::: ماذا تفعل لو صدمت سياره وصاحبها غير موجود :::

**Sharky** · 05-09-2010 01:33 PM

ماذا تفعل لو صدمت سياره وصاحبها كان غير موجود؟

هل بتقدر تتحمل مسؤولية خطأك -

ولا بتهرب بفعلتك -

ياريت اللى يجاوب تبقى اجبته صريحة فعلا للى ممكن يعمله :)

**aly_moh** · 05-09-2010 01:49 PM

والله يا شاركى حصلت معايا و فضلت واقف شوية و ساالت علي صاحب العربية محدش عارف صاحبها فكتب ورقة للراجل فيها رقم الموبيل و اعتذرت لة و سيبتها فى المساحة بتاعة العربية و مشيت
هعمل اية تانى و بعدين كانت حكة مش خبطة كبيرة

**mahmoud_anwar** · 05-09-2010 01:54 PM

انزل اكتب ورقه اعتذرله ليه واكتبله انا مستعد لي اي تعويض واسبله نمره تلفوني

**kono** · 05-09-2010 01:56 PM

انا اول ما اتعلمت السواقة كنت فى شارع ضيق خبطت مراية عربية نيسان واتكسرت سيبتها ومشيت
لسه مردودة ليا من شهرين ميكروباص كسرلى المراية وجرى

**hany_mohamed** · 05-09-2010 01:58 PM

والله يا استاذ شاركى حصل الموضوع معايا
كنت خارج من شارعى وعلى ناصية الشارع حفرة صرف لغاية منتصف الشارع ولازم الزق فى السيارة اللى راكنة جنب الحفرة علشان اعرف أعدى
المهم فى اخر لحظة ما أخدتش مالى من الدوفر اللى بارز من اكصدام السيارة اللادا اللى راكنة اللى لزق فى الاكصدام الخلفى لعربيتى و نزلت لقيت الاكصدام الخلفى بتاع عربيتى مخلوع والدوفر مكسور بتاع اللادا
كانت الساعة سبعة صباحا ربطت الاكصدام بحبل فى الشنطة
رحت على الحرفيين فى اليكس لقيت ورشة شغالة و ظبطوا لى الاكصدام تمام
كانت الساعة دخلت على 8 صباحا رحت مكلم صاحب اللادا و صحيتة وبلغته باللى عملته فى عربيتة
و كان مش عاوز اى تعويض صممت انى اغير له الدوفرين وقد كان والحمد لله على كل شىء

**hany_mohamed** · 05-09-2010 02:02 PM

المشاركة الأصلية كتبت بواسطة kono

انا اول ما اتعلمت السواقة كنت فى شارع ضيق خبطت مراية عربية نيسان واتكسرت سيبتها ومشيت
لسه مردودة ليا من شهرين ميكروباص كسرلى المراية وجرى

هو انت اللى كسرت لى المراية
http://www.nilemotors.net/Nile/176576-a.html
بهزر معاك طبعا
أحلى تحية لاهل دمياط

**2faster** · 05-09-2010 02:27 PM

ببساطة انزل ادور ع صاحب العربية

ولو ملقتهوش اسيبله نمرتي واعتذار ع ورقة عالمساحة

**kamalsalem** · 05-09-2010 02:37 PM

والله والله والله احنا شعب مسامح جداً وكريم جداً لكن مش بنحب البلطجة.. يعني انا بالبولونيز ياما كنت بأذي ناس ووالله كان الموضوع بيخلص بالاعتذار (طبعا ما عدا البهايم سواقين الاجرة - مع الاعتذار لو حد من الاخوة شغال على تاكسي ولا حاجة بس انا لحد دلوقتي مقابلتش سواق اجرة (تاكسي-ميكروباص - تك تك حتى ويكون محترم))... ومهنم مرة والله واحد بتويوتا افنسيس لزق ف ضهري عربيته جابت ربع قدام وهو اللي غلطان ومشافش اني بهدي على مطب وجه خبطني.. ومع ذلك لغيت مشواري لحد ما صاحب العربية جه وقلتله على اللي حصل واطمنت انه معاه عربية تانية والا كنت هصر اني اروحه لأن العربية كانت بتدور بس مش بتمشي

-

-

مشاهدة نتائج الإستطلاع: ::: ماذا تفعل لو صدمت سياره وصاحبها غير موجود ؟ :::

الموضوع: ::: ماذا تفعل لو صدمت سياره وصاحبها غير موجود :::

LinkBack

أدوات الموضوع

عرض

-

-

-

-

-

-

المواضيع المتشابهه

ماذا تفعل اذا صدمت شخص بسيارتك ؟؟( تجربة واقعيه )

ماذا تفعل لو صدمت سياره وصاحبها غير موجود ؟

ماذا سوف تفعل بعد نعم او لا

ماذا تفعل؟؟؟؟؟؟؟؟؟؟؟؟؟؟؟

ماذا تفعل لو كنت مكاني

الكلمات الدلالية لهذا الموضوع

المفضلات

المفضلات

ضوابط المشاركة