ايه افضل مشروع الواحد يعمله ويكون مكسبه حلو وحلال
ومن غير ماحد يتنطط عليه او يترسم عليه او يدفع رشاوى
عرض للطباعة
ايه افضل مشروع الواحد يعمله ويكون مكسبه حلو وحلال
ومن غير ماحد يتنطط عليه او يترسم عليه او يدفع رشاوى
حضرتك لو عايز اجابة للسؤال ده يبقى لازم تجاوب على اسئلة تانية اهم ..منها :
1 حضرتك هواياتك اية ؟ او اهتمامتك ؟
2 حضرتك المكان اللى هاتعمل فيه المشروع مميزاته اية و يصلح ل اية ؟
3 راس المال قد اية ؟
4 خبرتك فى اى مشروع هاتعمله قد اية ؟
ده اللى فى بالى دلوقتى .. شوف كده
مكلنش حد غلب
للأسف يا سيدى الفاضل
الحكومة الموقرة بتاعتنا عامله لكل مواطن عفريت يخوفه ويطلع عينه وينط له فى اكل عيشه
- هتفتح مطعم او بقالة او محل عصير حتى هتلاقى عفريت من الصحة والتموين وغيره
- قطع غيار واجهزة وخلافه هتلاقى عفريت اسمه التموين والمصنفات والضرائب عادية ومبيعات
- هتعمل مصنع لأى حاجه بردو هتلاقى عفريت الضرائب والتموين وغيره كتييييييييير
- هتقعد فى بيتكم هتلاقى زعيم العفاريت بذات نفسه فى التلفزيون بيبتسم وهو بيقول احنا بنشجع الشباب على العمل الحر.
الخلاصة
لو ناوى تفتح مشروع يبقى تعمل حسابك من الأول انك هتلاقى عفاريت كتير وشطارتك بقى انك تتعلم تصرفهم ازاى.
مفيش حاجة اسمها ايه افضل مشروع ممكن الواحد يعمله
انت اللي تحدد انت عايز تعمل ايه حسب رأس مالك و خبرتك و اهتمماتك و حسب احتياج السوق للخدمة اللي انت عايز تقدمها
هي الشباب بتسافر بتعمل إيه في الخارج
يعني انا متخيل نفسي واحد معرفش أي حاجة أو أي حد هناك في البلد اللي انا رايحلها
أول ما أنزل في المطار هقول ها و بعدين هروح فين ؟
دة بالإضافة إلى أن مش كل اللي بيسافروا عارفين لغة البلد أو فيه البعض مش بيتكلموا حتى إنجليزي كويس ؟
أنا ظني - و إحتمال كبير اني اكون مخطئ بنسبة 90% - ان الشباب اللي رايحين بلد بالشكل دة في الآخر بيعملوا مع مافيا
و زي ما فيه كدة فيه كدة برضو
لو راس المال كبير يبقى تشتغل في العقارات
غير كده معرفش افيدك لان اللي بيعمل مشروع في البلد دي بيتحارب من الحكومه ومن الكبار بتوع المجال ومن المجتمع ومن كل حاجه
تفائلوا خيرا يا شباب
مش كدة احنا واهمين نفسنا ان لو فتحنا مشروع هيفشل ليه ؟
طيب ما الكبار اللي انتم ببتكلموا عنهم اللي هيحاربوكم في عملكم متولدوش و في فمهم معلقة دهب
كل واحد فيهم تعب و شقي و أكيد كان فيه حيتان في زمانهم
بلاش التشاؤم و يلا بجد نفكر في مشاريع
عايزين نسمع حد متفائل انا تعبت من التشاؤم ومش ناقص اكتر من كدة
هى مشكلتنا ان البلد ديه ملهاش امان بس ان شاء الله خير
حضرتك حدد رغبات العمل والميول لايه او انت شايف مشروع ايه واكيد هتلائى حد يفيدك او عنده خلفية واكيد بردوا كلنا هنستفيد
