التو ولا لادا

**recentdesign** · 11-03-2008 09:55 AM

ياريت حد يفيدنا نجيب التو ولا لادا
التو 800 سى سى سعرها 42000
لادا 1600سى سى سعرها 43000
هل الألتو ممكن تستحمل زى اللادا؟

.....................................
تم النقل إلى القسم المختص
الإدارة - 3

**midoelnido** · 11-03-2008 11:27 AM

لو بتقارن بين الاتنين :
الالتو 800 cc - قطع غيار غالية وغير متوفرة بالكامل فى الاسكندرية - عربية ناعمة - جريها مش وحش - استهلاكها فى البنزين رائع - صغيرة الحجم وضيقة - شنطة صغيرة - شكلها الخارجى لذيذ
اللادا 1600 cc - قطع غبار فى كل مكان بارخص الاسعار - عربية خشنة بس مش وحشة - جريها ممتاز وبتشد حلو مع العربيات الجديدة - استهلاكها فى البنزين مقبول - شنطة كبيرة - كبيرة الحجم وصاج يستحمل و واسعة - شكلها الخارجى على اده

**midoelnido** · 11-03-2008 11:28 AM

بس فى الاخر اختار العربية اللى تناسب احتياجاتك

**midoelnido** · 11-03-2008 11:29 AM

أه نسيت اقولك ان اللادا جر خلفى - تقفيل مصرى
و الالتو جر امامى تقفيل هندى

**mone_eg** · 11-03-2008 11:51 AM

ياريت يا جماعة حد يكون جرب الالتو وساقها وكذلك الادا ويقول لنا من واقع الخبرة العملية وليس فقط عن طريق السمع

ياريت ياجماعه فعلا حد يقولنا ويفيدنا

**thegoodhacker** · 11-03-2008 03:55 PM

المشاركة الأصلية كتبت بواسطة midoelnido

أه نسيت اقولك ان اللادا جر خلفى - تقفيل مصرى

وفيه كمان لادا روسي بس سعرها بيزيد شوية

**hwatemy** · 15-03-2008 09:43 PM

السلام عليكم
انا كان عندى لادا موديل 2003 (1500 سى سى مصرى)بعتها و خد اللانوس بتاعة اخويا موديل 1999
بصراحة اللادا تشوط اللانوس بمليون مرة
فا ما بالك لو جبتها روسى
و نصيحتى انك تجيبها روسى لان مشاكل المصرى مبتخلصش
انا لما جبتها كان فيها مشاكل كتير جدا عشان كانت مصرى دا غير انها سقطت فحص لما جيت ارخصها
بس الروسى مفيهوش الكلام ده - عربية نضيفة فعلا و حمالة قسية لاقصى حد و بـ 48000
و ممكن جدا تدفع الفرق ده لو جبتها مصرى فا هتها روسى من الاول عشان متتعبش نفسك
و فعلا زعلان جدا انى بعتها لان معايا عربية ابطأ بكتير
انم بالنسبة للألتو معنديش ادنى فكرة عنها اكتر من انها 800 سى سى و لو انت عايز تجرى مش هتعرف خالص ده غير ان موتورها ميتحملش مع الوقت.
انا من محبى الشد جدا و فى مرة لقيت بالصدفة عربيتين لانوس 2 بيشدوا مع بعض على مطلع فا انا جريت وراهم و لقيت نفسى برعشلهم عشان اعديهم و فعلا وسعولى و عديت منهم ببساطة
موتورها بسم الله ما شاء الله - قوى و فايق اوى - بس ممتعافاش اوى عليها عشان هى ملهاش ليميت Limit لكل سرعة زى اللانوس مثلا عشان الموتور ميتحرقش او يفوت بس ممكن تحرق لغاية 5500 او 6000 RPM كمان بس متزودش عن كده.

انا كان اخر حاجة اشد معاها لانوس او لادا قديمة شوية تسعينيات مثلا لانهم بالنسبة للادا دى ولا حاجة
انما شديت مع كورولا 1300 موديل 2002
و جبت 170 كم/ س مع شيفورليه كابريس (علما بأن اقصى سرعة 150 حسب ما مكتوب فى الكتالوج) يعنى ممكن تقفل عدادها
ملحوظة: و انا على 170 العربية مكانتش بترمش حتى, ولا بتتهز والدركسيون ثابت كأنى ماشى على 80
بس لازم و انت جايب السرعة دى - لو جبتها يعنى - تكون مطمن انك مش هتحتاج تقف بسرعة لان عيب اللادا ان فراملها مش زى اللانوس مثلا انما اقل شوية, بس مش بطالة طبعا

الشد ده كله مواتير ماليش دعوة بغرز و كده
الغرز موضوع تانى معتمد على السواق طبعا

و بالنسبة للغرز انا شديت مرة مع لادا موديل 1999 تقريبا بس 1600, مجبتش معايا حاجة لا مواتير ولا غرز
حتى اللى كان سايقها قاللى انت كنت بتاخد بيها غرز لو انا حاولت اخدها هتقلب فورا
بس ملحوظة لان عربيتى كنت متعود اركب فيها ناس كتير فا مع الوقت ارتفاعها عن الارض قل بتاع 8 سم تقريبا و ده فادنى اوى فى ثباتها زوده اكتر ما هو كويس جدا
و بجد كنت باخد بيها ملفات 90 درجة واسعة شويه على 90 او 100 مستريح
العربية قعدت معايا من 2003 ل 2007 و صرفت عليها بس عشان كانت مصرى و كام حادثة صغيرة فى الصاج كده

و بجد بعت العربية و المشترى كان بيشكر فيها و هو واخدها امنى
اللى اقصده رغم الشد و الحرق الا انها متهلكتش
انما السوزوكى عموما مش حمال اسية زى اللادا
مهما تهين في اللادا هتديك

صلى استخارة و توكل على الله و هات اللادا
مش هتندم ان شاء الله