ميجان الصبح و ميجان تانية باليل

**shehabhopazone** · 04-09-2010 03:18 PM

اهلا باعضاء المنتدي المتميزين و وكانوا سبب في شرائي للميجان الجميلة
اشتريت رينو ميجان 2005 هاتش باك و جميله في الثبات و الراحة بس في كام حاجة مضايقني في العربية
اولا العربية باليل غريبة نعومة و النقلات جميلة و استهلاك جميل للبنزين عربية تانيه و كل اللى عاوزه موجود فيها باليل بصو بقى الصبح لما ييجي عليها الشمس بتخشن مش قادره تمشي صوت الموتور بيعلى ببقى كارها وكاره نفسي وكاره شريط حماقى اللى كنت مشغلة ايه السبب مش عارف يمكن السخونه بتخليها كدة ولو هو كده فعلا مالهوش حل

ثانيا:
العربية كانت جايه بجنوط 16 الاوريجنال و العفشه كانت بتدب جامد المهم غيرت الجنوط الضعيفة بتاعتها و ركبت الحديد اللي بطاساط الاوريجمنا بتوعها و طقم الكاويتش جديد بس ماغيرتش مساعدين المهم الدبدة خفا سنه و الثبات ممتاز
قولت اغير المساعدين عشان ايه يبقى عاداني العيب ركبت مساعدين وبطاحات وتيش ميزان الثبات ما بقاش زي الاول و العفشه حاسس ان فيها حاجه غلط و اصوات غريبة ولفيت على طوب الارض يقولولي العربية ما فيهاش حاجه اروح لمين يساعدني؟؟؟

و نسيت اقول حاجة بالنسبة للموتور العربية دائما وابدا الار بي ام على واحد و عالى دايما و حاسس برجرجه بسيطه في الموتور ياريت تفيدوني و اروح لمين بيفهم فيها بجد مش مهم اصرف عليها بس عاوز ارجعها جديده سواء موتور و عفشه و سمكره افيدوني يا اهل الخير

**didomotors** · 04-09-2010 04:47 PM

مخمد الشرقاوووى فى الخرفيين
وادعيلى

**shehabhopazone** · 04-09-2010 10:33 PM

ربنا يخليك يا باشا بس مكانو فين في الحرفيين

**benssol** · 04-09-2010 11:33 PM

روح لمحمد زوايا بصقر قريش (اسمه محمد زوايا بس هوه ميكانيكى)
هتروح هيحددلك ميعاد تيجى فيه عشان هوه عنده زحمة
و قوله كل حاجة و هيظبطك و ان شاء الله خير

**rompo6** · 05-09-2010 05:58 AM

كل العربيات كده ياباشا انا معايا اوبل بتكون كده وبعدين في الحر انت بتكون قرفان يبقي العربيات هاتعمل ايه وهاتطلع قرفها عليك

**shehabhopazone** · 05-09-2010 02:32 PM

متشكر ليكوا جدا على تعاونكم معايا ويارب العربية تتظبط انا فكرت اغيرها بس ربنا يوفق واجيب ميجان الجديدة

**ramykimo** · 05-09-2010 09:42 PM

بلاش محمد الشرقاوى عن تجربة

**pioneerahmed** · 06-09-2010 10:05 AM

بلاش محمد الشرقاوى عن تجربة

لييييييييهههههه ؟؟؟؟؟؟؟

**ramykimo** · 06-09-2010 11:05 PM

كنت بشترى عربية ميجان و ديتها ليه يكشف عليها كان كسول جدا و حسيت انو معندوش ضمير اول مرة اشوف حد يكشف على عربية من غير مايسوقها ولا حتى ينزل تحتها ... النتيجة ان فى عيوب كتير ظهرت بدون ماجنابه يكتشفها

**pioneerahmed** · 06-09-2010 11:19 PM

كنت بشترى عربية ميجان و ديتها ليه يكشف عليها كان كسول جدا و حسيت انو معندوش ضمير اول مرة اشوف حد يكشف على عربية من غير مايسوقها ولا حتى ينزل تحتها ... النتيجة ان فى عيوب كتير ظهرت بدون ماجنابه يكتشفها

متهيالى حضرتك غلطان عشان اى عربية اوروبى تكشف عليها فى التوكيل بتاعها او على الاقل مركز معتمد

بس دة ميمنعش ان دى قلة ضمير منو