بخصوص موتور الجين 2

**HiTcH** · 04-07-2007 07:56 PM

سمعت الناس هنا فى المنتدى بتقول ان صوت الموتور عالى شويه وبيعلى اكتر بعد ال 110

افهم من كده ان العربيه دى مش ناعمه فى سواقتها ولا ايه؟؟
لانى عاوز اجيبها بس عايز يبقى عندى فكره كويسه عن نعومة العربيه ( موتور وعفشه )
لان هى فى الاول وفى لاخر سواقه ومتعه مش كماليات

فياريت حد يدينى فكره عن الموضوع ده
وشكرا
اخوكم
هشام

**memo_hefnawy** · 05-07-2007 07:31 AM

أستاذ هشام هى العربية أدائها رياضى و صوت الموتور مش عالى بينعر لأ عالى بيزأر ههه

يعنى أكيد إنت فهمت قصدى فيه فرق بين العالى دوشة و العالى قوة

بس ممكن تكون إنت حابب عربية ناعمة يابانى و أنتخة و فيه غيرك عايز عربية شد و جرى ثبات بتختلف المتطلبات بس ممكن تشوفها مع أى حد من الأعضاء قبل ما تكرر أى حاجة :)

**HiTcH** · 05-07-2007 08:59 AM

شكرا أوى على الرد بس أنا رايح فرع المصريه (دمياط) أدب خناقه النهارده بالليل مع المدير ( أسمعه كلمتين بايخين )
فادعولى بقى انى اوصل لحاجه مع العالم الغريبه دى
وربنا يعينا على الموظفين الكسلانين
اللى بتبقى انت رايح تدفع دم قلبك عشان تاخد عربيه....يحاولوا هم يركبوك عربيه تانيه وأسهل كلمه (اللى انت عاوزها هتوصل كمان شهر أو اتنين)
زى متكون رايح تشترى اكسسوارات للموبايل مثلا
والله المستعان

**memo_hefnawy** · 05-07-2007 09:41 AM

يا سيدى الفاضل ولا تدب خناقة ولا تركب عربية إنت مش عايزها إنت تاخد فلوسك و تشترى من التوكيل مباشرة و لا تحرق دمك مع النوعية دى من الناس أكيد إنت دفعت 1000 جنيه حجز خدهم و مش تمشى إلا و إنت واخدهم من هناك و شوف إنت عايز عربية إيه و روح لتوكيلها دايريكت و مش تحرق دمك :)