ماذا تفعل لو صدمت سياره وصاحبها كان غير موجود؟
هل بتقدر تتحمل مسؤولية خطأك -
ولا بتهرب بفعلتك -
ياريت اللى يجاوب تبقى اجبته صريحة فعلا للى ممكن يعمله :)
ماذا تفعل لو صدمت سياره وصاحبها كان غير موجود؟
هل بتقدر تتحمل مسؤولية خطأك -
ولا بتهرب بفعلتك -
ياريت اللى يجاوب تبقى اجبته صريحة فعلا للى ممكن يعمله :)
والله يا شاركى حصلت معايا و فضلت واقف شوية و ساالت علي صاحب العربية محدش عارف صاحبها فكتب ورقة للراجل فيها رقم الموبيل و اعتذرت لة و سيبتها فى المساحة بتاعة العربية و مشيت
هعمل اية تانى و بعدين كانت حكة مش خبطة كبيرة
انزل اكتب ورقه اعتذرله ليه واكتبله انا مستعد لي اي تعويض واسبله نمره تلفوني
انا اول ما اتعلمت السواقة كنت فى شارع ضيق خبطت مراية عربية نيسان واتكسرت سيبتها ومشيت
لسه مردودة ليا من شهرين ميكروباص كسرلى المراية وجرى
والله يا استاذ شاركى حصل الموضوع معايا
كنت خارج من شارعى وعلى ناصية الشارع حفرة صرف لغاية منتصف الشارع ولازم الزق فى السيارة اللى راكنة جنب الحفرة علشان اعرف أعدى
المهم فى اخر لحظة ما أخدتش مالى من الدوفر اللى بارز من اكصدام السيارة اللادا اللى راكنة اللى لزق فى الاكصدام الخلفى لعربيتى و نزلت لقيت الاكصدام الخلفى بتاع عربيتى مخلوع والدوفر مكسور بتاع اللادا
كانت الساعة سبعة صباحا ربطت الاكصدام بحبل فى الشنطة
رحت على الحرفيين فى اليكس لقيت ورشة شغالة و ظبطوا لى الاكصدام تمام
كانت الساعة دخلت على 8 صباحا رحت مكلم صاحب اللادا و صحيتة وبلغته باللى عملته فى عربيتة
و كان مش عاوز اى تعويض صممت انى اغير له الدوفرين وقد كان والحمد لله على كل شىء
هو انت اللى كسرت لى المراية
http://www.nilemotors.net/Nile/176576-a.html
بهزر معاك طبعا
أحلى تحية لاهل دمياط
بنزل اسال على صاحبها
والموضوع بيخلص بالذوق
ومحدش بيزعل من حد
مش مستهلة نرفة وعصبية
حصلت معايا مرة , وانا راكن ورا عربية باسات مخدتش بالى ودورت العربية وهى على الاول ( كان عندى مشكلة فى الايدل والعربية بتدور على 3 rpm ) ودخلت فيه دخلة محترمة
نزلت وقفت ادور على صاحبها لحد ما جه واتأكد ان عربيته مفيهاش حاجة
فى مرة تانية وانا خارج من الجراج حكيت فى عربية حد راكن جنبى , وعلشان كنت مستعجل ندهت للسايس يشوف الخبطة وصورتها بالموبايل كويس ( علشان لما ارجع متدبسش فى حاجة مش انا اللى عاملها ) وقولتله لما يجى الراجل يكلمنى , وفعلا الراجل كلمنى وقابلته اخر النهار فى الجراج وقالى انا كفاية عليا ذوقك ومرضيش ياخد فلوس او انى اصلحهاله
لو حصل ومعرفتش اوصل لصاحب العربية هحطله الكارت بتاعى تحت المساحات او هكتبله رقمى بماركر على الزجاج الامامى , لكن مستحيل ضميرى يطاوعنى امشى واكبر دماغى
ببساطة انزل ادور ع صاحب العربية
ولو ملقتهوش اسيبله نمرتي واعتذار ع ورقة عالمساحة
والله والله والله احنا شعب مسامح جداً وكريم جداً لكن مش بنحب البلطجة.. يعني انا بالبولونيز ياما كنت بأذي ناس ووالله كان الموضوع بيخلص بالاعتذار (طبعا ما عدا البهايم سواقين الاجرة - مع الاعتذار لو حد من الاخوة شغال على تاكسي ولا حاجة بس انا لحد دلوقتي مقابلتش سواق اجرة (تاكسي-ميكروباص - تك تك حتى ويكون محترم))... ومهنم مرة والله واحد بتويوتا افنسيس لزق ف ضهري عربيته جابت ربع قدام وهو اللي غلطان ومشافش اني بهدي على مطب وجه خبطني.. ومع ذلك لغيت مشواري لحد ما صاحب العربية جه وقلتله على اللي حصل واطمنت انه معاه عربية تانية والا كنت هصر اني اروحه لأن العربية كانت بتدور بس مش بتمشي
ما حصلتش معايا .. ومش عارف هتصرف ازاي لو حصلت معايا ؟ بس في نيتي اني اصلح ما اتلفته بالطبع
بصراحة لو حكة او حاجة يعني لا تكلف وتتعمل في البيت ( مش محتاجة سمكري يعني ) حمشي .. علشان انا دايق المر و الويل من الحاجات دي لما زهقت .
