الموضوع: البرافو كانت هتعوم منى

يا باشا الحمد لله ان ربنا نجاك ده اولا
اولا شيك فى التوكيل بس بخبرتى من طرق السفر القذره وعلى راسهم طريق اسكندريه الزراعى العربيه عومت فعلا لانك كنت ماسك الدريكسيون بايد واحده لو رجعت تانى وبصيت على الاسفلت هتلاقى اثر النقل التقيل اللى ماشى فاموطى حته ومعلى حته وحياتك انت بتحصلى وانا مسافر وماشى على الهادى بلاقى الدريكسيون بيحدف يمين وشمال بس انا عارف الاماكن بتاعته فى الطريق بتاع الزقازيق وانا راجع وفيه نفس المشكله دى بس علشان تتطمن خلى التوكيل يشيك عليها ويا سيدى الفاضل العربيات كلها مصممه انها تمشى على اسفلت محترم سواء كورى او اوربى لان ده الطبيعى لكن انت هنا فى مصر الاسفلت زى البحر مايل يمين وشمال وفى نقر زى الصخر ربنا يخلى الحكومه بنت ..... اللى مهتمه بس بطريق اسكندريه الصحراوى لانه طريق الوزراء والبهوات وعيالهم وتولع بقيه الطرق فى مصر طالما ان مفيش بيه بيمشى عليه ده غير السرقه فى الاسفلت واحد زميلى مهندس بيقولى سرقه سم واحد من الاسفلت لعدد كيلومترات معيسن بيعمل مليون بس السم ده بيفرق فى امان الطريق ربنا ياخد اللى فى بالى ويخلصنا منهم كلهم