انا عن نفسى كان فى دماغى اعمل مشروع الشموع واصنعها بشكل جمالى مختلف وابعها للمطاعم والكافيهات بس لسه بدرس الموضوع و الاهم التسويق وديه بعض الاشكال اللى بتكلم عليها
http://2.bp.blogspot.com/_cLj4uPMRpE...ne-candles.jpg
http://www.baddawi.com/forum/uploaded7/1_1241627898.jpg
http://www.icestandard.org/files/pro...candle%20L.jpg
بلاش تشاؤم
معاكم ان البلد بتحارب اى حد حتى المحلات الصغيرة جدا
وبتعملهم قواضى لحد مايجبروهم على الاغلاق
لكن عيش كأنك محارب لو عايز تشتغل شغل حر
حاول تتفادى على قد ماتقدر واللى ماتعرفش تتفاداه خلص عليه بمعنى انك تمشى سليم فى الجزء ده مش تقتله
وسيبك من اى حاجه وركز فى الشغل حتى لو كان مجال العمل او المشروع موجود منه كتير لو قدرت تركز فيه كويس هتعدى باذن الله
من الاخر ادخل قوى فى اى حاجه والتوفيق من عند ربنا
وارشحلك تستورد حاجه من الصين جديدة على السوق المصرى وتبيعها فى مصر
والاستيراد مافيش اسهل منه او حتى ممكن تخلى مستورد يجيبلك سلعة معينة فى وسط شغله علشان تجرب بس
والحاجات اللى نادرة فى مصر كتيرة ان شاء الله
المهم تفائل لان مصر فيها خير كتير وغيرك ملايين يتمنو يدخلو السوق المصرى
اقولك على حاجه سافر الســـــــــــودان
اشترى كام فدان ارض هناك و ازرعهم تكسب دهههههههب
شكلنا هنقلبها حملة لا للتشاؤم
يا شباب بالله عليكم تفائلوا كل اللي أنتم بتقولوه دة للأسف بيرجعنا ورا
لما نقعد نشتكي كتير كتير من غير ما نعمل حاجة
عايزين نكون إيجابيين شوية
أنا معاكم أن فيه مشكلات و بلاوي كتيرة جدا في البلد بس احنا بدل ما نشتكي منها نحاربها
و بعدين انتم بتقولوا أن لو واحد قام الحكومة هتوقعه تاني طيب ما تيجوا نقوم كلنا زي كرجل واحد و أراهنكم لو الحكومة عرفت تعمل حاجة
يعني لو لقوا حالة فردية من النجاح و قاوموها مش هيقدروا لو كانوا ألف حالة نجاح
يلا نكون إيجابين و نعمل حاجة
و الحمد لله قررت أني لن أتحدث في مشكلات البلد تاني و أقعد أشتكي منها لا قررت أني أكون إيجابي في مجتمعي
يعني بدل ما أركب تاكسي و أقعد أحكي معاه أصل الحكومة و فصل كذا و الأسعار زادت بعون الله هكون إيجابي تنفعني و تنفع مجتمعي علشان أنهض بيه و ميكونش بحالته السيئة
يلا مين معايا قرر أنه يكون إيجابي و ميشتكيش تاني ؟
فى مصر مفيش مشروع حلال 100% الا انك تبيع مصاحف
غير كده لازم تمشى نفسك وتظبط احوالك عشان تعيش
الله الوكيل انا كنت متفائل جدا وانا بفتح الموضوع لانى بفكر بردة فى مشروع وقلت حنلاقى مشاركات ووجهات نظر كتير
الله الوكيل انا اتخنقت من الردود دى والله العظيم نفسى اتسدت
لا حول ولا قوة الا بالله السلبية بقت فى كل مكان حتى مش قادرين نفكر بلاش احلمو طيب بلاش تنفذوا
