الموضوع: عريس محتار

المشاركة الأصلية كتبت بواسطة miss_pharma

هقولك على حاجة .. ممكن تكون الجملة دي استفزاز للولاد لانهم مش حاسين بيها .. زي بالظبط لما الولد ميروحش الشغل او يأجل مواعيد مهمة عشان يتفرج على الماتش .. دي بتكون حاجة استفزازية جدا وتفقع اي بنت
اختلاف اهتمامات ووارد يعني وطبيعي ..
المشكلة في الاهل .. هما عايزين يجيبولي .. اقولهم لا يعني ؟؟
اشتري حاجة يقولولي خدي اتنين ..
اشتري اتنين ماما تقولي هاتي من كل لون واحدة ..
بنتهم وعايزين يفرحوا بيها .. اوك محدش يقول للدلع لا ..

بالنسبة بقى للعريس .. ماديات الجواز بالنسباله تكمن في كذا حاجة :
الشقة
نص العفش
الشبكة
الفرح وشهر العسل
شقته موجودة الحمد لله ووالده كان مساعده فيها.. عفش مفيش عفش لاني مش هفرش شقة عشان كده كده مسافرين ومش قاعدين فيها ومفيش داعي احمله مصاريف وهم دلوقتي ..وكويس اني قدرت اقنع اهلي بالنقطة دي ..لكن بصراحة الشبكة مقدرش ابدا اتنازل عنها ( انا صريحة محدش يزعل ) دي هدية اي بنت بتستناها طول عمرها ومعناها اكبر بكتير من انه قيمة مادية ..
الفرح ممكن اتنازل عنه بمعنى مش لازم حاجة اوفر اوي ..اي مكان فيه كوشة واغاني والناس اللي بنحبهم يكونوا حوالينا ويفرحوا معانا ..
مش لازم بقى اوتيل ايه والنجف ايه والسجاد والبوفيه وسعد الصغير .. ( مع اني كنت مهتمة جدا بكل ده .. بس الحب بيصنع المعجزات بقى :) )
المهم البس فستان ابيض وارقص :10d5c8w1107: واتصور عشان اقول لعيالي ماما اهي وهي عروسة :ob_mak1[1]:

فيه ايه بقى احلى من كده .. ده ايه الطيبة والحنية دي .. احنا كده راضيين ومحدش مفتري ولا ظالم التاني .. :ob_mak1[1]:

علي فكرة انا مش بتكلم عليكي يادكتورة بصفة شخصية انا بتكلم عامة لانها مشكلة عامة.

انا معاكي طبعا ان حقك او من حق اي بنت تفرحي وتعملي كل حاجة اي بنت بتحلم بيها بس الظروف بتحكم ظروف العريس المادية ( لسة شاب وبيبدء حياته ومادياته علي اده ) وفي نفس الوقت ده ربنا رزقه ببنت بتحبه وعايزة تكمل معاه ( وباكد عالنقطة ده ) لان لو مش حباه هتقوله الوداع لو لاقت ظروفه كدة ) لان للاسف البنات عندهم ثقافة مادام مش انا اللي عيزاه ( جوازات صالونات ) يبقي الاولي اني اخد واحد مرتاح ماديا وجاهز للجواز . انما لو انا اللي مختراه يبقي اتحمل ظروفه. تقدري تقولي تعوض حاجة مكان حاجة. عدم الاختيار تختار ادامها ظروف مادية كويسة والعكس.

وعلي فكرة مفيييييييييييييش عريس فالدنيا عايز يبان ادام عروسته واهله ان شاللله حتي في بداية الجواز انه مقصر في حاجة وبيبقي عايز يجيبلها كل حاجة عشان منظره يبقي تمام ادام اهل خطيبته. وممكن يروح يستلف ويتداين من غير ماحد يعرف عشان يلبي طلبات خطيبته واهلها عشان ميحسوش بتقصير.,

وارجع اقول تاني وتالت لاهالي البنات خففو الضغط شوية عالعرسان لانه سلف ودين ولو عصرت عريس بنت النهاردة لو عندك ابن هيتعصر بكرة لما ييجي يتجوز. ولاحظ ان لما بييجو يجوزو بنتهم بيطلبو اغلي واعلي حاجات لبنتهم من العريس ولما ييجو يجوزو ابنهم يعدو يفاصلو ويقفو علي حاجات بسيطة . فنعامل الناس زي مانحب اننا نتعامل.

بالنسبة لعريسك انتي بتقولي ان شقته موجودة لان باباه مجهزهاله ( طب واللي معندوش شقة يعمل ايه ؟؟؟؟؟؟؟؟؟ ) وعلي فكرة كون ان عنده شقة تمليك ده المفروض انها تخفف من حدة الطلبات اللي عليه شوية لانها ملك مش ايجار كانه دفع كاش مقسطش يبقي يتعامل بامتياز عن اللي لسة هياجر.

ونصيحة بخصوص الشقة اللي مش هتفرشوها عشان هتسافرو ومش هتقعدو فيها. حاول باقل اقل التكاليف تفرشوها لانها هتنجدكو لما ترجعو من السفر ان شاء الله وتعدو فيها وتلاقو مكان ترتاحو فيه بدل ماتاجرو شقة مفروشة او تعدو عند حد من الاهل وهتكونو مش مرتاحين.

والف مبروك مقدما وربنا يتمم بخير ومتنسيش تعزيمنا عالفرح ونعملك زفة عربيات توقف مرور مصر كله من زحمتها ( مااحنا منتدي سيارات بقي وكدة).