مية مساحات الكروز خلصت

**kamalsalem** · 01-09-2010 02:39 AM

المشاركة الأصلية كتبت بواسطة mhmdalsaadany

يا كمال باشا الصابون السايل والجلانس والكلام دا كله غلط جداااااااا بيسد خراطيم الميه علي المدى البعيد هتلاقي في كارفور مياه للمساحات بتضاف للميه العاديه عشان تعادل الph بتعها وتخليها غير مضره ومتخليش حاجه تصدي وهتلاقيها بحوالي 20 جنيه وممكن تقضيك لمده اكتر من سنه ونص كمان لانك بتحط شويه صغيرين اوي تقريبا قد الغطا ونتيجتها ممتازه ومش بتخلي الزجاج مجير خالص
وكمان اللي عايز اقوله عيب ايه ان الميه خلصت دا حسب الاستخدام انا عندي بقالها 7شهور ولسه مخلصتش وممكن كنت بخلصها في اسبوع في العربيه القديمه عشان مكنتش بركن في جراج وكنت كل مطلع بالعربيه اشغل الميه فبتخلص
واللي بيقول انه بيغرق السقف والباب فتحات الميه دي بتتوجه يعني لو معاك دبوس ابره تدخله مكان الخرم وتظبط الاتجاه فوق وتحت ويمين وشمال عادي جدا
انا زمان في النوبيرا كنت عامله علي الجناب عشان لما اجي جنب واحد صحبي ارخم عليه وارش ميه علي الزجاج الجانبي اللي غالبا بيكون مفتوح ههههههههه
انا مش شايف اي ضحايا
ياريت اللي عارف يتكلم واللي مش عارف يسئل وكلنا نستفيد
وبكده نكون حلينا مشكله عويصه عند نادي الضحايا
واهلا بيكم في نادي محبي الكروز

انا قاقت، انزل افضيها ولا اسيبها المرة دي وبعد كدة اشوف حوار كارفور ده؟

انا والله امبارح كنت ف كارفور الصحراوي وجبت منظف تابلوه ومنظف فرش ومعطر وفرشة للعربية من بره، وقعدت ادور على اى حاجة للمساحات ملقتش، فيا ريت لوعندك اسمه او صورة للقزازة اكون شاكر

**mhmdalsaadany** · 01-09-2010 06:46 AM

متقلقش ولا حاجه مره واحده مش مشكله المهم متكنش عالطول
علي فكره دا كمان موجود في اون زا رن وانا مش فاكر اسمه دلوقتي لكن لما انزل مصر الاسبوع القادم هصورهولك وارفع الصوره ان شاء الله
او ممكن نتقابل بما انك هرماوي زي
ويكون ليا الشرف

**mhmdalsaadany** · 01-09-2010 06:52 AM

المشاركة الأصلية كتبت بواسطة aymanmaly

شكرا لاهتمامك بالتوضيح

علي فكره يا باشا انا دلوقتي بس فهمت
انت فاكر اني بعلق علي رد سؤال كمال باشا
لااااااااااااااااااا خالص انا مش بعلق علي موضوع الميه خاااااالص
انا بتكلم علي اللي بيقول عيب في العربيه من غير وجه حق وفي ناس لقيتها مصدقه وكلام زي ربنا يتولاهم زي منكون جبنا توك توك هو دا اللي نرفزني جدا
وعلي فكره انا لاقيت تعليق الميه علي السقف دا في موضوع نادي الضحايا
ومرضتدش اعلق او اقول رد
لكن لما لاقيت الموضوع اتكرر كتير وناس بقت مصدقه
قلت لأ لازم ارد واوضح الموضوع دا الساكت عن الحق شيطان اخرس
وبعدين يا كبير اختلاف الرأي لا يفسد للود قضيه
واسف للمره المليون ولو كان كلامي اتفهم غلط
حبيب قلبي مقدرش علي زعلك:b4_007:

**kamatsho** · 01-09-2010 06:59 AM

المشاركة الأصلية كتبت بواسطة hse920

يعنى ايه معلى ضغط المايه قوى ؟؟
لو حضرتك بتقصد الزرار اللى فى دراع المساحات متهيالى ده بيتحكم فى الوقت اللى بين حركه المساحات . ممكن توضحلى يمكن انا فاهم غلط
شكرا

فى بعض العربيات بيبقى فى تحكم فى ضخ المياه بتاعت المساحات

بالنسبه للفيرنا عندى الدراع مش بدوس عليه للأخر بدوس نص دوسه عشان الميه متطلعش على الدهر

فى الكروز لو فيها الامكانيه بتاعت التحكم يبقى اكيد هتبقى فى الدراع

لو مش موجوده يبقى تعمل زى ما انا بعمل عشان الميه متطلعش على دهر العربيه وتروح للشنطه كمان