مش لازم علشان مش معاك الفلوس او الجهد او الفكرة حتى انك تدخل تثبط من عزيمة السائل يا اخى
احلم معاة ولو باى حاجة التشاؤم دة لية
وردا على اخويا اللى بيقول مفيش حاجة حلال غير لو بعت مصحف جبت المعلومة دى منين ؟؟؟ خبرتك قد اية فى الحياة علشان تقول كدة ؟؟
اسمحلى ان التعبير خانك على الاخر لان كل واحد فى الموقع دة انت طلعتة حرامى الا لو كان بياع سريح بشوية مصاحف وسبح
هوة دة الحلال يا اخى اتقى الله وساعد احسن بكلام مفهوم ومنطقى
ارجو محدش يدايق او يعلق تعليق يدعو الى افتعال جدال لانى فعلا مخنووووق من كم الردود السلبية اللى فى الموضوع دة
تحياتى واسف على الحدة فى اسلوبى (من الضيق مش اكتر )
مفيش مشروع مفهوش صعوبات
حتى بيع المصاحف ممكن تباع المايكروباص ميرضاش يطلعك
واى مشروع لو بتخطط صح وبتبزل اقصي جهد فيه اكيد ربنا هيوفقك
على العموم
شوف المشاريع اللى ناجحة حواليك واللى تكلفتها مناسبة ليك
ولو المشروع محتاج حد خبرة لو تقدر توفره بالفلوس يبقي خير او خليه يبقي شريك
مع ملاحظة انك تفتح المشروع فى مكان تانى خالص وتخطط صح لكل صغيرة وكبيرة
وتحط فى حساباتك اسوء المشكلات وكيفية حلها
واهم حاجة لا تعتمد على وعود الاخرين وخصوصا في التسويق يعنى مش مثلا واحد صاحبك يقولك هات اى كمية من المنتج ده وانا هوزعهالك عند حبايبي التجار
لاء اوعى تقع فى فخ الوعود
وربنا معاك
-------
محمد سالم
لو الكلمه زعلتك اوى راجع الجمله وانت تفهمها وبلاش تدخل الناس هنا فى الموقع ان بتقول عاوز افتح مشروع او تجاره حلال
و دى الجمله الى انا كاتبها الى انت مفهمتش معناها
لو حضرتك بتعتبر التظبيط (الرشوه يعنى ) حلال يبقى خلاص دوس فى اى حاجه وربنا يكرمك انت سألت ومن حق كل واحد يتكلم من وجهه نظرهاقتباس:
غير كده لازم تمشى نفسك وتظبط احوالك عشان تعيش
ولو بتتكلم عن خبرتى الحمد لله بشتغل من وانا عندى 8 سنين وعملت مشاريع كتييييييييير جدا لوحدى بعد متخرجت
وفتحت اكتر من 5 محلات منهم واحد بره مصر وللاسف دلوقتى عايش فى مصر وبلعن اليوم الى قعدت فيه هنا وفكرت انى استقر وافتح محل واعيش منه
لكن للاسف يظهر ان حضرتك مدخلتش او مجربتش مشاريع او تفتح محل سواء لوحدك او معاك شركاء ودى لوحدها مصيبه
يبقى من حقى انا اسألك عن خبرتك
بس فعلا انا بقالى فتره كبيره بفكر فى اى مشروع اخر نتيجه لسوء الوضع الى وصلت ليه مهنتى الحاليه للاسف بعد مشتغلت فيها سنيييييين ومش لاقى بصراحه حاجه الا وفيها الف عفريت ولازم تدفع وتظبط حالك عشان تصرف العفريت
ده فيه مشاريع ومحلات بتطلع مصروف شهرى جزء من المكسب للرشوه يعنى مرتب شهرى عاوز ايه تانى وتقوللى حاجه حلال 100 % !!!!!!!!!!!
