كان في اعلان بيجي عن الموضوع ده بتاع هذا هو ديني وطبعا لازم اسيب النمرة مع اعتزار والاعلان كان جامد جدا وعجبني
كان في اعلان بيجي عن الموضوع ده بتاع هذا هو ديني وطبعا لازم اسيب النمرة مع اعتزار والاعلان كان جامد جدا وعجبني
ما حصلتش معايا قبل كدا بس اكيد هسيب نمرتي
يفضل الذوق والادب في المواضيع دي
يفضل الادب والاحترام في المواقف دي
هوا دا اللى المفروض يحصل ودى اخلاق الناس المحترمه وكتير من الاعضاء هنا ماشاء الله محترامين وعلى خلق
بس ياريت كل الناس تعمل كدا حتى لو ماعهوش حق التصليح يقف ويعتذر لصاحب العربيه او يكتب له اعتذار على الاقل
تخيل نفسك نزلت لقيت عربيتك مخبوطه وفى عز غضبك لقيت ورقه مشبوكه فى المساحه ومكتوب فيها
( انا اسف واعتذر عن خبط سيارتك وارجوك سامحنى انا اسف
واسف جدا لانى لا املك من المال مايستطيع تصليح سيارتك ارجوك سامحنى)
او (انا اسف على خبط سيارتك سامحنى وانا مستعد لاى تعويض او اصلاح سيارتك على حسابى تقبل اعتذارى وهذا رقمى-------------)
اكيد معظمنا حايسامح على الاقل حاتكون ترضيه نفسيه كبيره جدا
دا أكيد
بس لو فعلا كل اللى صوت حيعمل اللى قاله يبقى فعلا المنتدى بتاعنا مكن يبقى نواه لتغيير فكر الناس
حاليا 84% نسبة اللى بيتحمل خطأؤه
لحد دلوقتى معظم اللى صوت حيكتب نمرة تليفونه على ورقة و يسيبها على الزجاج
طب لوصاحب السيارة كان واقف جنب عربيته و هى بتتخبط و طالبك بتصليحها حتعمل ايه :U_thin1[1]:
انا حصل معايا موقف متعلق بالموضوع ده مرتين
الاولي
كنت راكن في مطار القاهرة ورايح اجيب واحد صديقي .... وانا في البارك راكن جنب فيات سيينا شكلها لسه مرشوشة ونظيفة قووي .... فتحت الباب وكان الهوا شديد جدا راح مرزوع في باب العربية السيينا دي وعمل فيها خط ... بصراحة اتنرفزت جدا من نفسي لان صعبت عليا العربية اللي شكلها ماشاء الله بتبرق... رحت مطلع كارت ... وورقة وكاتب فيها اعتذار عن الخبط ونبهت صاحب العربية لمكانها لانه كان صعب يلاحظها غير لو دقق يعني ... وطلبت منه يكلمني علشان اصلحهالوا او اعوض غلطي باي شكل
علي اخر اليوم لاقيت واحدة بتكلمني ... بتقولي انت فلان الفلاني ... بتقولي انت منين ؟؟؟ انا اول مرة حد يعمل معايا كده ربنا يبارك فيك و كلك ذوق انا بس باتصل علشان اشكرك علي السلوك بتاعك ورفضت طبعا اي تعويض
الموقف التاني
ركنت العربية في المعادي ، وطلعت اقضي مشوار سريع ، نزلت لاقيت عربية هوندا سيفيك راكنة صف تاني بعد عربيتي بشوية
قربت لاقيت الرفرف الامامي عندي متطبق وشكله يضايق ، فتحت العربية ، وحطيت شنطتي و فجأة سمعت صوت من ورايا بيعيط تقريبا ، بنت بتقولي حضرتك صاحب العربية انا أسفة انا اللي خبط عربيتيك وبقالي ساعة الا تلت مستنياك ، وماسكة في ايدها 500 جنيه عايزة تدهومني ... طبعا رفضت الموضوع وشكرتها جدا ورفضت لاني حسيت قد ايه كانت ذوق ، وافتكرت الموقف الاول برضو اني غلطت واللي غلطت فيه سامحني .
اعتقد يا شاركي بقي ان الخبطة لو في عربية صاحبها فيها يعني اثناء السير بيبقي ليها وقع تاني ، وعادة بتقلب بخناقة علشان بيبقي قدامك في وقت انت متنرفز فيه مش هديت و بعدين اتصلت و كده، ولان كمان احيانا كتير بتبقي شايف غباوة السواق يعني فدمك محروق مرتين :)
عن نفسي هاتخانق لو اللي سايق التاني جادل معايا وهو اللي غلطاان ، وممكن اتخانق وما اخدش منه حاجه بس افش غلي :)
مممممممممممم
شئ محير
هنزل ادور علي صاحبها لو مشكلة كبيرة ومش هتحرك الا لما الاقيه
انما لو حاجة بسيطة هسبله ورقة ع الازاز اعتذرله فيها واكتب مثلا رقم حد من اخواتي مش رقمي طبعا..علشان لو حب اني اتحمل التكاليف