الموضوع: تويوتا تستكمل مسيرة التقليد بنجاح!!

^^^ هو بعيدا عن فيات و الشركات الغريبه دي D: ههههههههه

لالالا يا ابو حميد فيات مش شركه غريبه فيات مجموعه كبيره و مش اي كلام :)

there is the vr5 engine
audi had an l5 engine
MB had diesel l5
acura
GM
and these engines compromise between the 4/6 cylinders

"عمرك شفت عربيه 5 سلندر !!! هما اشهر 2 فورد فوكاس و همر اتش 3

مش عارف ليه حتي الرخامه بتاعت 5 سلندر !!!!

طيب كانوا نزلوهم 4 ولا طلعوهم 6 و كدا كدا جنرال موتورز عندها المواتير م 4 و 6


انما ليه بقي افتكاسات 5 سلندر دي الله اعلم !!!"

يا برو كلما زادت عدد الاسطوانات كلما قل وزن الاسطوانة الواحدة أعتقد ده منطقى.
طيب هنستفيد ايه؟
لما تقل وزن الاسطوانة يبقى التوازن بتاعها أفضل و سرعتها هتبقى أكبر مما سينعكس على سرعة المحرك ككل, و سرعته القصوى, و عشان كده مثلا الديزل سرعته أقل من البنزين لأن سيلندر الديزل أتقل, و عشان كده لما حجم المحرك بيكبر بنضطر نقسمه على عدد أكبر من السيلندرات عشان نحفظ توازنه. كلما زادت عدد السيلندرات كلما كان أفضل.

"الهمر الSUT وزنها 3 طن و الكروزر وزنها 2 طن
"
كلما زاد الوزن كلما كانت السيارة أكثر راحة و متانة بالطبع لكن أقل فى الأداء و الرشاقة, و لكن مادمت قادرا على تزويد السيارة بمحرك يستطيع تحمل الوزن فلا مانع من أى زيادة فى الوزن, دى سياسة شركة و فى النهاية الزبون عليه أن يختار بين راحة و استهلاك أعلى للوقود أو راحة أقل و استهلاك أقل فى الوقود و فى النهاية السيارات كلها عبارة عن اختيارات حاجة على حساب حاجة.

"معاك يااستاذ فادي ممكن تكون قلدتها لكن طلعت بنتيجه احسن
طب يا تري الامريكان ليه مش بيطوروا الهامر ؟؟؟
و لعلمك انا شفت ال fg علي الحقيقه و ركبتها في معرض ابو ظبي السنه اللي فاتت و مش لاقي فيها حاجه من h3 خالص"

أتفق معك يا أستاذ حازم انو الهامر تحتاج للتطوير بس أنا لم أقارن فى مقالتى بين قدرة الهامر و الكروزر, أنا كنت بسجل ملاحظتى فقط على التشابه فى الشكل و هو ما لا يليق بشركة يزعم البعض انها عملاقة. أما المقارنة فده موضوع أخر مقدرش أفتى فيه لأنى لا سقت ديه و لا سقت ديه.

و عموما توضيح للزملاء أنا بكتب لأنى بحب الكتابة لا أكثر و لا أقل, و أيضا لأنى بحب السيارات و أنا مش عارف ليه الناس معترضة و متبرمة بهذا الشكل, يعنى نخلى المنتدى مجرد استشارات فنية و أخبار عن العربيات الى نازلة و الى طالعة و خلاص؟! و لا نحاول نخليه مجلة سيارات متخصصة يحررها هواه ربما لكن ميزتها الحرية لأنها غير مقيدة بالاعلانات و ضغوط الصانعين؟!

ياااه فادي باشا ازيك يا رجل يا طيب إنت اختفيت فين بقالك مدة :)
على فكرة أنا جربت ال-FJ Cruiser في test drive و ما عاجبتنيش.... بس ده ما يمنعش انها أحسن من الهامر ١٠٠ مرة ;)
بالمناسبة ديه فين حساباتك بتاعة ال-GT-R ........أنا لسة ما نسيتش

"ياااه فادي باشا ازيك يا رجل يا طيب إنت اختفيت فين بقالك مدة
على فكرة أنا جربت ال-FJ Cruiser في test drive و ما عاجبتنيش.... بس ده ما يمنعش انها أحسن من الهامر ١٠٠ مرة
بالمناسبة ديه فين حساباتك بتاعة ال-GT-R ........أنا لسة ما نسيتش"

ربنا يخليك أنا تمام.
و الله أنا كتبت الموضوع ده بس عشان نرجع نتناقر أنا و أنت و برو زى زمان :)
بصراحة حسابات الجى تى أر أنا عندى طرق الحساب جاهزة بس اكتشفت انو فيه معلومات كتير ناقصة عن العربية لكن هكتب الموضوع عن كيفية حساب تسارع السيارة و هحاول أجمع معلومات أكتر عن السيارة بس اعذرنى لانشغالى.
المشكلة انى محتاج أعرف حاجات كتير عشان أحسب رقمها بدقة منها العزم عند كل سرعة و نسبة التخفيض.
و المتوفر عندى العزم الأقصى فقط و نسب علب التروس و الوزن و معامل الهواء.
يعنى هحاول أجمع معلومات أو أعمل الحسابات على سيارة افتراضية.

"والله يا فادي باشا انا بحب مواضيعك بحس انها بتنسف كل قواعد الفيزياء و الكيمياء عندي

بس بجد والله مستمتع بالحوار معاك "

و الله و أنا كمان يا باشا بستمتع بالحوار معاك و بحب مواضيعك أيضا و ردودك فيها جهد كبير و بصراحة أنت أكتر واحد بتتعبنى فى الرد.
و لن أنسى فضلك فى تعريفى ببعض مواقع السيارات الجيدة.:)

"طيب ما هو دا اللي بقول عليه !! الصحراء عاوزه عربيه خفيفه و سريعه
مش عاوزه عربيه تقيله و بطيئه !!"

لا يا أستاذ برو السيارة ال4*4 مطلوب منها الأتى :
- محرك قوى و عزم مرتفع لكى تستطيع تجاوز العوائق.
- متانة و عفشة خدمة شاقة لتحتمل وعورة الصحراء.
- متانة الهيكل مهمة جدا لأنها معرضة للحوادث و للانقلاب بشكل كبير.
- نقطة ثقل مرتفعة و خلوص كبير, لتجاوز العوائق.
- خزان وقود كبير لأن السيارة تستهلك فى الصحراء أضعاف ما تستهلكه على الطريق, و كذلك نظرا لعدم وجود أى محطات للتزود بالوقود فى الصحراء.
- طبعا فتيس غرز.
و على فكرة الغرز دى مسئولية السواق أولا و أخيرا و لأنك لازم تدخل على الرمال الناعمة بسرعة متوازنة (لو سرعة كبيرة تتقلب و لو سرعة بطيئة تغرز), و على نقلة متوازنة و تبقى واخد أعلى عزم للمحرك. الكلام ده عرفته من سواقين متخصصين فى السواقة فى الصحرا فى ليبيا.
أما السرعة فهى ليست مطلوبة و على فكرة أى سيارة صغيرة هى أسرع من أى سيارة 4*4. و أى سيارة سيدان هى أكثر ثباتا من أى سيارة 4*4.