الموضوع: العربية على السرعة العالية

شوف يا سيدى

الرجة غالبا سببها احتياج للترصيص

معنى ان الدخان الأبيض وصل لدرجة انه بيتشاف من المراية ان الموتور خفيف للغاية ومحتاج عمرة، الدخان لما يكون لسة مش كتير عمرك ما تشوفه من مراية الصالون

العربية بتطلع فى الروح بعد ال 120 علشان الموتور خفيف

ريحة الشياط إما تكون من العادم او من الدبرياج وفى الحقيقة لازم اشمها علشان اقدر اقو لك دى ريحة دبرياج وللا ريحة عادم، بس هى عموما ريحة الدبرياج تشبه الى حد ما ريحة البامية المحروقة، لكن ريحة احتراق الزيت بتكون زى ريحة كاوتش عربيات بيتحرق

اختبار الدبرياج سهل وبسيط، حاول تطلع بالعربية من السكون على الرابع كأنك بتطلع على الأول، لو طلعت معاك يبقى ببساطة الدبرياج عمره خلص، لو بطلت منك يبقى الدبرياج سليم

برضه تقدر تعرف الدبرياج لو لقيت تفاوت بين قراءات ال Rpm لنفس سرعة السيارة لنفس النقلة بين التسارع والتباطوء (يعنى مثلا لو الموتور قارى 3600 Rpm قصاد 120 على الخامس وانت بتشد، وقارى 3200 على ال 120 على الخامس وانت بتهدى ، يبقى كدة الدبرياج بايظ، لو القراءة ثابتة لنفس السرعة لنفس النقلة سواء مع التسارع او التباطؤ يبقى الدبرياج سليم)

كون الدبرياج بايظ او لا لا ينفى ان الموتور خفيف ولذلك اقترح عليكك تبدأ بالكشف على الموتور الأول

شكرا لتحليلك ووقتك سبعاوى باشا شرف لية انك ترد عليا .
موضوع الدبرياج انا احترت فية بس انا هقولك قراية ال rpm
20 على الاول = 2.5 rpm
40 على التانى = 2.5 rpm
60 على التالت = 2.5 rpm
80 على الرابع = 2.5 rpm
100 على الخامس = 3 rpm
جربت موضوع الهاند واطلع على الرابع . لو اكنى بطلع زى الاول العربية ببطل على طول
انما لو وزينت بين الدبرياج و البنزين علشان مطبلتش العربية بتتطلع فى الاخر مع طبعا رجة جامدة .

موضوع الموتور دة مش عارف انا ممكن اعمل اية الصراحة ..
موضوع الدخان الابيض دة مش بيظهر على طول او ممكن اشوفة فى المرايا .
دة بيظهر لما اقرص شوية على الغيار . ومش ديما بيظهر يعنى مش طول ما هى ماشية بلاقية
والعربية واقفه واحاول اذود بنزين مش بلاقى دخان خالص .
ملحوظة .
زيت الموتور بينقص كتير . يعنى انا زودته حوالى 1 كيلو فى 600 ك
بحس ان ريحة العادم نى يعنى مش محروق كويس .
فى هباب كتير على فتحة الشكمان من جوة .

طيب لو حبيت اكشف على الموتور هيبقى فين
يعنى اقيس الكبس بتاعة فى بنزينة . ولا اشوف ميكانيكى ولا اروح مركز خدمة وربنا معاية ..
بعدين لو الموتور طلع خفيف دة لسة 100.000 ك كدة مش قليل ؟؟
بعدين لو الماتور خفيف مش المفروض انى مش ببسهولة ممكن اجيب 100 ك على العداد
انا بجيب 100 على خامس مرتاح من غير قرص على الغيار
وشكرا

اضافة تانية
الريحة الى انا بشمها عند السرعه العالية ريحة ريحة كاوتش عربيات بيتحرق زى ما حضرتك قولت .
وشكرا

هو كدة انا هستبعد الدبرياج مؤقتا ، واللى يؤكد لنا اكتر ان الدبرياج سليم هو انك حاول تلاحظ 100 على الخامس، دايما 3000 وللا لو انت قارص على العربية شوية ممكن تبقى 3200 مثل، لو القراية دائما ثابتة يبقى خرج الدبرياج من الحساب

كيلو زيت فى 600 كيلومتر كتير بالهبل وده يؤكد ان موتورك خفيف، وبعدين عادى ممكن توصل ل 120 و 140 بموتور خفيف

المهم لو انت عندك ميكانيكى ثقة خليه يبصلك على الموتور ، لو معندكش يبقى اكشف كبس فى محطة

حكاية ان الموتور عامل 100 بس، ممكن يفوت مع شدة القرص ، وممكن يكون فيه شنبر واحد مكسور هو اللى عامل الهيصة دى كلها

عموما عمرة الأكسنت مش غالية وقطع غيارها ببلاش تقريبا، يعنى لو شنبر بس هتكلفك شوية مئات ولو عمرة كاملة هتكون فى حدود 1600-1700

شكرا مرة تانية سبعاوى بك وجارى قياس الكبس لانى لا اعلم ميكانيكى كويس وهقلك النتيجة اول ما اشوف موضوع الكبس دة .
شكرا ليك اخى الكريم

شكرا سبعاوى على الردود الجامدة وربنا يصلحلك الحال يا مودى وتطلع حاجة بسيطة ان شاء الله