انما لو خبطة فعلا .. حصلت مرة واحدة كنت طالع من ركنة و كسرت فانوس سيارة لانسر كرستالة اعقتد .. دورت على صاحب العربية ملقتوش ... سيبت ورقة تحت المساحات فيها رقم موبايلي .
الراجل اتصل بعد الموضوع تقريبا بيومين و اعتذرتله و قلتله مستعد اصلح .. شكرني و قالي بتحصل عادي و قفل !
الحمد لله بسيب نمرتي تحت مساحة العربية مصحوبة باعتذار مكتوب....
بس أول مرة أعملها و قعت مع رائد وقح في الداخلية (مديرية أمن القاهرة) بس لقى نفسه منظره وحش قوي لما واحد أصغر منه بـ12 سنة (على الأقل) يحرجه بالذوق و كمان يهزقه و يلقح كلام بالأدب.... هههههههههههههههه
ناس بتضحك من اللي رميته في وشه!!!
في رعاية الله...
ها حط رقم تليفوني علي العربية اللي خبطها
بعد ما يشوف صاحبها النمرة و يكلمني
اعمله اللي هو عاوزه
و ده حصل معايا قبل كده
و كلمني صاحب العربية و عدت علي خير
حكيت قبل كدا بالجنب في عربية ودخل الاكصدام لجوا شويا للعربية المخبوطة .. صاحبها بدا بالشتيمة وانا كنت بعيد شوية طبعا مارضتش ادخل واشتم وماصلحتش حاجة
انا فعلاً بتحمل اللي حصل
مهما كان
بس انا مش بفضل مستني صاحب العربيه
انا بكل امانه بكتب ورقه في ارقام تليفوناتي واعتزرله
واسيب الورقه ده مع البواب اللي العربيه راكنه قدامه
وورقه تانيه علي مساحه العربيه
حصلت ليا بس مش في مصر في السعودية ..... راجع بضهري ومش واخد بالي خبطت في عربية مش فاكر ماركتها ايه والشارع ماكنش فيه حد رحت واخد بعضي ومشيت وطنشت الصراحة .
ورقة تحت المساحة فيها نمرتى من غير مادور على الراجل
ياريت كل الناس زيكم . واحد صاحبي معاه كورولا راكن في مكان مظبوط والعربيه مش طالعه على الشارع ولا أي حاجه وتمام التمام. رجع من مشواره عشان يركب العربيه لقاها مخبوطه و فانوسها مكسور واكصدامها داخل لجوه. مش خبطة واحد كان بيركن او بيطلع من ركنه خالص. وما كتبش ورقه ولا يحزنون. وفي ظهر رمضان في الصيام. طبعا حسبنا الله ونعم الوكيل في الي خبطها.
ادور ع صاحب العربية
ولو ملقتهوش اسيبله نمرتي واعتذار عالمساحة
ورقة تحت المساحة بأعتذار ومن غير أرقام ههههههههههههههههههههههه
بهزر طبعا من أفسد شيء عليه أصلاحه
هسبلو رقيمي و اسمي في ورقه تحت المساحات و برضو هصور العربيه عشان متدبسش في حاجه معملتهاش
لازم استناه لما يجي ولو اتاخر اسيب رقمي ليه
لان حرام احمله غلطي وهوا مالوش اي ذنب
بسم الله ماشاء الله ....
جزاكم الله خيرا كل الرجاله بيسيبوا أعتذارات ... ايه الجمال ده
أمال انا عربيتي ببتخبط كتير وهي واقفة وملقيتش ولا اعتذار ولا حتى نمرة تليفون .
