ملاحظه على حركه العجله اليمين الاماميه

**محمد الشامي** · 04-09-2010 03:05 AM

السلام عليكم

النهارده وانا رافع العربيه في مركز ابو اليزيد لتغيير علبه الشكمان لاحظت حاجه غريبه

في البدايه الفني طلع للعربيه فوق وهي مرفوعه وشغل الموتور عادي , عشان يسمع صوت الشكمان من تحت العربيه وهكذا

طبعا العربيه لما بتدور والكاوتش مرفوع من على الارض الكاوتش بيلف بشكل معتدل , لا هي حركه سريعه ولا حركه بطيئه

بس الملاحظه الغريبه هي ان العجله اليمين الاماميه فيها رفه واضحه مع الحركه البطئيه دي !!!!!

ياترى الرفه دي ممكن تكون من ايه ؟؟؟

مع العلم اني مغيير طنابير من سنه تقريبا , والجنط اللي راكب الجنط الحديد الاصلي , والكاوتش gt راكب من سنه , ومفيش اي مشكله في السير على الطرق , ومفيش اي رعشه او غربله في العجل بشكل عام مع السرعه غير بعد 150 كم/ساعه

وكمان في ملاحظه على نفس العجله مع المشي عادي , وهو اني بسمع صوت مع المطبات زي طقه من الناحيه دي

فـ ياترى هل في علاقه بين الملاحظتين ؟؟ وممكن يكون ايه السبب ؟؟؟

انا ان شاء الله رايح للعفشجي خلال يومين , بس بردو لازم اسألكم قبل ما اخد اي خطوه :-) انتو الخير والبركه

**Adham** · 04-09-2010 03:11 AM

فك العجلة و اربطها تاني مع مراعاة تربيط المسامير المتقبلة سويا
ثم التجميع عالكل

السبب ممكن يكون بلية او كاوتش ملووح لو مش عيب تربيط مسامير

**karimfahmy99** · 04-09-2010 05:50 AM

انت مش موضح الرفة دى لما بتبص على العجلة عينك بتبص فين ؟ لازم تحدد الرفة دى جاية من الجنط و لا الكاوتش . زمان لما كنا بنظب طارة العجلة البسكلتة يعنى كان الراجل بيحط مفك ثابت على شاسية العجلة و يلف الجلة يعرف فين بيبعد و فين بيقرب يحك فى المفك و يظبط . حاول تحدد ممكن تخبى بايدك الكاوتش و ركز على الجنط بس او اعمل زى بتاع البسكلتة و شوف الجنط هو اللى بيقرب و يبعد ولا اية . و نفس الكلام على اى جزء من الكاوتش . بس انا اعتقد انة هيبقى كاوتش و ممكن انة يكون ضعف فى مكان و قرب ياخد هوا و هيفتح و دا غالبا بيكون بسبب مطب بسيف عمل ضعف فى السلك . حل تانى برضة فك العجلة و حط الاستبن و جرب دا اذا كان الاستبن مضمون كمقياس و كاوتشة سليم 100% . و بلغنى عملت اية بس استنى على موضوع العفشجى لما تجرب اللى قلت علية و ربنا معاك

**محمد الشامي** · 04-09-2010 12:12 PM

كلامك صح يا استاذ كريم في اني كنت المفروض اركز مع الرفه دي من الجنط ولا الكاوتش , بس المشكله اني كنت واقف ورا العربيه وهي مرفوعه وبالصدفه شوفت العجله من ادام وهي بترف , وعقبال ما جيت اركز كان الفني بطل العربيه وملحقتش اوصل لنتيجه

وفعلا في احتمال كبير يكون الكاوتش نفسه هو سبب المشكله لاني والحمد لله لسا من اسبوعين واخد مطب بسيف فعلا وكان شديد جدا على مطلع الدائري من بعد كارفور شويه

بس هل لو فعلا الكاوتش اتأثر بسبب المطب فإحتماليه حدوث مشاكل في الفرده دي ايه ؟؟
خاصه لاني مسافر خلال ايام ان شاء الله وعشان كده كنت رايح للعفشجي يربط ويشييك على الدنيا وعايز اعرف لو في احتمالات خطر على الفرده دي في حاله انها فعلا تكون أتأثرت بالمطب

**karimfahmy99** · 04-09-2010 12:31 PM

شوف الحكم النهائى لبتاع الكاوتش طبعا . بس 90 % لو كاوتش و بسبب السيف هيبقى خطر تسافر بيها لان غالبا كدة بوادر انها تاخد هوا او خدت بالفعل هوا بس لسة على خفيف و هيفتح . برضة اتاكد و بلاش مخاطرة خصوصا انها ادام . ياريت تبعتلى موبايلك ع الخاص

**محمد الشامي** · 04-09-2010 12:35 PM

طالما فيها خطوره يبقا مش مسافر غير لما اعرف سبب المشكله دي ايه :-) ان شاء الله النهارده بعد الفطار هنزل اروح لحد واشوف هعمل ايه

كتر خيركم ياجماعه :-)

**احمد المصرى** · 04-09-2010 12:40 PM

طيب فى حل تانى غير الجنط بالعجله اليمين دى وركبه ورا وجيب جنط بالعجله وركبه قدام شوف هل لسه فى نفس المشكله ولا اتحلت لو المشكله اتحلت يبق العيب من العجله او الطنط

انت هتروح للعفشجى ال فى فيصل الطوابق وهتروح امت تقريبا