بخصوص الجين 2

**kmatshooo** · 10-03-2008 11:15 AM

ياجماعة انا حجزت جين 2 وخلاص المفروض على كلام عز العرب استلم يوم 20 بس الناس مخوفنى من حاجتين ان عفشة العربية ناشفة وان الموتور صوته عالى اوى وقطع الغيار غالية انا عاوز حد من الناس الى عندهم العربية يقولى الكلام ده بجد ولا دول مش فاهمين حاجة بس ياريت تردوا على بسرعة قبل ماستلم واتورط

محمد عامر

**meramor81** · 10-03-2008 12:42 PM

اخى اقرء انطباعات استاذ توت عنخ امون والعديد من الاعضاء ستجد الرد
الموضوع ده اتفتح من قبل كتييييييييييييير

**SEATLOVER** · 10-03-2008 01:24 PM

عليك و على توت ..او استنى يرد عليك ..ممكن يخليك تحجز واحدة كمان ههههه :d

**tutankhamoun** · 10-03-2008 08:05 PM

السلام عليكم
بالنسبة لأسئلة الأخ كاماتشو
العفشة مش ناشفة خالصة
المحرك صوته مثل صوت سيارات السباق و ليس صوت مرتفع و خلاص
قطع الغيار في نفس سعر السيارات الجديدة و تباع خارج التوكيل في شارع دمشق و في الجيزة

و بعدين أنا عايز حضرتك تحط في بطنك بطيخة صيفي و متخفش و متقولش " قبل ما أستلم و أدبس "
لأنك بكره لما تستلم و العربية تعجبك هاتقول كلام تاني
و لا تتصور حضرتك كم الكلام السلبي اللي سمعته من كل أصحابي و أقربائي عن العربية قبل ما أشتريها و كل لما أسأل حد و أقوله
هو أنت جربت العربية ؟؟؟؟؟؟؟؟ يكون رده لاءة !!!!!!!
و على فكرة الكل غير رأيه بعد ما شافوا العربية و ركبوا فيها كركاب فقط ..... حيث أنني لم أدع أحد منهم أن يقودها :D :D غلاسة بقى
مش أحنا شعب بنفتي و النبي ؟؟؟؟؟؟؟؟؟؟

المهم يا باشا قسم البروتون ملئ بتجارب لأخوة كثيرين جربوا السيارة و أمتلكوها فعلا ......... و منهم أخونا الأستاذ محمد الحسيني و أنطباعات المهندس سبعاوي الذي جربها كأختبار

اخى اقرء انطباعات استاذ توت عنخ امون والعديد من الاعضاء ستجد الرد
الموضوع ده اتفتح من قبل كتييييييييييييير

شكرا أختنا الكريمة على ثقتك في تحليلي للسيارة

عليك و على توت ..او استنى يرد عليك ..ممكن يخليك تحجز واحدة كمان ههههه

ياباشا العربية فعلا تستاهل ......... و شكرا ليك لثقتك في شخصي و تحليلي عن السيارة

تحب أجيبلك عربية جين 2 ؟؟؟ :D :D :D و تسيبك من السيات ( مع أني بحب السيات جدا ) خصوصا 133 الجبارة
و طبعا أنا بهزر
لأن السيات دلوقتي من أفضل التصميات و أنا نفسي كان معايا إبيزا من قبل ......... تحيا سيات ........ تحيا بروتون .... تحيا فيات

**SEATLOVER** · 10-03-2008 11:17 PM

المشاركة الأصلية كتبت بواسطة tutankhamoun

ياباشا العربية فعلا تستاهل ......... و شكرا ليك لثقتك في شخصي و تحليلي عن السيارة
تحب أجيبلك عربية جين 2 ؟؟؟ :D :D :D و تسيبك من السيات ( مع أني بحب السيات جدا ) خصوصا 133 الجبارة
و طبعا أنا بهزر
لأن السيات دلوقتي من أفضل التصميات و أنا نفسي كان معايا إبيزا من قبل ......... تحيا سيات ........ تحيا بروتون .... تحيا فيات

يا توت باشا ..ربنا يخليك ..انا متابع طبعاً تحليلاتك و انا مبحبش اتكلم على اى عربية الا لما اجربها و اخد feedback كتير من كذا حد من اصحابها ...و انت فعلاً لقيتك بتقول كتير من اللى كونتة عنها
بمنتهى الحيادية و تطور المعلومات باستمرار . .. انت متبنى عربية لها مستقبل كبير .

