اقتباس المشاركة الأصلية كتبت بواسطة Miss_Pharma مشاهدة المشاركة
احرجتني على فكرة ..
العفو يادكتورة والله مش قصدي احراج ولا حاجة. بس قولت نتناقش مناقشة بناءة يمكن نكون سبب لحل المشكلة ( تاخر جواز الشباب وعنوسة البنات ) لان الاعضاء هنا عبارة عن شباب وبنات يعني طرفي المشكلة . والطرف التالت المغيب اللي هو الاهل ممكن الضغط عليه بس اهم حاجة اقتناع الطرفين الاساسيين.

ده حاجة تاني حاجة بقي انتي كمان يادكتورة استفزتيني جدا بالحاجات اللي بترهقو ده ( بيجامات وعبايات وشورتات وميكياجات ومااااااااااااااااااااااا ااادراك مالمكياج ده اكتر حاجة فقعتني بصراحة ) امال الغلبان اللي لسة وراه حوارات وجولات وصولات مع الطلبات والتجهيزات. ده علي مايتجوز هيكون اتجنن وممكن يتسجن لو فكر يتداين عشان يلبي طلبات عروسته واهلها.

موقف صغير كدة يدل علي شهامة بنت مصر. واحد صاحبي كان مرتبط ببنت من ايام الجامعة واتقدملها بعد الجامعة وكدة. اهل البنت عصروووووووووووووووه طلبات والواد عمال يحاول يجمع من هنا ويحوش من هنا ويستلف من هنا وبرده الدنيا واسعة اوي عليهواهل العروسة عارفين ظروفه وضاغطين عليه. راح قال لابو العروسة كلمة ( حضرتك عايز تجوزني بنتك ولا بتعجزني عشان ازهق واخلع وووووووووووووووش كدة )* قاله عايزينك بس عايزين نامن مستقبل بنتنا. رد عليه منا ممكن اجيبلها كل حاجة واهينها واطلع عينها في بيتي ( واحتمال تكونو انتو السبب ) وبعدين هو انا اللي جايلكو بمزاجي ولا جاي غصب عني.

بيقولي من نرفزتي كنت هقوله ياعم انا ماشي مع بنتك بقالنا 7 سنين وانتا هنا نايم في مية البطيخ بس مسكت نفسي. المهم البنت تدخلت وباباهم يعصر من ناحية والبنت نخفف وتقول مش عايزة كذا ومش عايزة كذا وكذا غالي اوي كفاية كذا ابوها قالها انتي شايفة انك تستاهلي كدة قالتله انا مش هحط نفسي ادام شوية عفش ودهب كفاية انه متمسك بيا. الواد سمع كلامها كان طاير بيها وقالها كل اللي عيزاه هجبهولك اول مااقدر بس تكوني معايا واتجوزو بقالهم سنة والدنيا عدت وعيشيتهم ارتاحت وجايبلها عربية عشان متتبهدلش فالمواصلات ( وبيقولها متخليش باباكي يركبها ( لسة شايل منه باين كدة).

اتعلمو يابنااااااااااااااااااااا اااااااااات من هذه البنت المصرية الاصيلة اللي تقف جنب خطيبها عشان يكملو مع بعض . مش اهلها يعصرو وهي تقفش تصقف وتشجع