**Hosam_Optrawy** · 01-09-2010 09:27 AM

بلاش جلانس ولا بريل

هات cyclo من on the run او من اى حته

بحوالى 15 - 20 جنيه

made in usa

اشتريته من حوالى 9 شهور ولسه معايا لحد دلوقتى

فضى الميا اللى عندك خالص

واملاها مياه تانى وفضيها تانى عشان التانك ينضف

وبعد كدا حط شويه صغيرين حوالى 50 مللى بالكتير على ازاتين ميه بس كدا

وممكن تلاقى انواع تانيه غير الامريكى دا بس مجربتهاش قبل كدا

عموما جرب وقوللى النتيجه

**aymanmaly** · 01-09-2010 03:09 PM

المشاركة الأصلية كتبت بواسطة mhmdalsaadany

علي فكره يا باشا انا دلوقتي بس فهمت
انت فاكر اني بعلق علي رد سؤال كمال باشا
لااااااااااااااااااا خالص انا مش بعلق علي موضوع الميه خاااااالص
انا بتكلم علي اللي بيقول عيب في العربيه من غير وجه حق وفي ناس لقيتها مصدقه وكلام زي ربنا يتولاهم زي منكون جبنا توك توك هو دا اللي نرفزني جدا
وعلي فكره انا لاقيت تعليق الميه علي السقف دا في موضوع نادي الضحايا
ومرضتدش اعلق او اقول رد
لكن لما لاقيت الموضوع اتكرر كتير وناس بقت مصدقه
قلت لأ لازم ارد واوضح الموضوع دا الساكت عن الحق شيطان اخرس
وبعدين يا كبير اختلاف الرأي لا يفسد للود قضيه
واسف للمره المليون ولو كان كلامي اتفهم غلط
حبيب قلبي مقدرش علي زعلك:b4_007:

الاول انت راجل محترم جدا و انا ماقدرش اذعل منك
يا راجل لسة فاكر الموضوع دة كبر دماغك
انا خفت كل الى شاركو يفتكرو هم المقصودين و بالتالى تحصل مشكلة
لكن لو على المشاركة بتاعتى ولا يهمك قول الى انت عايزة
اما عن الدفاع عن العربية بالحق فليك حق يستفزك الهجوم انا كمان عملت زيك
انا رديت فى موضوع تانى اسمة تقريبا
نادى ضحاية كروز
و بالتوفيق للجميع

**Bassem Raafat** · 01-09-2010 03:48 PM

بص ياباشا بالنسبة للمياه حط مياه نظيفه ويستحسن معدنيه زى ما استاذ ايمن قالك وشوية cyclo زى ما أستاذ حسام أوبتراوى قالك ...

بالنسبه لرش المياه على السقف .... حاول تظبط مكان الرشاشات .. لو دخلت أى حاجه رفيعه فى الرشاشات ( دبوس رفيع مثلا ً ) وحاولت تنزلها لتحت أو ترفعها لفوق حتلاقيها بتتحرك معاك وأظبطها زى مأنت عايز ( تقريباً تظبطها فى نصف الزجاج بالظبط ) .... بس براحه مش بعنف وبلاش دبوس طري لأحسن يتكسر جوه الرشاشات ويسدها ..... أنا عن نفسى بستعمل أصغر مقاس من مفكات الساعات والنظارات ... جربها وإبقى طمنا ....

وبلاش تسيب مياه المساحات لما تخلص خالص ، حاول تملاها أول بأول علشان لو فى رواسب فى آخر قربة المساحات متسدش الرشاشات .

**ma_almula** · 01-09-2010 03:54 PM

المشاركة الأصلية كتبت بواسطة hosam_optrawy

بلاش جلانس ولا بريل

هات cyclo من on the run او من اى حته

بحوالى 15 - 20 جنيه

made in usa

اشتريته من حوالى 9 شهور ولسه معايا لحد دلوقتى

فضى الميا اللى عندك خالص

واملاها مياه تانى وفضيها تانى عشان التانك ينضف

وبعد كدا حط شويه صغيرين حوالى 50 مللى بالكتير على ازاتين ميه بس كدا

وممكن تلاقى انواع تانيه غير الامريكى دا بس مجربتهاش قبل كدا

عموما جرب وقوللى النتيجه

هو ده الصح انا كنت عاوز اساعد حضرتك لكن هنا فى السعوديه الأنواع مختلفه لكن على العموم إيدى العيش لخبازة ولو اكل نصه، ولكل مقام مقال

**mimo116** · 01-09-2010 04:01 PM

تمام كده زي ما الاستاذ حسام بيقول ... هوه ده الصح

-

الموضوع: مية مساحات الكروز خلصت

LinkBack

أدوات الموضوع

عرض

-

-

-

-

-

-

-

المواضيع المتشابهه

ماهي نسبة الانضغاط في محرك الكروز ونوع البنزين الأمثل لمحرك الكروز

ال byd خلصت من مصر ولا ايه

لينيا خلصت من مصر

انا خلصت تليين

الكلمات الدلالية لهذا الموضوع

المفضلات

المفضلات

ضوابط المشاركة