Hello,
Please, have a look at the following link:
http://www.nilemotors.net/Nile/175194-a.html
واضح جدا بردة انك مش عارف انت بتوجة الكلام لمين ليا انا ؟؟؟
ومدام ليا انا جايب اقتباس لكلامى ورادد علية وجايب اقتباس لصاحب الموضوع ورادد علية بردة والاتنين خالط ما بينهم وجايب كلامى من فوق ورادد علية تحت الاول احب اوضح نقطة مهمة جدا
انااااااااااا مش صاااااااااحب الموضوووووووووووووع دة اولا
ياريت بقى حضرتك لو بتوجهلى الكلام تعرف الاول ان الاقتباس التانى بتاع التظبيط دة مش كلامى وعموما انا حرد فى الجزء اللى يخصنى
ايوة الجملة اللى قلتها ضايقتنى لانها مش صح وعيب وحكاية انى مليش دعوة بالناس اللى فى الموقع ما هم الا مثال للبشر اللى فى مصر شغالين ولا اللى فى الموقع من اثيوبيا ؟؟؟؟؟ فبلاش مدخلش الناس ومش عارف اية المفروض ان احنا مش صغيرين على الكلام دة انا برد عليك ولا هوة كل ما واحد ينتقد رد او توبيك يبقى ضــــــــــــــــد دة اسمة نقد يا استاذى
وياسيدى الفاضل انا قلتلك حكم خبرتك اية مش بانك شغال من وانت عندك 8 سنين (ماهو الاسطى بلية بيشتغل من وهو عندة 5 سنين بيطلع لما يكبر بيفهم حاجة ؟؟؟ بردة بلية بس كبير شوية ) الموضوع مش باشتغلت من وانت قد اية ولا عملت كام مشروع والكلام اللى ملوش اساس من الواقع اللى احنا فية الواقع بيقول ان الواحد ربنا ادالة مخ يفكر بية علشان يبقى كائن منتج مش مستهلك وبس
نرجع لنقطة انا بقى خبرتى قد اية لان واضح انها زعلتك اوى ودة شىء ايجابى لان ميصحش انك تقول مفيش شغلانة حلال دلوقتى غير بيع المصاحف والكلام دة لان الجملة دى متخرجش من شخص مسؤل فى منتدى من افضل المنتديات فى مصر معظم روادة ان مكنش كلهم مبيبيعوش مصاحف وفى نفس الوقت شغلهم حلال عموما مش موضوعنا انا حقولك خبرتى قد اية
انا ياسيدى الفاضل اخوك الصغير وبتعلم منك وعندى 29 سنة ومهندس كمبيوتر وعندى شركة صغننة كدة على قدى (بس مش جايبة همها لان الموضوع كتر ولم ومبقاش تخصص اساسا زى الموبيلات كدة فى وقتها اى حد يفتح اى حاجة علشان كدة الموضوع دة شجعنى انى ادخل اقراة يمكن الاقى افكار جديدة :((( ) بجانب الوظيفة الحكومية ومتزوج ومبشتغلش من وانا عندى 8 سنين ولا حاجة كنت عيل صغير بيلعب كورة فى الشارع مع اصحابة عادى جدا زى بقيت الخلق :)
تحياتى واتمنى انك متكونش زعلت
عايزين افكار يا شباب عايزين نساعد بعض و نشجع بعض
و انا معاك في اني اكون ايجابي و مستسلمش للسلبية المنتشرة و المتوغلة في افكارنا
يا جماعة لو سمحتوا متطلعوش عن سياق الموضوع الرئيسي ونخش في نقاشات حادة ملهاش اي لازمة ...
فيه عضو قال كلمة حلوة اوي وانا مقتنع بيها ان السوق المصري ده حلم لمستثمرين كتير وناس كتير نفسها تيجي تعمل مشاريع هنا .. وانا كنت بفكر في مشروع اني اشتري ارض في السودان وازرعها ويتم تصدير المحصول الي الخليج ومصر ..انا عايز بس حد يشجعني ويكون ليه خبرة في الموضوع ده خصوصا ان انا ليا ميزة في الموضوع ده ان معايا الجنسية السودانية برغم اني مرجتش هناك ولا مرة :) :) ... مستني ارائكم
أنا شخصيا شاركت على ورشة خراطة موتوسيكلات وشريكي هو الفني المختص في الخراطة واللي شجعني على مشاركته انه كان صبي في ورشة متفردة في المجال ده لمدة 25 سنة ( تخصص خراطة موتوسيكلات ) وان الزباين بتروح له هو بالإسم وهو عايز يفتح ورشة بإسمه بعد ما كبر وشرب الصنعة .