أكيد انا لو حصلي كده هسيب نمرة تليفوني
حصلتلي وانا داخل المنطقه عندي حكيت في عربيه شيروكي والله استنيت ساعه لحد ما صاحبهه جه ومرضيش ياخد حاجه وللعلم انا فضلت مستنيه بالرغم من ان كل جيرانه والمحلات قالولي امشي ديه بسيطه بس انا خفت ياخد حقه مني يوم المحشر فإستنيته
لسه حاصلة قريب أوى كنت برجع ورا و أنا بتكلم فى الموبيل و خبطت رفرف عربية ماتريكس كانت واقفة كنت أصلا جنب بيتى فركنت العربية و وقفت جنب العربية اللى خبطها و سألت على صاحبها لحد ما وصلت للبواب بتاعه قلتله على اللى حصل و قاللى على شقة صاحبها و خبطت عليه مدة طويلة ما فتحش فسيبت الكارت بتاعى للبواب و قلتله يبلغ صاحبها باللى حصل و لو محتاج أى حاجة أنا تحت أمره فى أى حاجة بس الحقيقة هو ما اتصلش. أنا ما بادعيش إنى عايش دور المثالى بالموقف ده انا بس اتصرفت زى ما أنا عايز الناس تتصرف معايا
بسيب نمرتي مع أعتذار
نفس الكلام عربيتي تبقي وقفة في حالها و تتخبط و من كتر الخبت العربية اتشلفتت و بعتها كان بيجيلي حالة نفسية عربية زيرو ناس مش عارفة تركن عربيتها تيجي تحكها من كل الجهات يخبط و يمشي ولا اكنه عمل حاجة جبت عربية تانيه بس مستعملة برده كنت بي مشوار رجعت لاقيت الرفرف متحك بي عربية و لونها طالع عندي بس ولا مرة حد كتبلي ورقة هو انتم عايشين معانا هنا في مصر ولا في المدينة الفاضلة ؟
والله انا عايز اقول كده برضو ، عربيتي محكوكه من الأربع زوايا والرفرف الخلفي شمال حكه محترمه ومقشره الأكصدام معاها وعمري ما لاقيت حد سايبلي ورقه
الغريب ان مره وانا في الشغل كنت واقف قدام العماره بتكلم في التليفون وايامها كان معايا لانوس واقفه تحت عماره جنبنا وفي ناس بينزلو عفش بالونش اديت المفتاح لواحد صاحبي قلتله غير مكانها احسن حاجه تقع عليها ، جاب العربيه و اول ما جه قدامي صعقت لاقيت الرفرف الأمامي شمال منظره بالظبط زي ما تمسك علبه الكانز وتطبقها من النص البومبيه بتاع الرفرف مفرود خط مستقيم من أول الرفرف لأخره بالطول ، صاحبي افتكر ان العربيه مخبوطه مني وركب وطلع بالعربيه عادي
خلصت التليفون وروحت اتكلم مع الراجل بتاع الونش لاقيت البهوات اصحاب الحاجه جايين يتكلمو معايا يقولولي اصل العفش وقع عليها !!!! يعني قله أدب مفيش كده وشايفين صاحبي بيمشي بالعربيه ومحدش فيهم فكر يكلمه اصلا !!! مع انهم المفروض ناس محترمين ومعاهم توكيل ملابس كبير مش فقرا يعني ومع ذلك مفيش دم ولا ضمير
لو عربيه ملاكي هادور علي صاحبها ولو مالقتهوش هاسبله رقمي لكن لو ميكروباص هامشي ويولع في نفسه
انا حصل معايا موقف قبل كدة وانا بتعلم لسه على العربية
وبرجع لورا روحت خبط فى فانوس الهيونداى كوبيه وراح عامل زى الخدش بس جامد شوية وهوا ساكن فى العمارة اللى جمبى
وانا بشوفه كتير وهوا نازل روحت ندهت للبواب عنده وقولتله بس ياريت تندهلى صاحب العربية ديه
ونزل وشاف اللى حصل
وقالى ولا يهمك يا استاذ ولا يهمك وقعدت اتحايل عليه عشان اجبله وش غير اللى اتخدش ده
قعد يحلف لا والله ومينفعش
ومن ساعتها واحنا بقينا اصحاب واتعرفنا على بعض وكمان خلانى اتعلم على الكوبيه عنده على العربية
ونعم اخلاق الناس المحترمة مفيش احلى من الاخلاق الجميلة
ما شاء الله
85% من اعضاء المنتدى بتحملوا مسئؤلية الخطأ
الحمدلله الدنيا لسه بخير
السلام عليكم
انا بقى يا شباب النهارده الظهر بعد لما خلصت الشغل فى ميدان روكسى بمصر الجديده و كان معايا تليفون على الموبيل المهم رحت دخلت العربيه و دورت و سوقت و كنت فرحان بقى بأجازة العيد و لما وصلت الهرم و نزلت من العربيه فوجئت بالرفرف الشمال متقوص لجوا و فى مكان حكه زى ما يكون حد رجع عليا و طبقلى الرفرف الشمال لجوه خالص و عربيتى لسه مكملتش 13000 ك و لا لاقيت اعتذار و لا كارت امت اتعكننت اوى و اتحسبنت و الحمد لله
أنا عربيتى بتتبهدل و هى راكنة! ... و أخر مرة نزلت لقيت الباب مطحون و القائم بتاعه معووج !! .. لدرجة مكنت الزجاج فيه إتسكرت!
و بردوا هحط ورقة فيها رقمى ( مش جايز تطلع واحدة حلوة :3mla: )
كنت في راس البر وكانت في عربيه اوكتافيا 2010 وكان راكن قدامها عربيه ربع نقل في شارع فاضي وبعدين بتاع الربع نقل كان تقريبا ضعيف في السواقه ورجع علي العربيه لانه كان مزنوق وخرشم الاوكتافيا جامد وطلع بالعربيه ولابص علي الاوكتافيا بالرغم ان كان صوت التكسير جامد
كتبت رقم العربيه الربع نقل ومواصفاتها وسبتها علي القزاز