تحديد المقابله الثانيه لأعضاء نادى شيفروليه ( 2 ) ii

**Bassem Raafat** · 03-09-2010 03:49 PM

بعد نجاح المقابله الأولى لأعضاء نادى شيفروليه (( وتسليم الشماسات )) ..... وبعد مقترحات كثيره للأعضاء المشاركيين لتكرار تجربة المقابله .... وجدت أننا يجب أن نسعى لتكرار هذه المقابله .... ولذلك يجب البدء فى تحديد ميعاد ومكان المقابله الثانيه (( علشان الموضوع مـ ينامش

))

وفكرت فى أن يكون جدول الأعمال لهذة المقابله كالتالى :

1 - تعريف كل عضو بنفسه ووظيفته وطراز وموديل سيارته الشيفروليه.

2 - السماح لكل عضو بطرح إستفساراته بخصوص سيارته للأعضاء الآخريين وتبادل المعلومات الخاصه بالسيارة وصيانتها ومراكز الخدمه والإكسسوارات ............إلخ .

3 - الإتفاق على تحديد ميعاد ومكان المقابله التاليه .

4 - تصوير الحدث ونقله للمنتدى بكامل صورته .

(( على فكره جدول الأعمال ده من مقترحات الأستاذ محمد عرفه afrtow والأستاذ أيمن aymanmaly من المره السابقه .. مشكورين

))

جاءت على بالى فكره دلوقتى وأنا بكتب الموضوع ده

.... ليه المقابلات دي تكون خاصه بسيارات شيفروليه بس !! .... ممكن أعضاء نادى شيفروليه يكون ليهم نشاطات تانيه إجتماعيه ، مثل زياره جماعيه لمستشفى 57357 لعلاج سرطان الأطفال أو أى دور مسنين

أو أى مؤسسه إجتماعيه

... على العموم ده كلام سابق لأوانه ونبقى نحدده فى المقابله إن شاء الله .

على العموم أنا بقترح إن تكون المقابله القادمه يوم الجمعه الموافق 24/9/2010 ( شهر تقريباً من المقابله الأولى ) وإقترحت يوم الجمعه علشان يكون أغلب الأعضاء أجازه ( مع إنى شغال يوم الجمعه

) ونكون عدينا فترة دخول المدارس والكليات وتبقى الطرق هاديه .

والمكان أنا فكرت فى الربوه ( المكان المقترح فى المقابله الأولى ) وتقريباً أغلب الأعضاء إللى كانوا موجدين فى المقابله الأولى عرفوا مكان الربوه ، ومكان نقدر نقعد فيه .

مستنى الردود والإقتراحات ( للتأكيد

أو لتغيير الميعاد والمكان

) علشان نحدد المقابله القادمه ويكون أغلب الأعضاء على علم بها من بدرى

**fawzyyyy** · 03-09-2010 04:38 PM

كويس يا باسم باشا انك فتحت الموضوع ده بدري بدري.....عشان الناس متنساش و بردو عشان يبقي كل الاعضاء تعرف و تقدر تشارك في تحديد المعاد من بدري

بس انت منشن علي يوم جامد جدا ...... ليلة امتحان الباطنة .....انا كده حشارك معاكم في الموضوع عشان ينجح بس حبقي معاكم بقلبي

و بردو احب اقترح ان كل واحد يتفرج علي بقية عربيات الاعضاء و يشوف مثلا الاكسسوارات و الفرش ...و كده من خبرات الاعضاء ممكن نحدد احسن واحد مثلا بتاع فرش و احسن واحد بتاع سماعات ...و احسن واحد مضمون في قطع الغيار و هكذا......و دايما متجمعين و ناجحين ان شاء الله

**Bassem Raafat** · 03-09-2010 04:52 PM

لا يا دكتور لو الميعاد مش مناسبك يبقى كلنا مش موافقين عليه ..... بجد لو إنت مش ح تكون موجود ح تبقى المقابله ملهاش طعم ... وكفايه إنك مكملتش المقابله الأولى ..... يبقى نحاول نأجلها يوم أو أسبوع حتى ( يعنى السبت 25/9/2010 أو الجمعه 1/10/2010 ) ..... وبرضه نشوف رأى باقى الأعضاء ....

يا دكتور فوزى يا بلاش ..... واحد غيره مينفعناش

**fawzyyyy** · 03-09-2010 06:52 PM

المشاركة الأصلية كتبت بواسطة BassemRaafat

لا يا دكتور لو الميعاد مش مناسبك يبقى كلنا مش موافقين عليه ..... بجد لو إنت مش ح تكون موجود ح تبقى المقابله ملهاش طعم ... وكفايه إنك مكملتش المقابله الأولى ..... يبقى نحاول نأجلها يوم أو أسبوع حتى ( يعنى السبت 25/9/2010 أو الجمعه 1/10/2010 ) ..... وبرضه نشوف رأى باقى الأعضاء ....