وكان بالصدفة يوجد معدات ورشة مستعملة للبيع في مدينة تبعد عن مدينتي 70 كم بسبب انشغال صاحبها في السفر للخارج وسرقة الصنايعية له .
ففكرت لمدة نصف دقيقة وقررت المشاركة معاه ومع أحد أصدقاؤه اللي هو قريبي وفورا لأن الحياة فرص والمعدات دي هتتباع بسرعة لوجود أكثرمن زبون ,
واشنرينا المعدات واجرنا مكان مميز وواجهتنا صعوبات ضخمة في الترخيص ودفاع المدني والكهرباء والمحافظة ورشاوي مجلس المدينة ولكن الحمد لله الأمور تيسرت بالنية الصافية .
والحمد لله المشروع شغال وناجح ولنا أكثر من 4 سنوات واتعرفنا واتشهرنا
بعد الردود المشجعة دية اعتقد انا عايز انتحرررررررررررررررررررر
العقار افضل استثمار لو احسنت الاختيار
:O_stupid[1]: ليه بس كده :Oc_sun1[1]::Y_hi_3[1]::36_3_10[1]:
يا جماعة و الله الحمد انا شايف شوية ردود فعلاً آرائهم كويسة ،، و والله كل شيء في مصر ممكن يجيب فلوس ،، بس أهم حاجة تقوى الله .. ثم تقوى الله ،، ثم تقوى الله ..بسس و ساعتها ربنا حيكرمك كرم مفيش زييه ،، بص لأبو ربيع بتاع الفول و الفلاقل ،، أبتدى أزاي ،، و ربنا كرمه و بقى أيه دولقتي ،، ولا أحمد حسنين ،، و ده أصلاً من المنطقة بتاعتي ،، و والدتي دايماً تحكيلي أد ايه هو أبتدى بداية بسيييطة جداً ،، بس أتقى الله و أتقن عمله ،، و ربنا أكرمه بعد كده ،، و بقى أي حد يجي الأسكندرية لازم يجيب هريسة من عنده :C_laugh[1]:
ياجماعة الواحد بيدخل يفتح موضوع هنا عشان يسأل اخواته
فبلاش تخلوا الواحد يتوه اكتر ماهوه تايه الله يكون في العون بجد
الحمدلله انا بقالي فترة في اكتئاب حاد بسبب القصة دي
أن تضيء شمعة صغيرة خير لك من أن تنفق عمرك تلعن الظلام
انا بصراحه شديده شايف امامى ناس كتيره من نجاح الى نجاح الحمدلله وبتحمد ربنا وربنا بيزدهم فى ناس بتقع فى النص بس نسبتهم قليله وده حال الدنيا لاكن اغلب الى بيتعب وبيجنهد ربنا بيكرمه وحال الناس حولينا من الاصدقاء والاقارب الناجحين كتير بس مش وهما قاعدين يندبو حظهم شقيانيين وتعبانين وبيحاربو واعتقد دى سمات الرجال عدم الاستسلام والانهزاميه
+ 1
متصدقشي الكلام اللي بيتكب ده خالص ،،،
سوق الأعمال في مصر و إن مكنشي عادل بس سوق واعد و فيه فرص كتير
شوف السوريين و الصينين و الأتراك اللي مغرقين مصر
البلد و الحكومة حالها يقرف ،،،، ماشي بس البلد مليانة فلووس
نصيحة أخيرة مينفعشي تسأل أعمل مشروع أيه ده لازم يكون نابع من نفسك و خبراتك و الفرص اللي بتتاح ليك و ثقافتك و كده