مشكله مش عارف اعمل ايه (سرقوا فرحتي بالالنترا)

**modydosoki** · 03-09-2010 05:30 AM

اولا كده الحمد لله علي كل شيء
مشكلتي اني اشتريت النترا وكنت حريص جدا في استلامها وكان معايا اتنين صحابي كمان والصراحه ما سبناش حاجه في العربيه غير لما بصينا فيها المشكله بقا ان كنا بليل ةالعربيه ما كنتش مغسوله وكانت لسه بالشمع يعني مش نضيفه اوي وهيا دي الغلطه بقا المهم بعد ما استلمت ورخصت وبعدها بيوم روحت اغسل العربيه زي اي حد طبيعي
الاقي المفاجئه ان الزجاج الامامي كله خرابيش وتجريح بطريقه مش معقوله انا عارف ان دي غلطي اني استلمت العربيه مش نضيفه بس الصراحه الموضوع مضايقني اوي اوي الصراحه وكل ما اركب ابقي عايز اعيط حد يعرف ممكن اتصرف ازاي او اعمل ايه

**kamalsalem** · 03-09-2010 05:38 AM

والله يا باشا مش عارف اقولك ايه

انت مشتري من معرض ولا من التوكيل؟ اصل انا مشتري من معرض وقولتلهم استلمها نضيفة ووالله مستلمها فيها نقرة طوبة في الاكصدام الخلفي بس مش واضحة وانا والله قلت مش مشكلة اهي تاخد العين، ووالله الولد قاللي استنى بكرة اجيبلك غيرها وانا قلت الكمال لله وحده والحمد لله انه جت ف حتة فبر مش في حاجة في العربية نفسها

لو من التوكيل انا رأيي روح وريهالهم وارجو انك متكنش اتسرعت ورخصت ولو معرض حاول معاهم برضه بالذوق يمكن يرضوا يغيروها، ومتعملش مشكلة مع حد عشان انت ماضي على محضر استلام وقانوناً هم برائة

**modydosoki** · 03-09-2010 05:41 AM

المشكله انها اترخص وما ختش بالي خالص غير بعد الترخيص واشترتها من معرض معتمد من هيونداي الفكره والله ان لو خربوش واحد ولا اتنين كنت سكت وخلاص بس المشكله ان شكل الزجاج بعد ما اتغسل بقا وحش اوي حد عنده فكره اني لو روحت للتوكيل ممكن يكون ليه صرفه

**ashouhdy** · 03-09-2010 05:48 AM

للاسف حتغيروا ع حسابك ....

**kamalsalem** · 03-09-2010 05:51 AM

انا رأيي اعمل محاولة ولو مش كده امشي بيه شوية وغيره ف اول صيانة مثلاً

الله المستعان... بس هي كانت واقفة عندهم ولا ايه؟ اصل لو جاتلك متساقة كان اللي سايقها خد باله

**modydosoki** · 03-09-2010 05:54 AM

المشاركة الأصلية كتبت بواسطة kamalsalem

انا رأيي اعمل محاولة ولو مش كده امشي بيه شوية وغيره ف اول صيانة مثلاً

الله المستعان... بس هي كانت واقفة عندهم ولا ايه؟ اصل لو جاتلك متساقة كان اللي سايقها خد باله

لا جت متساقه بس طبعا الي كان سايق تبعهم يعني لو فيه اي حاجه اكيد طبعا مش حيقول انا لسه مش عامل غير 170 كيلو رائيك استني لحد الالف ولا اروح التوكيل ولا اعمل ايه يا جماعه ولا اسكت وارضي وخلاص ومع اني مش مسامح وحاسس اني اتظلمت

**ashouhdy** · 03-09-2010 05:58 AM

ياسيدى اعتبرها اخدت عين الزيرو خلاص متكبرش الموضوع اوى كدة انت بس لو مكنتش رخصت كنت رجعتها ورمتها فى المعرض لكن طالما رخصت خلاص كدة المعرض ميقدرش يخودها لأنها بقت عربية مستعملة وليها ملف

نصيحتى (أشترى دماغك) وانسى الموضوع

انا عندى اللى خربشلى الازاز مش المعرض .... لكن الفوطة الزفرة بتاعت البواب ! يالا ربنا يسامحة !

**modydosoki** · 03-09-2010 06:04 AM

المشاركة الأصلية كتبت بواسطة ashouhdy

ياسيدى اعتبرها اخدت عين الزيرو خلاص متكبرش الموضوع اوى كدة انت بس لو مكنتش رخصت كنت رجعتها ورمتها فى المعرض لكن طالما رخصت خلاص كدة المعرض ميقدرش يخودها لأنها بقت عربية مستعملة وليها ملف

نصيحتى (أشترى دماغك) وانسى الموضوع

انا عندى اللى خربشلى الازاز مش المعرض .... لكن الفوطة الزفرة بتاعت البواب ! يالا ربنا يسامحة !

عموما الحمد لله علي كل شيء وقدر الله ما شاء فعل بس الواحد بيزعل لما يحس انه اضحك عليه او ليه حق طب حد يعرف سعر الزجاج الامامي الاصلي بتاع الالنترا يعمل كام اوي في حدود كام

-

الموضوع: مشكله مش عارف اعمل ايه (سرقوا فرحتي بالالنترا)

LinkBack

أدوات الموضوع

عرض

-

-

-

-

المواضيع المتشابهه

مشكله و مش عارف اعمل ايه جبت فرنا زيرو و فوجئت انها رشه

فيه مشكله مجننانى جدا جدا ومش عارف اعمل ايه!!!!!!!!!!!!!!!!!!!!!

سرقوا غطاء العربية اعمل اية علشان مايتسرقش

مشكله ممله و مش عارف اعمل ايه ؟

نوروا القلعة ...يا فرحتي

الكلمات الدلالية لهذا الموضوع

المفضلات

المفضلات

ضوابط المشاركة