الموضوع: العربية تقيلة وسحبها بطئ و فيها رعشة

المشاركة الأصلية كتبت بواسطة haitham10

باشا انت محتاج ظبط كرباتير وكهربه موتور مش اكتر بس عاوزة ميكانيكي فاهم وشاطر يحاول يخلي الموتور ميرعش والسحب مظبوط في نفس الوقت وطبعا معاهم البنزين هيكون مظبوط
لكن ممكن يرعشها وسحبها حلو واستهلاك حلو
ممكن يخليها ناعمة بدون رعشه لكن مفيش سحب اصلا وطبعا هتقرص بزيادة وهتستهلك الضعف
وهكذا الامثلة كتيره كل دة مجرد ظبط في مسمارين للكرباتير تخيل ؟؟
فالموضوع فني وعاوز حد شاطر مش اكتر ومتقلقش ان شاء الله ولازملك تنضيف كرباتير

جزاك الله خيرا
بس الميكانيكى يفهم فى الموضوع دة يعنى ؟؟؟
و موضوع الكرابيراتير دة لازم يفك الكرباتير برة و ينضفة ؟؟
علشان فى ناس قالتلى اوعى تفكو احسن الفتحات هتوسع منة و العربية هتستهلك بنزين اكتر فخفت بصراحة اوديها لحد بتاع كاربيراتير

المشاركة الأصلية كتبت بواسطة haitham10

اول مرة اسمع كلامك دة ... بس الاكيد مش اي حد هيفكوا طبعا انت لازم تسأل الاول ويستحسن بنفس نوع عربيتك مع حد معرفه يكون جربها

لكن فك الكارباتير اعتقد ضروري جدا كل فترة طويله للتنضيف اليدوي بيفرق كتير بجد بتحس العربيه صحيت من جديد لان بيبقي جواه بلاوي

وفي حل مؤقت هو سبراي تنضيف كرباتير ويترش عليه من بره

واي فني كرباتير او ميكانيكي يقوملك بالحكايه دي بس الفكرة كلها برضه قلتهالك ..... في ظبط مسمار الهوا والبنزين .. عشان العربيه تحرق مظبوط فهتلاقي سحب مع استهلاك مرضي بالنسبالك وطبعا من غير رعشه ..... ولو لاقيته قولي عليه عشان انا تعبان زيك :)

الميكانيكى رش لى سبراى التنظيف دة مرتين قبل كدة بس معملش حاجة اصلا
و عموما هحاول اشوف حد بتاع كاربيراتير كويس و لو لقيت هقولك ان شاء الله

بص يا بوب بالنسبه لموضوع الرعشه كانت بتعمل عندى نفس الموضوع بس لما ادوس فرامل الالقى العربيه بتترعش ساعتها الميكانيكى قالى ده االماستر بتاع الفرامل او سيرفو الفرامل مش فاكر بالظبط وبالنسبه لحكايه لما تيجى تسيب بنزين وتلاقى العربيه بقت بطيئه كدا ده انا غيرت حاجه اسمها tps انا معايا لانسر 96 اتوماتيك معرفش بالنسبه للكرباتير فيه tps ولا لآ

المشاركة الأصلية كتبت بواسطة m.aligamal

مفيش tps فى الكربراتير حضرتك الرعشه دى تنضيف كرابراتير و ظبط كهربا و موضوع الفتحات توسع فده كلام مش منطقى الاسبراى بينضف بس مش كل الاجزاء يعنى تنضيف ظاهرى وبعدين حاول تركب البوجيهات الاصليه بتاعه العربيه و شوف موضوع الحرق بتاعها من ايه
بالنسبه لزيت الفتيس فالزيت المفروض يتغير عند 40 الف كيلو لو الزيت الاصلى اما الزيوت التانيه فكتيرها 20 الف و الكلام ده من فنى صيانه الفتيس بتاعى و هوا الى قالى ان الزيت الاصلى بيصل سعر اللتر فيه ل100 جنيه انما الزيوت العاديه فسعر اللتر فيها 20 جنيه انا عن نفسى بستخدم ايسو atf و بغيره على 20 الف و طالما لون الزيت لسه احمر و مفيش ريحه شياط فاطمن عليه لكن انا الى شفته بعد منزلت زيت الفتيس ان اللون بتاعه كان اسود و كان مليان شوائب و انا غيرت لان الفتيس كان اوقات لمبه n بتنور مع d
وده معناه ان فى خلل فى الفتيس
و بالمناسبه العربيات الانسر الكريستاله موضوع الرعشه ده منتشر و طبعا بيرجع لقدم الموديل نوعا ما يعنى اكيد بتكون فى مكونات مستهلكه زى قواعد الموتور او الكربراتير او حاله الموتور نفسها بس بتكون رعشه خفيفيه يعنى مش ملحوظه قوى
وبستفسر منك هل لو شيلت رجليك من على البنزين بتحس ان العربيه كانها هتبطل ولا رعشه خفيفه
لو كانت هتبطل على السلانسيه على طول و قلنا rpm عندك على السلانسيه على كام

هى الرعشة كان العربية هتبطل كدة و ترجع تعلى تانى
انا معنديش rpm فى العربية فمعرفش موضوع السلانسية دة

وكمان بعد ظبط الكربراتير علي جهاز العادم زي الموجود في المرور خليه يظبطلك كهربه و يقيس سلك البوجيهات --وكان الفتيس بينقل معاك نقلاته كلها ولا لأ---