مشكله ومش عارف لها حل

**ahsara** · 12-09-2010 02:30 AM

ممكن تتأكد ان التوكيل لما لغى ترموستات الكوع لغى كمان الراجع بتاع المياه السحنه فى الماتور . لانهم لو ملغوش الراجع المياه السخنه هتفضل ثايته فى الماتور وبالتالى الماتوره مش هيبرد أبدا.

إتأكد و إنشاء الله 90% هتلاقى السبب كده و هتدعيلى
بس خد بالك الإلغاء لازم يكون بواسطه طبه خشب مش قطعه شنبر عربيه

**geco** · 15-09-2010 03:33 PM

الثرموستات اللى فى الكوع ملغيه من سنتين والعربيه كانت زى الفل المشكله ظهرت عندى من اسبوعين بس وبحط ميه خضرا
فى واحد قالى يمكن التاكيهات محمله شويه علشان كده العربيه بتسخن
واتنين تانين ميكانيكيه فتحو غطا الريداتير والعربيه سخنه بالراحه فالميا بقت تدلق بشويش برة الريداتير فقالو ان العربيه جابت جوان وش السلندر فمش عارف الكلام ده صح ولا غلط وقالو انهم هايعملوة ويكلف 300 جنيه

**Adham** · 15-09-2010 04:59 PM

العربية لو جايبة جوان المياة تبقلل من الردياتير و العربية باردة الصبح مش و هي سخنة

يعني الصبح قبل ماتدور افتح غطاء الردياتير و بعدين دور السيارة واقف امام الردياتير و شوف هل فية ضغط طالع من الردياتير يعني بتبقلل زي الشيشة و لما تشد شلك الاكساتير هل المياة بتعمل دوامة و تتشفط لتحت و للا بتبقلل زيادة و تنطر برة الردياتير

**geco** · 17-09-2010 05:27 PM

المشاركة الأصلية كتبت بواسطة adham

العربية لو جايبة جوان المياة تبقلل من الردياتير و العربية باردة الصبح مش و هي سخنة

يعني الصبح قبل ماتدور افتح غطاء الردياتير و بعدين دور السيارة واقف امام الردياتير و شوف هل فية ضغط طالع من الردياتير يعني بتبقلل زي الشيشة و لما تشد شلك الاكساتير هل المياة بتعمل دوامة و تتشفط لتحت و للا بتبقلل زيادة و تنطر برة الردياتير

فتحت غطا الريداتير والعربيه بارده ودورت العربيه محصلش حاجه وزودت بنزين برضه
اما لما العربيه بتكون سخنه الميكانيكى فتح الغطا بشويش لقى الميه بتفور شويه لكن مش بتنطر لفوق ولا فيى زيت فى الميه ولا الزيت اللى فى الموتور مخلوط بميه لكن فى ميكانيكيه بيقولو دا جوان برضه علشان فوران الميه وناس بيقولو العكس
انا عاوز اعرف هو المروحه ليها معدل كام دقيقه وتفصل وهل الريداتير النحاس 3 ماسورة وحش وهو اللى عامل المشكله دى
شكرا

**Adham** · 17-09-2010 05:31 PM

السؤال اللي يتسأل للميكانيكي اللي فتح غطاء الردياتير و العربية سخنة و قاللك وش سلندر و تتكلف 300 جنية: علل ؟؟
ههههههههه

اي عربية لو فتحت غطاء الردياتير و هي سخنة لازم تفور مياة منها لان ضغط المياة بيبقى عالي في دائرة التبريد و دة يبان بالضغط على خراطيم المياة

انا رأيي انك تركب في العربية الردياتير الاصلي سواء كان اتنين ماسورة او تلاتة ونحاس وللا الومنيوم

**geco** · 19-09-2010 06:12 PM

الاصلى كان الومنيوم 2 ماسورة بس باظ بسرعه بقى مملح رغم انى كنت بحط ميه خضرا
انا عملت حاجات كتير وروحت لاكتر من 15 ميكانيكى وكهربائى وبتاع الريداتير والتوكيل محدش عارف يحلها انا مش عارف هو فى ايه

**abokoko** · 25-09-2010 04:35 PM

حضرتك غيرت الرداتير وتلقاك دخلت فى 500 جنيه مثلا

فليه ما ظبطتش التاكيهات ومش هتكلفك الا 50 جنيه تقريبا ومش هتخسر
بل بالعكس هتظبط حراره وصوت الموتور

حاجه تانيه الممضروب كتير فوق ما تتخيل ممكن يكون الترموستات اللى جبتها مضروبه
وممكن تغيرها اكتر من 3 او 4 مرات لحد ما تلاقى ترموستات كويسه
وما تتغشش باللى مكتوب على قطعه الغيار
ربنا يرحمنا من الغشاشين

**geco** · 27-09-2010 09:02 PM

التاكيهات طلعت مظبوطه
اما بالنسبه للثرموستات جربتها فى التوكيل على عربيه تانيه كانت شغاله كويس فبتهيألى ان المشكله فى العربيه
انا لغايه دلوقتى دايخ ومش عارف لها حل
فى ناس قالو ان المشكله فى دوره الميه فى العربيه بس مش لاقى حد بيفهم فيها من غير ما يفتى

**Adham** · 29-09-2010 11:17 PM

اي هيه دورة المياة في العربية ؟؟؟

هي الردياتير و المواسير و الخراطيم

انا رأيي انك تشيل الردياتير النحاس و تجيب الردياتير الاصلي الاتنين ماسورة الالومنيوم

بس الاول اتأكد ان مافيش سدد في علب الشكمان بتاعه العربية