ما تيجى انت بقى تسيبك من الجين وتيجى اجبلك واحدة... ليـــــــــــــــــــــون ... :D :D :D
ويا سيدى تحيا بروتون ..تحيا سيات ...تحيا اى عربية اللى بيعملوها بيحترموا اللى هايركبوها .

ربنا يزيدك و يكرمك ... و دايما منور كدة على طول .

**kmatshooo** · 15-03-2008 04:55 PM

انا شاكر جدا اهتمامكم بس انا عاوز اعرف بكل موضوعية يعنى اجيب جين 2 اوتوماتيك سبورت ولا اجيب لانسر السوبر اكشن الفول اوبشن طبعا فى فرق حوالى 25 الف بس انا بصراحة مش فارق معاى انا عاوز اركب عربية حلوة وتعيش معاى وتستحملنى فشوروا على لو كل واحد مكانى دلوقتى يجيب ايه لانسر السوبر اكشن ولا جين 2 على اعتبار ان الفلوس مش عامل فى المقارنة

**kmatshooo** · 15-03-2008 04:55 PM

انا شاكر جدا اهتمامكم بس انا عاوز اعرف بكل موضوعية يعنى اجيب جين 2 اوتوماتيك سبورت ولا اجيب لانسر السوبر اكشن الفول اوبشن طبعا فى فرق حوالى 25 الف بس انا بصراحة مش فارق معاى انا عاوز اركب عربية حلوة وتعيش معاى وتستحملنى فشوروا على لو كل واحد مكانى دلوقتى يجيب ايه لانسر السوبر اكشن ولا جين 2 على اعتبار ان الفلوس مش عامل فى المقارنة

**tutankhamoun** · 15-03-2008 06:30 PM

المشاركة الأصلية كتبت بواسطة kmatshooo

انا شاكر جدا اهتمامكم بس انا عاوز اعرف بكل موضوعية يعنى اجيب جين 2 اوتوماتيك سبورت ولا اجيب لانسر السوبر اكشن الفول اوبشن طبعا فى فرق حوالى 25 الف بس انا بصراحة مش فارق معاى انا عاوز اركب عربية حلوة وتعيش معاى وتستحملنى فشوروا على لو كل واحد مكانى دلوقتى يجيب ايه لانسر السوبر اكشن ولا جين 2 على اعتبار ان الفلوس مش عامل فى المقارنة

بص يا باشا
أنت عايز رأي الناس و أنا هاقولك رأيي و بكل موضوعية و مش عايز حد يزعل اطلاقا

اللانسر تتميز عن الجين في مصر بالآتي

سعر إعادة البيع ........ حيث أنها مطلوبة لأن زي ما حضرتك عارف هي دلوقتي128 القرن الواحد و العشرين

أسم شهير و لو أنه جديد في عالم السيارات مثله مثل البروتون و لكن الذي جعله مشهورا هو اسم اليابان البراق على المنتج
حيث ان مصانع ميتسوبيشي للسيارات بدأت في السبعينيات و تقريبا عام 1973 و تلتها بروتون بعشرة أعوام أي عام 1983
و كان هناك تعاون كبير بين الشركتين خصوصا أن بروتون كانت تستفيد من التكنولوجيا اليابانية في صناعة محركات سياراتها و في بعض الأحيان تعتمد كليا على محركات ميتسوبيشي

