ساعدوني بليز: لانسر بوما 1.3 ولا كيا سيراتو ؟ و هي لانسر 2011 نزلت ؟

**mahmoudzaied** · 31-08-2010 06:56 PM

يا باشا اتكل على الله وهات كيا سيراتو اوتو
العربية بسم الله ما شاء الله
شكل كماليات اوبشنز سحب روعة موتور قوى
وجيبها جنط 16
وادخل قسم كيا واتفرج
بلاش اللانسر ال 1300 الاوتو ضعيفة اوى اوى وهتتعبك مع التكييف وانت محمل

وبرضو شوف النيسان الصنى بس السوبر صالون مش اقل

**sallywawa34** · 31-08-2010 08:37 PM

بس الكيا سيراتو فعلا ليها مشاكل كتير
انا خايفة منها لان كتير بيشتكوا من العفشة و الثبات و قطع الغيار الغالية
و النيسان صني شكلها تقليدي و قطع غيارها برده غالية
يبقى ايه الحل؟
ممكن اعرف لو لانسر بوما اتوقف انتاجها من 2011 , هيكون ايه البديل عنها؟
و عايزة اعرف سعر اللانسر 2010 شارك 1.5 اوتوماتيك الغير كاملة؟ و هل عربية كويسة ؟

**sallywawa34** · 31-08-2010 09:34 PM

؟؟؟؟؟ مفيش ردود؟؟؟؟؟

**khaledmekawy2008** · 31-08-2010 09:50 PM

محدش يعرق لسه ايه بديل البوما وتقريبا ممكن يتعدل عليها حاجات في سنة 2011 وتنزل بمسمي جديد او اضافة لاسم بوما وده اخر خبر سمعته من التوكيل يعني احتمال اه واحتمال لا لان الشركة الام لقت ان المبيعات انخفضت السنة دي عن السنين اللي فاتت ولقت ان الشارك مش محبوبة ومش بياعة زي البوما فهتطور في البوما في 2011 وهيتعدل عليها حاجات زي الموتور والاوبشن فرأي تستني لما الموديلات الجديدة تنزل وتعرفي عشان لو بجد ده حصل والبوما اتطورت هتبقي طفرة فالسوق لانها لغاية الايام دي عربية مش محتاجة كلام وتلبي طلبات اي حد واعتمادية وانجح عربية فالسوق المصري واستخيري ربنا قبل كل حاجة ......

**yoko** · 31-08-2010 09:59 PM

رأي الشخصي حرام أدفع كل ده في عربيه 1300 سي سي وكمان شكل قديم وإحتمال كمان مينزلش جديد!!!
رأي المتواضع لو هجيب ليا أنا
نيسان صني أو تيدا على حسب الميزانيه
لانسر 1600
سيراتو وإن كنت أفضل الفئة الأعلى الي فيها abs و2 إيرباج
ومكنتش هفكر في الالانسر ال1300 أساسا بعد ما ركبتها وشفت يعني إيه عربيه بطه بمعنى الكلمه

**Ralliart** · 31-08-2010 11:12 PM

لو المقارنه بين العربيتين دول بس يبقى السيراتو لان الـ1300 اوتو حرام فيها السعر ده
وزي ما قالو شوفي الصني ولو مش حلوه شوفي الرينو سكالا الجديده حلوه جداً وكمان الفيات بونتو ايفو جامده جداً وشيك جداً

**DrMax** · 01-09-2010 01:10 AM

لو هتجيبى لانسر 1300 هاتيها مانيوال..سحبها كويس جدا وموفرة جدا جدا فى البنزين
لكن لو محتاجة عربية اوتو يبقى هاتى لانسر 1600 او سيراتو او صنى
ال 1300 اتوماتيك هتخنقك من العربية لو بتحبى تجرى

**raedegypt** · 01-09-2010 02:09 AM

عايزة عربيه مجربه اكثر من عشرة سنين بمصر ومحدش اشتكى منها ومش محتاجه توكيلات وتقفيل نظيف يابانى اللانسر طبعآ . الصنى مصرى تقفيل فقير جدآ وجربى بنفسك شوفى قفله الابواب وقفله الشنطه الخلفيه وجودة الصالون المصرى واليابانى والخامات والموضوع مش محتاج خبراء .. اختى ما تضيعى وقتك اللانسر 1600 افضل من الكلام دة كله .

**sallywawa34** · 01-09-2010 04:55 PM

ميرسي ليكم كلكم على الاهتمام و الرد
بس انا كده اتلخبطت خاصة ان انا عايزة اشتري في فترة قبل 2011 ( يغني تقريبا كم شهر و موديلات 2011 تنزل بيقولوا في اكتوبر )
وانا مستبعدة الصني لان مش برتاح ليها اطلاقا
يعني اللى حطاه قدام عيوني دلوقت : السيراتو - او اللانسر ؟ لكن طالما اللانسر 1.3 زي ماقلتوا حرام فيها السعر ده ( و دي اللي تناسبني سعرا في الزيرو ) و كمان ضعيفة مع الاوتوماتيك ( وده احتياجي) يبقى نسبعدها
كده مفيش غير السيراتو او اللانسر 1.3 اوتو لكن لو يوزد مثلا هيكون سعرها 70.000 (معروضة عليا مو 2006 فبريقة داخل و خارج) يبقى مش حرام عليها المبلغ على ما اعتقد , و الا طالما هدفع المبلغ ده يبقى السيراتو بقى ( لكن المشكلة اني خايفة منها جدا خصوصا بعد ماقريت التقرير ده ) :-
[frame="1 80"]تجربة قيادة كيا نيو سيراتو...تقرير كامل مصور![/frame]
[frame="1 80"]على الويب ده : ....................[/frame]

ممنوع وضع روابط لمنتديات أو مواقع أو أي وسيلة مقروءة أخرى
مشرف 12 ب