شيء ابتلاء من الله . ولكن الحياه لازم تستمر واعلم ان فيه ناس كتير مبتلاه بكثير من الامراض الخطيره جدا ولكن الصبر ياعزيزي والتأقلم هو الحل . اخيرا الدعاء والتقرب لله حل لمشاكلنا .
Ahmed Hassan
رقم العضوية : 7272
تاريخ التسجيل : 10Mar2008
المشاركات : 1,084
النوع : ذكر
الاقامة : مصر وطنى .. الشرقيه بلدى .. الزقازيق مدينتى
السيارة: لسة بفكر فى البوجاتى
السيارة[2]: بفكر فى بوجاتى
الحالة :
كلنا كدة انا لما بيكون عندى امتحان بكرة بطنى بتوجعنى جدا بس لما بنزل من البيت خلاص انسي
حاول تزود ثقتك بنفسة انت عامل ارهاب لنفسك من خيالات واوهام مالهاش وجود خايف مثلا الدكتور يسالك متعرفش تجاوب خايف حد يهزر معاك هزار تقيل متعرفش ترد عليه وتبقى محرج كل دة عادى
ابتسم واضحك وزود ثقتك فى نفسك و وكل المواقف دى عادى وبتحصل لنا كلنا
I Need A Job
رقم العضوية : 22704
تاريخ التسجيل : 20Oct2008
المشاركات : 6,911
النوع : ذكر
الاقامة : Alexandria-Sidi Bishr
السيارة: ربنا يسهل
السيارة[2]: Daweoo Lanos 1 model 99
دراجة بخارية: لا
الحالة :
اعتقد ده وسواس من الشيطان
متحطش في دماغك اي حاجه وتوكل علي الله واحضر محاضراتك وعادي انك تتكلم او تفهم الدكاتره ويمكن ده في حد ذاته يديك ثقه اكتر لانك وقتها مش هتضطر تقلق خالص
يعني مش لازم تكتم في قلبلك وتسكت وتسيب الناس تسيئ الظن بيك
وان شاء الله ربنا يشفيك
رقم العضوية : 31018
تاريخ التسجيل : 24Jan2009
المشاركات : 689
النوع : ذكر
الاقامة : el hram
السيارة: no
السيارة[2]: sunny 2013 s.salon
دراجة بخارية: no
الحالة :
القولون العصبى اكتر حاجة مربوطة بالتفكير فية يعنى كل ماتفكر فية اكتر هتتعب اكتر انسى و عيش حياتك و انصحك ب (كلونا )لانة فية مادة بترفع من المعنويات شوية
رقم العضوية : 5118
تاريخ التسجيل : 01Feb2008
المشاركات : 11,185
النوع : ذكر
الاقامة : Cairo
السيارة: Megane II 2010
السيارة[2]: كانت دايو لانوس1 99 - وزة :)
دراجة بخارية: none
الحالة :
همممم
ما فكرتش في العلاج النفسي ؟
باتكلم بجد و الله
موضوعك واضح جدا انه وسواس
ناس كتير مش في ثقافتها خالص مفهوم ان مافيش حد ممكن يكون حجة عليا الا اذا انا كنت مأيده على طول الخط و متبعه , و انا لا مؤيد حد على طول الخط ولا متبع حد
[sor2]http://imageshack.us/a/img838/2058/8l0n.jpg[/sor2]
رقم العضوية : 14582
تاريخ التسجيل : 11Jul2008
المشاركات : 3,804
النوع : ذكر
الاقامة : Zagazig-Mariotia
السيارة: LANCER 1998
السيارة[2]: MAZDA323-ِALFAROMEO146
دراجة بخارية: لاحول ولا قوه الا بالله
الحالة :
فكرتنى بالعجوز اللى بيحب يتكلم عن مرضه كتير وبيتلذذ بكلامه عن الموت اكتر حتى اسمك حاسس ان له علاقه بمرضك كانك بتقول انا اهو والموقع اللى بتدخله يخللى المتفائل بالحياه يقتل نفسه كمدا
اولا بدعيلك ربنا يشفيك
ثانيا فيه مثل بيقول اللى يشوف بلاوى الناس تهون عليه بلوته احمد ربنا ان عقلك شغال مش معوق ذهنيا وكمان مش راكب كرسى متحرك دى بتكون اصعب واصعب 100 مره على اللى انت فيه تخيل انك مش عارف تعمل حمامك لوحدك ولازم حد يساعدك وتخيل اكتر لو انت معاق وعندك القولون كمان