يا دكتور فوزى يا بلاش ..... واحد غيره مينفعناش

حبيبي والله يا باسم باشا

انا رأيي نشوف الاعضاء كلهم يجتمعوا علي ايه و يا مسهل ان شاء الله...اصل مشكلتي الوقت ده كله مزنوق عندي امتحانات كل يومين لحد 14/10

.....و بصراحة انا مش عايز ااخرلكوا المقابلة ......

انا مش عايزكوا تشيلوا همي ...و حتي لو اخترتوا معاد فيه امتحانات عندي مفيش مشكلة.....بس علي شرط

حنزلكوا بعد المتحانات غصب

**kamalsalem** · 03-09-2010 06:53 PM

لأااااااااا انا مسافر يوم 27... يا جدعان نفسي اشوفكوا بقى

**Bassem Raafat** · 03-09-2010 07:39 PM

يا شباب أنا معنديش أى مشكله فى أى يوم وأى مكان ... أنا فاضى كل يوم بعد رمضان من الساعه 6 م وأى ميعاد كل الأعضاء تتفق عليه أنا معنديش مشكله فيه ..... وحتى لو كنت مش فاضى ح أفضى نفسى مخصوص ( دى مقابلة أعضاء نادى شيفروليه ، يعنى مش أى مناسبه عاديه ) ....

المهم نشوف مشاركات باقى الأعضاء ونحدد إن شاء الله ميعاد نهائى يناسبنا كلنا ..

**mhmdalsaadany** · 04-09-2010 03:25 AM

يا جماعه انا عايز اكون موجود بقى انا في مصر في شهر 9 من يوم7 لغايه يوم 21 وفي شهر 10 من يوم 5 لغايه يوم 19 لأني باسافر اسبوعين كل شهر
ارجو تحديد ميعاد مناسب لاني بجد عايز اتشرف بيكم
وطبعا دا مش اجبار لحد وحسب رأي باقي الاخوه الاعضاء ولكنها امنيه ارجو تحقيقها وشكرا

**aymanmaly** · 04-09-2010 05:40 AM

يا سلام اية الجمال دة
انا اقترح يوم الجمعة 15 /10 للاسباب التالية
نحتفل بالدكتور احمد فوزي شخصيا لانتهاء الامتحانات ( و طبعا العزومة علية)
الاستاذ mhmdalsaadany هايكون فى القاهرة
انا عارف ان الكل هايقول الميعاد بعيد بس اظن ان اخرنا الميعاد و كنا كلنا موجودين هايكون افضل
و لية ما نبلغش ادارة المنتدى لمشاركتنا اليوم يعنى مثلا الاستاذ كريم منير و المشرفين القائمين على القسم
وياريت الميعاد يكون فى النور علشان الصورة تطلع حلوة ( و هاتأكد ان الكامير مشحونة)
بس انا بالنسبالى اى ميعاد مناسب
وبالتوفيق فى تنظيم المقابلة

**kamalsalem** · 04-09-2010 05:47 AM

انا هعيط وارفص وابربر وكل حاجة... انا مسافر من 27 اللي جاي ل 27 اكتوبر

ينفع ابعت العربية بالنيابة عني؟

**mhmdalsaadany** · 04-09-2010 06:36 AM

مينفعش يا كمال باشا المقابله تكون من غيرك او من غير الكروز بتاعتك
بس احنا ان شاء الله نحاول نظبطها

والف شكر يا ايمن باشا علي وضعي في الحسبان ونتمنى نشوفك علي خير وفي احسن حال

الموضوع: تحديد المقابله الثانيه لأعضاء نادى شيفروليه ( 2 ) ii

LinkBack

أدوات الموضوع

عرض

تحديد المقابله الثانيه لأعضاء نادى شيفروليه ( 2 ) ii - انشر الموضوع فى :

-

-

-

-

-

-

-

-

المواضيع المتشابهه

انت العضو رقم كام فى نادى شيفروليه ؟؟؟

تقرير المقابله الثانيه لقسم ميتسوبيشي (دار المركبات) 20 - 5 - 2011

.. تحديد ميعاد لمقابلة فرسان شيفروليه الخامسه ..

.. المقابله الثانيه لأعضاء قسم شيفروليه ..

تحديد معاد المقابله

الكلمات الدلالية لهذا الموضوع

المفضلات

المفضلات

ضوابط المشاركة