صوت طرقعة في الهاند بريك

**kamalsalem** · 03-09-2010 12:31 PM

يا جماعة الهاند بريك في الكروز بيمسك وكل حاجة لدرجة ان الشارع عندي رمل شديت الهاند عالواقف وسحبت العربية زحفت

بس لما بشده جامد بسمع صوت طرقعة جامد وبيبان من بره العربية, تفتكروا السلك عايز يتشد في الصيانة ولا في حاجة اكبر من كده؟

**kamalsalem** · 03-09-2010 12:50 PM

على فكرة الصوت ده مش متكرر خالص وبيطلع بس لو نسيت وشديت الهاند بافترى

**zeznia** · 03-09-2010 03:05 PM

استاذ كمال
الف مبروك عالعربيه زكل سنه وانت طيب
طبعا انا اخر واحد في المنتدي الرائع بيهنيك اسف عالتقصير لانشغالي الشديد في الايام الماضيه
بس انا قريت كل مواضيعك الرائعه ومتابع كل حاجه
بالنسبه للهاند بريك انصحك انك ماتستخدموش خالص طول مالعربيه بتتحرك بس لما السياره تقف خالص انت بتحط الفتيس علي وضعيت الباركنج الفتيس نفسه بيعمل حاجه زي تعشيقه كده بتحجر العربيه يعني لو حاولت تزق العربيه وهي واقفه علي الpمش هاتتحرك
انا ليه واحد صحبي ماكنش بيستخدم الهاندبريك اصلا
ومبروك مره تانيه

**kamalsalem** · 03-09-2010 03:10 PM

اولاً الله يبارك فيك وان شاء الله مستني تقريرك انت كمان

وبعدين انا اعرف انه الفتيس الاوتوماتيك غلط يتساب ع ال p عشان كده اي خبطة تكسر الفتيس

هو الهاند بيمسك بس انا خايف من الطقة دي تكون حاجة محتاجة صيانة

**zeznia** · 03-09-2010 03:44 PM

انا مبسوط اوي بكتر مشركاتك
فاكرين لما كنا بنتحايل عالناس عشان تشارك والمواضيع اللي كنا بنعملها لمجرد المشاركه باي كلام
ماعلينا المهم انت كنت بتقلي ان الفرامل ورا زي قدام سكاكين مش طنابير والطنابير هي اللي بتعمل طقطقه بتبقي عاديه انما السكاكين مش بطقطق خالص وموضوع ان الفتيس يتكسر من وضعيت الباركنج معتقدش في الكلام ده المهم خليك حنين مع العربيه وانت بتشد الهاند بريك انس البولينيز شويه هههه
بالنسبه لتقريري هايتاجل شويه لاني القرار مش في ايدي لوحدي بس احنا متفقين انها هتكون كروز 2011 ان شاء الله وسودا
الا انت عملت ايه وانت بتستلم العربيه وبعد ماستلمت العربيه ايه الحاجات اللي اشترتهالها قبل ماتروح الاكسسوارات والخخخ

**kamalsalem** · 03-09-2010 05:01 PM

المشاركة الأصلية كتبت بواسطة zeznia

انا مبسوط اوي بكتر مشركاتك
فاكرين لما كنا بنتحايل عالناس عشان تشارك والمواضيع اللي كنا بنعملها لمجرد المشاركه باي كلام
ماعلينا المهم انت كنت بتقلي ان الفرامل ورا زي قدام سكاكين مش طنابير والطنابير هي اللي بتعمل طقطقه بتبقي عاديه انما السكاكين مش بطقطق خالص وموضوع ان الفتيس يتكسر من وضعيت الباركنج معتقدش في الكلام ده المهم خليك حنين مع العربيه وانت بتشد الهاند بريك انس البولينيز شويه هههه
بالنسبه لتقريري هايتاجل شويه لاني القرار مش في ايدي لوحدي بس احنا متفقين انها هتكون كروز 2011 ان شاء الله وسودا
الا انت عملت ايه وانت بتستلم العربيه وبعد ماستلمت العربيه ايه الحاجات اللي اشترتهالها قبل ماتروح الاكسسوارات والخخخ

يا باشا شيفروليه مش ماركة صغيرة... كوري امريكاني معمولة على سطح القمر مفيش عربية يتحط عليها اللوجو الذهبي ده من غير ما تكون متجربة... وفي الاخر كله made in china... والقسم ده انتوا بس لاحقوا عليا فيه مشاركات

انا فعلاً برزع الهاند كأني بفرمل حاملة طائرات... بالهداوة ان شاء الله

ومبروك عليك مقدماً الـ2011

ووانا بستلم خليتهم غسلوا العربية بالخرطوم فقط عشان بوليش الفبريكة وتممت على الحاجات اللي في الشنطة (الكوريك والاستبن ومفتاح العجل وجوز مفكات وطقم دواسات والطاسات طبعاً) وبعدين بصيت على البودي ولقيت النقرة اللي ورا (نقرة طوبة في الاكصدام) وقالولي نغيرها قلت يا رب بارك على كده والكمال لله وحده وسيبوها زي ما هي الحمد لله على كده

وبعدين انا الحمد لله كنت بس ناوي اشتري دواسات بس بييجوا معاها ف مشترتش اكسسوار خالص لسه... كل اللي عملته وليه بعمله اني باشتري حاجات العناية والمنظفات والمعطرات وخلافه.. ووصلة الaux عشان الipod

عايز كافر للطارة بس مش لاقي حاجة شكلها حلو، وان شاء الله اجيب كسوة للفرش لو لقيت حاجة شكلها مش تاكسي 504 وشوية شوية اخش بقى ف زينون وفوانيس رينجات وجنوط واجيب البازوكا والجي ام من البولونيز احطهم...

دانا والله لسه حتى ما جبت كتيب الضمان... ومش عارف ايه اللي يطلعها من الضمان عشان عايز الزينون والفوانيس الرينجات بسرعة والباقي قدام ان شاء الله

**mhmdalsaadany** · 04-09-2010 04:36 AM

كمال باشا
نصيحه اخويه بلاش شغل في كهرباء العربيه عشان زي ما انت عارف كلها متصله بالكمبيوتر وكمان عشان الضمان بتاع الكهرباء لإن ممكن اي غلطه صغيره يكون خسائرها فادحه وربنا يسترها معنا كلنا اصبر شويه حتى لما تشوف العربيه اغبرها ايه معاك متستعجلش