قول الحمد لله واصحى الصبح وبوس ايدك وش وضهر وحمد ربنا انك عايش وعاقل لكن هتدخل جو الكابه يبقى متزعلش منى موت نفسك احسن ويبقى خسرت دنيتك واخرتك علشان سايب نفسك لشيطانك
وياريت متزعلش من كلامى
جروب مالكى وعاشقى لانسر كريستاله
https://www.facebook.com/groups/lancer.egypt.1996.2000/
رقم العضوية : 1946
تاريخ التسجيل : 28Aug2007
المشاركات : 1,872
النوع : ذكر
الاقامة : الامارات - أبوظبي
السيارة: بيجو 207 - 2009
السيارة[2]: نيسان باثفيندر 2014
دراجة بخارية: عمرى ما سقتها
الحالة :
شفاك الله وعفاك يا اخى
سلم امرك لله
وادعوه بعشم
وبعد كده اسعى للعلاج النفسي والتاقلم
لان طول ما انت مكتئب حالتك هتزيد
لان القولون العصبى مرض نفسي وليس عضوى
يعنى مثلا
حاول ترصد حالتك وترتب حياتك على وضعك الحالى
واكيد انت بتعمل كده
انت عارف انك مثلا بتدخل الحمام كل ساعه او كل ساعتين
فتقدر تظبط مواعيدك
مثلا الكليه قبل المحاضره ادخل الحمام وبعد المحاضره
لا تكتئب
رقم العضوية : 14214
تاريخ التسجيل : 05Jul2008
المشاركات : 3,640
النوع : ذكر
الاقامة : ALEX
السيارة: -------
السيارة[2]: ELANTRA 2011
الحالة :
والله انا مجرب مرض القولون دة و عارف تعبه...بس انا من سنه ابتدأت معاناتى معاه...لكن احب اأكدلك انه مرض نفسي قبل ما يكون عضوى و دة فعلا حصل معايا و كنت كل لما نفسيتى تتعب يبدأ الوجع والالام تزداد و فعلا عشت اسوأ سنة فى حياتى لدرجة انى فقدت الثقة ان ممكن اقوم بمهام شغلى مرة ثانية و خصوصا ان طبيعة شغلى بتطلب سفر كتير جدا و ممكن طول اليوم اكون برة البيت و دة كان سببلى قلق لدرجة انى خوفت جدا لما رجعت الشغل و كل ما كنت اقلق او اخاف كان الوجع يزيد لدرجة لا تحتمل و كنت بهرب من الوجع دة بالنوم...
لحد ما الحمد لله قعدت مرة مع ابن خالتى و هو يكبرنى فى السن و عنده نفس المرض و هو البدأ ينصحنى و قالى لازم تتجاهل الالام دى لان لو استسلمت عمرك ما هتقدر تعمل حاجة
و قالى ان معظم الاعراض القولون العصبى سببها القلق و اول ما بيبدأ الالام انا كنت بقلق جدا جدا و تبدأ اعراض تانية تظهر زى ضيق تنتفس و دوخة و زغللة و و تقلصات فى المعدة مش بتخلينى اقدر اتحرك
بعد رجوعى الشغل ابتديت مع كثرة المسؤوليات انسي الام و ابدأ ادخل فى المووود تانى بعد ما كنت معتقد استحالة رجوعى شغلى ابتديت اسافر تانى انتابنى فى البداية قلق شديد و الكل كان ملاحظ ان عندى قلق و خوف غير عادى
لكن نصيحة اوعى تخلى مرض القولون دة يتغلب عليك بالعكس انت كل ما هتتناساه هو كمان هينساك
حاول جديا تغيير حياتك و اقصد نفسيا لان دة مرض نفسي اولا و اخيرا
حاول تزود من الدعاء و حاول انك تداوم على صلاة الجماعة و الدعاء بالشفاء
انا بصراحة ما حاولتش اراجع طبيب نفسي مع ان كتير نصحونى بكدة لكن انا اعتدمدت على تجاهل المرض و كنت بحاول ان اتناسي
و لحد دلواتى لما بقلق او بضايق بيبدأ اعراضه تظهر و بشدة
المفضلات