بـــــــــــــــــــس و أنتهى الكلام

الجين 2 أرخص ............... و في نفس كفاءة اللانسر
الجين 2 مليئة بالكماليات
الجين 2 أجمل
الجين 2 تم تطوريها بالتعاون مع لوتس لصناعة سيارات السباق

اللانسر ......... و الكورولا ......... و الياريس ......... سيارات مبالغ في سعرها جداااا

في حين ان الجين 2 الوحيدة التي تباع في مصر أرخص من الخارج
و بجد ده دليل إن توكيل تويوتا و ميتسوبيشي بيسرقوا المصريين تحت دعوى الجمارك
لأن لو موضوع الجمارك صحيح كان الكلام يمشي على الكل
ازاي الياريس تتباع في أمريكا ب 11000 دولار فقط و تباع في مصر ب 15000 دولار
و بعدين هاقول حضرتك على حاجة
الجين 1600 سي سي ........ الكورولا و الياريس و اللانسر 1300 سي سي
يعني فئة جمارك أقل ......... يعني المفروض برضه على الأقل السعر يكون متساوي
أنت عارف الجين 2 بتتباع في الخليج بكام ............ لا تقل عن 100 الف جنيه
و بتتباع في أنجلترا .......... تبدأ من 10 الاف جنيه استرليني بعد الضرائب و الجمارك و كل الحبشتكنات

و في النهاية أنا مش عايز حد يفهم كلامي إن أنا عايز أقول إن في ماركة أحسن من التانية و لكن ليه أدفع فلوس كتيرة لما ممكن أدفع فلوس أقل لمنتج بنفس الكفاءة ؟؟؟؟؟؟؟؟؟؟؟
سؤال وجيه ؟؟؟؟؟؟؟؟؟
بس وجيه راح مشوار و زمانه جاي :D :D :D :D

أنا بس وجهة نظري إن الناس لو بدأت تقاطع الجشع و الطمع
الأسعار هاترجع للطبيعي ......... و تتباع على الأقل بنفس أسعار أوروبا
مش نبقى أحنا أغلى من أوروبا علشان جشع الوكيل !!!!!!!!
صح و لا أنا غلطان يا رجالة ؟؟؟؟؟؟؟؟
أرجوا أن أكون أفدت حضرتك يا أستاذ كماتشو
و لو حضرتك عايز تتعرف أكتر على العربية ممكن حضرتك تأخذ جولة في قسم البروتون و هناك مواضيع مثبتة عن عيوب السيارة و مميزاتها و أيضا أنطباعات المهندس سبعاوي بعد أن جرب العربية و هناك الموضوع الذي فتحته أنا العبد الفقير إلى الله عن تحليلي لأدءا العربية في أول 3000 كم
و أنا عايز حضرتك تفتكر كلامي ده عن العربية في 5 سنين لما الناس تعرف قيمتها و مدى إعتماديتها في السوق المصري
و شكرا

**Ghamrawy** · 15-03-2008 07:17 PM

نقطة لتوضيح موضوع معين و هو فعلا لا جدال على استغلال الوكلاء فى مصر و جشعهم و تسعيرهم العربيات باسعار اكتر من مبالغ فيها
و لكن الجمارك بتفرق على حسب بلد المنشأ يعنى اعلى جمارك على العربيات ذات المنشأ الاوروبى ثم الامريكى ثم اليابانى و اقلهم الهند و الصين و ماليزيا و كوريا
نقطة اخرى عربيات من نفس المنشا و نفس الكماليات و نفس السعة اللترية و لكن السعر مختلف بسبب اختلاف سعر السيارة من المصنع (الاسترا و الجولف و البى ام 316 و الاودى) نفس بلد المنشأ و نفس السعة اللترية و لكن فرق الاسعار كبير بين كل منهم
بونتو 1300 جيتز 1600 و السعر واحد 73000 ج.م
فرق الايدى العاملة اغلى فى اوروبا ارخص فى الصين و الهند و كوريا
اما بالنسبة لفرق العملة فالموضوع ده فيه كلام كتيير فمثلا عندما تفضل مشكورا الدكتور عاطف عبيد باغراق الجنيه المصرى و اطلاق سعر صرف الدولار كل وكلاء السيارات فى مصر قاموا برفع سعر السيارات بنسبة تتراوح بين 20% الى 30 % و لكن كما نعلم الان فأن الدولار سعره فى العالم كله فى ادنى مستوياته و مع ذلك قال الوكلاء (مالناش دعوة) لاننا نستورد السيارة بعملة بلد المنشأ اذن اين الحقيقة ؟؟؟

