الموضوع: الكشف على السيارات في المحطات

نصيحححححححححححححححه اخ اوعى تروح المحطه اللى على ناصيه شارع مصدق فى الدقى ولو روحت مضطر اوعى تخلى حد هناك يلمس سلك فى العربية او يربطلك مسمار هايخربوهلك وهما بيكشفوا عليها
ثانيا الكشف عندهم موتور وشاسية وعفشة ب 60 او 70 جنيه وبيطلعلك تقرير فى الاخر بس جهاز الكومبيوتر اللى بيكشف بيه على الماتور هو شخصيا حالتة 40% :) دة غير ان اى موتور هاتكشف علية هناك هايديلك 60% النتيجه الثابته الجهاز مابيطلعش غيرها عربيه قديمة عربية جديدة هى كدة على طول
اللى شغالين هناك ميكانيكى اسمة رمضان وكهربائى اسمة عبد الاتنين ولا يفهموا ببصله بعد ما خربوا العربية وبطلت منهم وحرقوا الاوتوماتيك بتاع المارش وفضل عبدة يحارب فية علشان يشغل اى كهرباء فى العربية ويادوب دورها قالى امشى بيها كدة وروح بيها لاى كهربائى بقولة امال انت اية ياعم قالى انا كهربائى من كام شهر بس يعنى امشى العربية على ما تفرج يا بية وضحك يعنى معترفين انهم ولامؤاخذة بهايم ..
المهم انا اشيف ان الكشف بالكومبيوتر لازم يا ام يكون فى مكان محترم فية اجهزة حديثة يا اما يكون عند مكانيكى محترف يعرف حالة الموتور صح مايلبسكش فى حيطة
بالمناسبة برضة اوعى تظبط زوايا واتزان فى نفس المحطة هايعوجولك الجنوط وربنا يستر