مقابلة مالكي اصغر عربية في اكبر منتدى عربيات فمصر.. لقاء الجبابره>>ماروتي

**LORD.ADeL** · 06-09-2010 01:35 PM

المشاركة الأصلية كتبت بواسطة ihabchina

زووووووووووم ظبط حالك بقى انت اقرب واحد فينا جنب استاذ كريم

استاذ كريم.

بنشكر حضرتك جدا على تشجيعك لينا وان شاء الله نقابل حضرتك فى اقرب فرصة وميرسى ل زوقك جدا

**Karim_Monir** · 06-09-2010 01:47 PM

الموضوع بسيط ومفيهوش شكر بين الاخوات
ده تشجيع من ادارة المنتدى للمقابلات القيمة دي
تحياتي

**m7nsh** · 06-09-2010 04:24 PM

استاذ كريم بنشكر حضرتك جدا على مبادرتك الجميله دى .. و المره الجايه بإذن الله يكون التجمع اكبر و حضرتك تكون منورنا

شكرا مره تانيه مش عشان الاستيكرز ,, لأ عشان المنتدى ده ادانا الفرصه اننا نتعرف على ناس محترمه كتير .. وده مش غريب على نايل موتورز ..

بالتوفيق دايما والى الأمام نايل موتورز

**aymanay32** · 06-09-2010 05:42 PM

اولا احنا وقفنا كثير قبل ما نروح الكافية عشان كل واحد فينا كان بيفتح الكبوت و يورى اصدقائة ايه الحاجات اللى فى العربية و كنا بناقش الفلتر اللى فى الشمال بتاع ايه و نشوف السرينة و الكاسيت و الانوار و الدركسيون الاسبور و شبكة السقف و استيكر فتحة السقف و الفتيس الاتوماتيك و الحاجات اللى معمولة فى العربيات بتاعتنا و بنفرج لبعض الحاجة و اسعارها و من اين نشتريها و تشترى ايه و متشتريش الصينى و كل الحوارات دى و الخبطة اللى عند اسلام فى الفانوس الشمال و الرفرف و نور الصالون و السماعات الشديدة اللى عند ايهاب و بعدين جمعنا العربيات جنب بعض عشان نتصور معاها و بعدين روحنا الكافية فكل هذه الاعمال اخدت الوقت دة بس بصراحة محسيناش بالوقت
شوف بقى انته باين عليك عجزت و لا ايه مينفعش كدة دة انته لسة شباب يا استاذ ميمو

بخصوص الاستيكر بتاعى ياريت احد الاصدقاء يستلمه لى و يقوللى اقابلة فين و اخده منه و انا شغلى فى المظلات فى شبرا و ساكن مكان المقابلة فى الماريوتية

فمن هو الصديق اللى هياخد الاستيكر بتاعى و اقابله فين و لو حتى بعيد عن خط سيرى اليومى و زى ما قال الباشا الكبير ب 25 جنية الاستيكر و لو عاوز يقابلنى الاول ياخد الفلوس مفيش مشكلة و لما يجيبه ابقى اقابلة تانى و
و افضل لو واحد مننا يكون قريب و يجيب للمجموعة كلها الاستيكرات و يقابلنا ناخدهم منه و نحاسبوا عليهم

**Karim_Monir** · 07-09-2010 12:11 AM

الشكر لله انا معملتش حاجة
وزيادة تشجيع مني شوفوا كام واحد ماروتي عايز استيكر وجمعو العدد
واحد يقابلني ياخدهم(من غير مايدفع حاجة) ولما يسلم لكل واحد الاستيكر بتاعة ويستلم تمنه منه يحط الفلوس في اي فرع بنك اهلي سوستية او اي مكتب بريد يتحط في حسابي البريدي

وكل سنة وانتم طيبين

**pro_samir** · 07-09-2010 01:29 AM

مبروك عليكم المقابله يا شباب

أول مره برضو اشوف العدد ده من الماروتي واقفين جنب بعض :))

انا كنت بفكر ابقي ماريوتي قبل ماشتري الاستارليت بس مطلعتش مقاسي

ومتجمعين دايما في الخير

**dr.hazem** · 07-09-2010 01:48 AM

المشاركة الأصلية كتبت بواسطة karim_monir

الشكر لله انا معملتش حاجة
وزيادة تشجيع مني شوفوا كام واحد ماروتي عايز استيكر وجمعو العدد
واحد يقابلني ياخدهم(من غير مايدفع حاجة) ولما يسلم لكل واحد الاستيكر بتاعة ويستلم تمنه منه يحط الفلوس في اي فرع بنك اهلي سوستية او اي مكتب بريد يتحط في حسابي البريدي

وكل سنة وانتم طيبين

ماشاء الله

انا لسا داخل الموضوع

شكرا جزيلا للمنتدى وللاداره الناجحه ماشاء الله

وفعلا موضوع الاستيكر ده حاجه جميله جدا جدا
انا فعلا اقرب واحد من الشباب لحضرتك

هحاول انسق معاهم الاول ونشوف اللي عايزه وباذن الله بعدها اوجع دماغك واقابلك..
كان نفسي اجي للمغسله وهيا شغاله وجايز فعلا نتقابل في الافتتاح ان شاء الله
عموما هيكون ليا الشرف اني اقابلك واعرفك باذن الله

على فكره.. أنا د.حازم بتاع المانجا

فاكر؟؟؟؟
هههههههههههههههههه

تحياتي الجميله ليكم ولكل اعضاء المنتدى والاداريين ويارب يقدرنا ونكون اعضاء فعالين في خدمة المنتدى اللي ربنا ميحرمنا منه ابدا

سلامي للجميع

-

-

-

الموضوع: مقابلة مالكي اصغر عربية في اكبر منتدى عربيات فمصر.. لقاء الجبابره>>ماروتي

LinkBack

أدوات الموضوع

عرض

-

-

-

-

-

-

المواضيع المتشابهه

مبادرة لقاء جماعي في مول العرب (مقابلة تويوتا)

تقرير اكبر مقابلة للتويوتاوية بالصور.

اجمد جنوط هتشوفها على اصغر عربية

يا جماعة عيب اكبر منتدى للسيارات مفيهوش معلومات كفاية عن فيات لينيا

انواع العفشات الاسبور فمصر وبتركب على انهي عربيات

الكلمات الدلالية لهذا الموضوع

المفضلات

المفضلات

ضوابط المشاركة