هل الزينون مخالف ؟

**shod90** · 03-09-2010 12:51 AM

بسم الله الرحمن الرحيم.. السلام عليكم ورحمة الله وبركاته..
انا نويت ان شاء الله اجيب سيراتو كوبية يا قبل العيد مباشرة يا بعدة مباشرة
مش دا الموضوع .. الموضوع بقى انى بفكر اركب زينون فى الفوجات .. 1)هل دا مخالف عند المرور ؟؟ 2)هل كدا طلعط عن الضمان ؟؟ 3)هل هيأسر على الفوج (يسيحة مثلاً) ؟؟ 4)اجيبة و اركبة منين لو مش مخالف؟؟ معلش طولت فى الاسئلة لاكن اخر سؤال عايز اركبلها GPS بتاعها يركب على التابلوة و ميكنش فى فرق و كمان عايز اركب مثبت سرعة منيـــن و بكام ؟؟
و شكراً:)

**NoRmAl** · 03-09-2010 02:08 AM

1. الزينون عموما لو بعدسات مش مخالف
المخالف بنص القانون الاضواء المبهره فلو زينون من غير عدسات بيأذى و بالتالى مخالف
بس أنت ركب عادى يعنى كله مركب وأنا هركب قريب أوى أنا كمان :)

2.أنا شايف أنها بلج أند بلاي مفيش اى لعب فى الضفيره نطلع ليه
دى كمان فجات بس يعنى :)

3. لا طبعا

4. أسألى معاك :)
بس أنا هسأل زوز والصياد

بخصوص الgps
أنضم للقافله :)
كلنا عايزين نركب ومستنين حاجه حلوه كدا وإن شاء الله كلنا نجبها شاروه واحده

**shod90** · 03-09-2010 02:21 AM

المشاركة الأصلية كتبت بواسطة NoRmAl

1. الزينون عموما لو بعدسات مش مخالف
المخالف بنص القانون الاضواء المبهره فلو زينون من غير عدسات بيأذى و بالتالى مخالف
بس أنت ركب عادى يعنى كله مركب وأنا هركب قريب أوى أنا كمان :)

2.أنا شايف أنها بلج أند بلاي مفيش اى لعب فى الضفيره نطلع ليه
دى كمان فجات بس يعنى :)

3. لا طبعا

4. أسألى معاك :)
بس أنا هسأل زوز والصياد

بخصوص الgps
أنضم للقافله :)
كلنا عايزين نركب ومستنين حاجه حلوه كدا وإن شاء الله كلنا نجبها شاروه واحده

يا سلام اخيرا واحد رد عليا ههههههه شكرا والله لييك بس هل انت متأكد من الكلام دا ؟؟

..حوار انو يسيح الفوجات دى انا كان معايا ماتريكس و ركبن لمض بيضة بس الفوج ساح

مهو كلوا كورى :) .. و كمان اخاف اتمسك بالزينون دا و يقرفونى علية

.. و بردوا متأكد من حوار انها متخرجش برا الضمان ؟؟:) .. يا ريت بجد تفيدونى خايف اعمل الموضوع دا و البس معا اللجان و كمان التوكيل

**aaet1** · 03-09-2010 02:41 AM

مافيش داعى تستخدمه جوه البلد .... بصراحة بيبقى مؤذى ... حلاوته على الطرق السريعة بليل وعادة باليل المرور كله بيبقى نايم فامحدش هيمسكك

**alaa82mohamad** · 03-09-2010 05:20 AM

والله لو حتقدر تستحمل دعاء الناس اللى حتئذيهم بالنور الساطع ده عليك و الحوادث اللى ممكن تتسبب فيها يبقى ركبه براحتك و لا يهمك مخالف او غير مخالف

**ashouhdy** · 03-09-2010 05:24 AM

طبعا مخالف و محيصدق يمسكك كمان وفى كل الاحوال ع عدسة او لأ

مش مخالف فى حالة واحدة بس لو مثبت ع الرخصة (ومش بيتثبت) او العربية معروف انها نازلة بزينون (المرور بيكون معاة لستة فيها موديلات العربيات اللى بزينون)

بالنسبة للماتريكس
لمبة الفوج بتكون حوالى 27 واات و اللمبة الزرقا دى بتكون 90 او 50 وات فبالتالى الفانوس بيسيح
لكن لمبة الزينون 35وات مفيش منها قلق

ومبروك عليك مقدما

**shod90** · 03-09-2010 02:02 PM

المشاركة الأصلية كتبت بواسطة abdallahyassin

بلاش زينون الله يباركلك بيعمى عيون الناس بجد
وانا واحد من الناس دايما بدعى واقول حسبى الله ونعم الوكيل لانى بفضل فتره مش عارف اشوف كويس بسبب الضوء ده ضارب فى عينى
بلاش الله يكرمكم يا جماعه بيأذى العين

وربنا يوفقك يارب

المشاركة الأصلية كتبت بواسطة abdallahyassin

والله لو حتقدر تستحمل دعاء الناس اللى حتئذيهم بالنور الساطع ده عليك و الحوادث اللى ممكن تتسبب فيها يبقى ركبه براحتك و لا يهمك مخالف او غير مخالف

والله انا اصلا مش بحب النور العالى بس انا حطة فى الفوجات عشان ميعميش الناس انا والله محترم بس عشان تبقى الرؤية تبقى تمام عشان م البسش فى مطب يجيب اجل العربية و هى جديدة مش اكتر

لاكن طالما مخالف انا راجل قانونى و بمشى على نظام الحمد لله

.. بس محدش جابلى سيرة مثبت السرعة يعنى ؟؟

**AnAcOnDa_0054** · 03-09-2010 02:30 PM

الجي بي اس بتاع السيراتو موجود هنا في المنتدي انا شفته هنا

**alzwawy** · 03-09-2010 06:29 PM

مع المرور فكك مفيش قلق و انت داخل اللجنه اطفي النور و عمره ما هيقلق ولع النور
هو يقولك ارفع الازاز بس علشان يشوف الفاميه انما غير كده لأ و لو العربيه و كيل اكيد هيطلعك من الضمان
دول ما بيصدقو و مش هيسيح الفوج كمان ولا حاجه و ممكن تركب من عند اي حد الناس كتير
turbo بيدي ضمان سنه علي اللمبه و الجهاز
go بيدي ضمان 6 شهور و كان علي حاجه واحده تقريا الجهاز و ياسر ممكن يفيدنا اكتر هو لسه مركب من عند go
و عندك max power بس مش عارف نظامهم ايه بس هما محترمين اوي
وفي enzo ناس محترمه اوي بس مش فاكر نظام الضمان ايه
بس انا احسن عرض جالي كان من turbo
و مركب من عنده و في cuppo وده معروف في المنتدي و في الفيس بوك
هو من المحله و بيجي يجيب شغل القاهره بس بيدي ضمان 6 شهور