**tutankhamoun** · 15-03-2008 07:37 PM

المشاركة الأصلية كتبت بواسطة gemino

نقطة لتوضيح موضوع معين و هو فعلا لا جدال على استغلال الوكلاء فى مصر و جشعهم و تسعيرهم العربيات باسعار اكتر من مبالغ فيها
و لكن الجمارك بتفرق على حسب بلد المنشأ يعنى اعلى جمارك على العربيات ذات المنشأ الاوروبى ثم الامريكى ثم اليابانى و اقلهم الهند و الصين و ماليزيا و كوريا
نقطة اخرى عربيات من نفس المنشا و نفس الكماليات و نفس السعة اللترية و لكن السعر مختلف بسبب اختلاف سعر السيارة من المصنع (الاسترا و الجولف و البى ام 316 و الاودى) نفس بلد المنشأ و نفس السعة اللترية و لكن فرق الاسعار كبير بين كل منهم
بونتو 1300 جيتز 1600 و السعر واحد 73000 ج.م
فرق الايدى العاملة اغلى فى اوروبا ارخص فى الصين و الهند و كوريا
اما بالنسبة لفرق العملة فالموضوع ده فيه كلام كتيير فمثلا عندما تفضل مشكورا الدكتور عاطف عبيد باغراق الجنيه المصرى و اطلاق سعر صرف الدولار كل وكلاء السيارات فى مصر قاموا برفع سعر السيارات بنسبة تتراوح بين 20% الى 30 % و لكن كما نعلم الان فأن الدولار سعره فى العالم كله فى ادنى مستوياته و مع ذلك قال الوكلاء (مالناش دعوة) لاننا نستورد السيارة بعملة بلد المنشأ اذن اين الحقيقة ؟؟؟

يا باشا
أنظر على تلك الأمثلة

الجين 2 في أنجلترا بتبدأ من 110 ألف جنيه مصري = 10 الاف استرليني * 11 جنيه مصري و في مصر أخرها 88 ألف للأوتوماتيك كمان
الجين 2 بتتباع في الخليج بنفس السعر في أوروبا
الياريس بتبدأ في أمريكا من 11 ألف دولار و في مصر بتبدأ من 15 ألف دولار
الكورولا نفس الحكاية ......... اللانسر نفس الموضوع ...........
و من الحاجات التي تقريبا ثمنها مقارب لثمنها في السوق المصري هي السيارت الكبيرة الحجم بسبب الضرائب العالية على السيارات الكبيرة هناك
أو السيارات الرياضية مثل اللوتس ......... البورش ......... فيراري

جمارك مصر تحسب كالتالي يا باشا
جمارك على سيارة ياباني موديل 2008 فئة 1600 سي سي و ثمنها حوالي 100 الف جنيه مصري
يكون الجمرك حوالي 62204 جنيه مصري
و نفس المواصفات و لكن كوري ....... جمركها بيكون 59364 جنيه مصري
يعني مش فرق يذكر
و لكن هناك عوامل أخرى و هي مهمة جدا
جشـــــــــــــــــــع الــــــــتوكيل و أستغلاله لثقة الناس في الإسم ليس أكثر و لا أقل
و الدليل الأسعار و الأمثلة السابقة