شوفولى حل فى النخعة دى فياتاوية -لان بلدنا .مافيهاش ميكانيكية.

**i_Am_Legend** · 04-09-2010 12:32 AM

ابقى ماشى بالعربية على الاول او 2 مثلا-ودايس بنزين او حارق مثلا الغيار-لو شلت رجلى مرة واحدة الاقى نخعة غبية تحس ان الموتور راكب من غير قواعد-لو جيت ادوس تانى الاقى نفس النخعة -مافيش ولا ميكانيكى لقى حل- خالص -بيقولو القواعد سليمة -وقاعدة الفتيس كمان سليمة انا هاتجنن خلاص.العربية على فى الجرى ما تحسش بالكالام دة -بتبان فى البطئ بس والاشارات -وبتبقى
بايخة قوى فى الغيار الاولانى .انا ركبت سوبر فيورا وكان فيها نفس القصة واقوى 5 مرات من عندى بس بردة صاحبها متعقد ومش عارف من ايه.

**memononos** · 04-09-2010 03:23 AM

كانت عندى فى 128 قمت غيرت الشداد والقواعد كلها قامت راحت بنسبه 60% وبعدين رحت اضبط شويه حاجات فى الفتيس عند ميكانيكى تانى قام قالى ايه ده الشداد ده عاوز يتعدل قام اعد يدق عليه لحد خلى العربيه رجعت تانى زى الاول حاجه زفت خالص
بص غير الشداد وشيك على القواعد وشوف النتيجه

**i_Am_Legend** · 04-09-2010 03:33 AM

ال127 مافيهاش شداد اصلا- قعدتين فى الجناب بس -زى الفيورا.

**yoko** · 04-09-2010 03:37 AM

يعني مش دي العادي بتاع الكربيراتير لإنه عندي برده

**ayman2** · 04-09-2010 12:58 PM

اكشف على وش الاسبراتير او البوبينه وتاكد انهم تمام قبل اى شىء لان دى مشكله فى كهرباء السياره تؤدى الى اندفاع السياره بشده نتيجه حرق مفاجىء وبالتالى الموتور يهتز بشده داخل الحوض على القواعد وان شاء الله فى ميكانيكى كويس فى عين شمس ناحيه احمد عرابى وانا بتعامل معه منذ زمن

**semsem_uno** · 04-09-2010 01:03 PM

المشاركة الأصلية كتبت بواسطة ayman2

اكشف على وش الاسبراتير او البوبينه وتاكد انهم تمام قبل اى شىء لان دى مشكله فى كهرباء السياره تؤدى الى اندفاع السياره بشده نتيجه حرق مفاجىء وبالتالى الموتور يهتز بشده داخل الحوض على القواعد وان شاء الله فى ميكانيكى كويس فى عين شمس ناحيه احمد عرابى وانا بتعامل معه منذ زمن

انا في الأونو عندي كله الكتروني و مش عندي ابلاتين و كوندنسر ولا حاجة من الكلام ده عندي مشط كهرباء و القواعد بتاعت الموتور جديدة و تمام و البوبينة جديد و الوش بتاع الأسبراتير جديد و كله جديد في جديد اصلي و الكهرباء مظبوطة و الكربراتير كمان مظبوط

ده في الفيات القديم كله و يعتمد علي طريقة القيادة
في الأكسيل بتاعتنا مع انها برده كربراتير بس مش بتعمل ال (نخعة) ديه اوي كده
في الأول و التاني خفيفة اوي و في التالت و الرابع مفيش اصلا يعني لو شلت رجلك من البنزين متحسش انك شلت

**MohssenRashed** · 04-09-2010 01:30 PM

انا عندي نفس الموضوع ده في الاكسنت نفسي اعرف لية بضو؟ وعلى فكرة ماكنتش كدة و سواقتي متغيرتش

**zenger** · 05-09-2010 04:16 AM

يا جماعة بعد ازنكو دى حاجة طبيعية بس انا هريح العضو المحترم اللى بيسال مع احترامى لكل الاعضاء اللى شاركت بس الحكاية اولا انك بتفاجئ الموتور بسرعة تانى على غيار مش متكافى يعنى مكونش بحرق على التانى و اجى ادوس دبرياج و اقوم شايل و دايس بنزين تانى
الموتور طبيعى تركب التالت لكن انت كملت على التانى فسرعة مش بتاعته يا اما كنت تقرص من الاول على التانى و تكمل عليه يا اما كنت تغير التالت و تريح العربية
ممكن تكون فى سنة كهربا زيادة ولا حاجة هى اللى تكون عاملة كده اما لو بتحس ان العربية بتنط مرة واحدة كده بيبقى الكربراتير عاوز يتنضف بس مع البوجيهات لو سليمة نضفها و لو محروقة تتغير و تكشف بالمرة على الابلاتين و الكوندنسر
لكن لو قواعد ماتور لا قدر الله هتلاقى الموتور بيسقف اصلا منك و هتلاقى ترزيع جامد مش خبط حتى
و لو حد عنده حاجة تانية انا معرفهاش ياريت يقولهالنا و ميبخلش علينا بيها و ربنا يوفقك ان شاء الله

**i_Am_Legend** · 05-09-2010 05:01 AM

اخر ميكانيكى قال -الاكس اليمين بالكوبلن اكس كامل عايز يتغير.

-

الموضوع: شوفولى حل فى النخعة دى فياتاوية -لان بلدنا .مافيهاش ميكانيكية.

LinkBack

أدوات الموضوع

عرض

شوفولى حل فى النخعة دى فياتاوية -لان بلدنا .مافيهاش ميكانيكية. - انشر الموضوع فى :

-

-

-

-

-

المواضيع المتشابهه

مشورة يا فياتاوية

انا بعتكوا يا فياتاوية!!

شوفولى حل ياجماعه

النترا..سيفيك...لانسر..شوفولى حل

الكلمات الدلالية لهذا الموضوع

المفضلات

المفضلات

ضوابط المشاركة