الموضوع: فيات بونتو ايفو "البطه"

بسم الله الرحمن الرحيم

دخلت معرض سيارات وسألت الموظف اللي جوه عن العربيات الفيات وبالأخص بونتو ايفو، فقالي أنه لسه بايع عربيه مانويل ب 90 ألف جنيه، وقعد يشكرلي في العربيه وفي شكلها من بره ومن جوه وإنها 77 حصان، وقالي حاجه أنا مستغربها ومش مقتنع بيها بصراحه، قالي إن العربيه 77 حصان بس الحصان ده محسوب بالطريقه الأوروبيه مش الأسيويه يعني 77 حصان دول يعادلو 105 حصان أسيوي وقعد شرحلي إزاي بيقيسوا قوة الماتور في أوروبا وإزاي بيحسبوه في آسيا بس بصراحه أنا نفضت وما ركزتش.

المهم أنا عن نفسي إقتنعت بالعربيه أوي خاصة إن فيها ABS & EBD وكمان فيات شركه عريقه وأكيد التكنولوجيا فيها أعلي بكتير من العربيات الكوري والياباني وبعدين 1400 سي سي هتوفر معايا في البنزين جامد.

المهم دخلت علي النت وقعدت أدور علي العربيه دي ورأي الناس فيها فلقيت إن معظم الناس بتشتكي من سحبها وبيقولوا عليها "بطه"، وكمان التكيف بتاعها تعبان أوي، من الآخر موتورها ضعيف، وناس تقول دي عربية للبنات فقط وحاجات كده.

أنا بعد ما قريت الحاجات دي اتلخبطت ، العربيه سعرها حلو أوي وكمان عربيه أوروبي وتقيله في السوق، بس موضوع السحب ده مشكله والمشكله الأكبر هي التكييف، أنا أصلا مابحبش الشد والجري والحاجات دي بس عايز أبقي في عربيه مريحه وتكيفها يريحني وسحبها لما أحتاجه ألاقيه.

قريت ناس بتقول إن الموتور بيلين بعد 10000 كيلو وبعد كده بيبقي سحبها كويس، بس كويس ده يعني إيه؟؟ كويس لما أقارنه مع العربيات التانيه؟؟؟ ولا كويس بالنسبه لحالة العربيه في الأول؟؟

بجد الموضوع محير يا ريت لو حد عنده العربيه دي يفيدني في القصه دي
وعايز أسأل برضو عن الشنطه بتاعتها إيه ظروفها كبيره ولا صغيره "كام ليتر"

آســــــــــــــــــــــف علي الإطـــــــــــــــــــــ ـــــــــــــــــــــــــ ـــــــــــــــــــــــــ ــــاله
تحياتي

المشاركة الأصلية كتبت بواسطة ashouhdy

كلام مش مظبوط مفيش موتور بيتقاس قوتة و هو راكب !! تانى حاجة كراسى الفيات مش ريحة

موضوع الموتور ده اتهرا كلام و النتيجه حتى الان ان كل الشركات زى بعض و مفيش دليل على الكلام بتاع الاوروبى و الكورى و حجات ديه __ متفق معاك:)


بانسبه للكراسى__لو حضرتك اصدك على كراسى الايفو بحكم الموضوع يبقى اكيد حضرتك ماركبتش العربيه ديه__كراسيها مريحه جداااااا و كل الى ركبوها قالوا كده

المشاركة الأصلية كتبت بواسطة semsem_uno

لا اتفق معاك
كراسي الأكسيل اللي موديل 97 زي ال,,,,, و عايزة الحرق

دنا بوصل بالعافية لمشوار في مصر الجديدة بيبقي العصعوص هيقع مني
بجد جامده طحححححححححححححححححححححن كل واحد يخلى بالو على عصاعيصووووو
الأونو بسوقها في النزولة مش اقل من 6 ساعات و بنزل منها كأني لسة راكبها و طالع
و اهي عربية موديل 93
حتي متلاقيش نفسك عرقان و تحس ان الكرسي حاضنك ونتا قاعد و مسند الراس طري و مريح
متعلافش حاجه عن الاونو الجديده 2011
يا راجل متفكرنيش كراسي هيونداي ايه بس ده بتاع ال128 اللي بعناها والله العظيم كان اريح

المشاركة الأصلية كتبت بواسطة semsem_uno

ايوة فعلا الأوروبيين بيكتبو قوة الموتور بدون مبالغة و كمان بيقيسوه و هو متوصل في العربية و شايلها عكس الأسيوي بيقيسوه قبل ما يركب اصلا

و الموتور مش بطة قوي كده زي ما انتا فاكر الموتور معقول جدا جدا و اصلا لو انتا غاوي جري عندك النسخة المالتي اير 135 حصان تقريبا او 105 مش فاكر
يعني اللي غاوي جري عاملينلو نسخة للجري
و فكك من اللي بيقولك دي عربية بنات و بتاع دول ناس علي قد فهمها
و الشنطة كبيرة مش صغيرة بس بيكون في الهاتش باك علي حساب اللي قاعدين ورا انما لو تواضعو و طلعت الكراسي قدام مش هتحس بفرق
و طبعا كعادة فيات الكراسي مريحة جدا

وهي النسخة المالتي اير ديه بتنزل مصر بكام؟؟؟

المشاركة الأصلية كتبت بواسطة yoko

لسه منزلتش

طب هي هتنزل امتى يا باشا؟؟؟