الموضوع: العربية بتأكل زيت وسحبها ضعيف قوى وبترعش جامد اية الحل ؟؟؟؟؟؟

اية يا جماعة معقول محدش عارف يا ريت حد من الخبراء يقولى العطل من اية بالظبط ؟؟؟؟

اسباب نقص زيت الموتور معروفة ............وهى احتراق الزيت فى غرف الأحتراق وده نتيجة تسرب الزيت الى الغرف نتيجة تلف الشنابر وعدم حبك راس البستم وينتج عن ذلك دخنة بيضاء وبنقول ان الموتور خفيف .
وحضرتك بتقول مافيش دخنة او عادم من الشكمان يبقى الأحتمال الأخر هو هروب الزيت من الأويل سيل الخاصة بالمحرك يبقى هتلاقى زيت تحت العربية .
يبقى تحاول تكشف هل فى زيت تحت العربية ولا فى دخنة من الشكمان .
اما موضوع ضعف السحب فممكن يكون نتيجة تاكل طقم الدبرياش
(تلف الأسطوانة و والبلية و والدسك )
او ضعف مجموعة الكهرباء بالسيلرة (الأبلتين والكندنسر والسلوك والبوجيهات)

شكرا لردك بس الحمد لله مفيش زيت تحت العربية او حتى دخان ابيض وانا كشفت على طقم الكهرباء وطلع سليم ؟؟؟؟

يبقى من اية بسسسسسسسسسسسسسسسسسسسس ؟؟؟؟؟

المشاركة الأصلية كتبت بواسطة samirayad

دى حالة تفويت كبس من غرف الحريق الى الكرتير ........والغازات الهاربه للكرتير بتأخذ زيت معاها (وده سبب نقص الزيت ).......والغازات المحمله بالزيت دى بتطلع من خرطوم الفائظ الى مجمع الهواء وبتدخل الغرف وبتلوث خليط الأحتراق النظيف (وده سبب ضعف السحب ).........ولو شيلت خرطوم الفائظ من على مجمع الهواء حيتحسن السحب معاك ......بس موضوع نقص الزيت حيبقى زى ماهو........................

** دا اللى قدرت أفسره للموضوع اللى عندك........

كلأم حضرتك مظبوط لأن لما فتحنا لقينا الخرطوم علية زيت كتيير والميكانيكى قاللى ان الزيت بيتسرب لأن الشنبر باظ (دة سبب تأكل الزيت )لأ وكمان بصينا على البوجيهات لأيناها معدومة من الزيت اللى وقع عليها (ودة ضعف السحب ) بس قاللى غير زيت الفتيس الأ هو مهم قوى ؟؟؟؟

بدام بقي فيه زيت على البوجيهات ابقي ركب بوجيه سن قصير و لو جه عليه زيت يبقي روح لخراط يعمل كرسي و لو جه عليه زيت يبقي ارحم الموتور و اعمله عمرة او شنبر