الموضوع: فيات بونتو ايفو "البطه"

المشاركة الأصلية كتبت بواسطة kamalsalem

انا لسه مستلم العربية دي الشهر اللي فات لأختي وهي اصلاً مش بتسوف ف انا اللي كنت بسوقها

1- العربية على السرعات مريحة وبتجري وماسكة في الأرض... وانا مسكت بيها واحد صاحبي معاه بونتو برضه وبهدلته على المحور مع انه كان ناقص يولع في موتور عربيته.... بس الطلعة من الثبات بتعوز حرق شوية لو التكييف شغال.. وده كان بيزهقني ويخليني اطفي التكييف
1.5- الفتيس الدوال لوجيك ممل جداً جداً جداً للصبح في السواقة... العربية بتريح ع المطالع كأنها مانوال... لو وقفت ع الفرامل وشلت رجلك العربية بتفضل مكانها ولازم تديها بنزين عشان تمشي... الفتيس كله التحكم فيه الكتروني وانا مش واثق انه اوماترا هيعرفوا يعملوله ضيانة لو لاقدر الله فيه مشاكل.
2- التكييف ضعيف لو الشمس ضاربة في العربية انما غير كده تبريده جامد وبعد شوية بضطر اطفيه... بعني مش يخلى ودانك توجعك زي العربيات ال1600 الجديده بس حلو جداً والله واكييييد اهون من ال43 اللي بتشوفها بره
3- الشنطة جميلة وتنفع حتى لو عيلة او مجموعة صحاب مسافرين والعربية ليها شبكة شيك للرحلات
4- العربية فيها تكنولوجيا مش موجودة في عربيتي الكروز اللي مفروض انها اكبر واشد وأغلى وعشان كده انا شايف انه بصراحة البونتو غالية على فئتها
5- لو استعمالك محترم (مش بتهين المكنة.. وعايز عربية تصونها وتصونك ومش فارق معاك الحجم....) نفذ في البونتو وش.. انا كنت عايز عربية كبيرة ف خدت البونتو لأن البرافو كانت غالية عليا اوي

اولا ياريت حضرتك توضحلى النقط 4 و5 يعد اذنك
ثانيا كنت عايز اسال حضرتك عن ثبات العربيه على السرعات العليا و كمان الموتور عايز اسمع من حضرتك تقيم ليه سريع(انا مش من هواة الشد بس مثلا لو محمل 4 غيرى فى الغربيه هيكون وضعو ايه)
ثالثا عايز مقارنه بين مميزان العربيه و عيوبها
شاكر جدا لحضرتك :)

المشاركة الأصلية كتبت بواسطة onz

الله ينور عليك يا باشا
اولا كله اللي قاله استاذ kamalsalem مظبوط
امبارح اول مره احس بسحب العربية بعد 550 كم فاتح الشباك و قافل التكيف
الطلعة من الثبات و انت قافل التكيف ( هتكيفك ) و العربية بتستفزك علي الحرق بطريقة شرسة ( بس انا ماسك نفسي العربية لسه ززززززززيرو كبير )
بالنسبة للدوالوجيك معرفش عنه حاجة
اما المانيوال علي عينك يا تاجر
حكاية التريح عند المطبات (مش عارف له حاسس اني بعذب العربية ) بخد المطب علي التاني و ديييييييب
التكيف و الشمس ضاربة في العربية تحتاج 5 دقائق و هاتقفله بنفسك ( زي كل العربيات ) بس مش تلاجة ( تكيف )
و العربية تعتبر اخت الجراند بونتو يعني منتشرة من حوالي 3-4 سنين ( فيس ليفت )
77 حصان ( انا مش حاسس انه 77 حصان ) كنت بسوق لانسر بومة 1300 حاسس اني عربيتي بور احسن منها

حضرتك مش ناوى تعملنا تقرير حلو كده

المشاركة الأصلية كتبت بواسطة semsem_uno

و لو قارنتها بالجين يبقي الجين تفوز لحاجة واحدة بس (انها سيدان) انما البونتو هاتش باك

أنا خايف من الجين 2 وشايف إن البونتو ايفو أحسن منها في الشكل والتكنولوجيا وهتوفر أكتر في البنزين، بس كل الناس بتقول علي الجين 2 إنها عربيه جامده جدا وموتورها قوي أوي بس مشكلتي فيها قطع غيارها وصيانتها، لأن مش أي ميكانيكي بيفهم فيها وتوكيلها بعييد أوي عليا مش هعرف أورح كل ما يحصل عطل، وبرضو بقول إن الأوروبي لا يعلي عليه حتي ولو كان أقل في الأرقام (سعة الموتور وقوة الموتور والعزم)

المشاركة الأصلية كتبت بواسطة onz

انت تأمر و الله
ان شاء الله علي 1000 كم
بس اكون اديت انطباع عام عليها و ربنا يسهل

ربنا يخليك يا باشا :)
عامتا كلام حضرتك ده عن العربيه فرحنى جدا و خصوصا موضوع الموتور ده اخيرا حدقال حاجه كويسه عن موتورها :)

المشاركة الأصلية كتبت بواسطة sody

أنا خايف من الجين 2 وشايف إن البونتو ايفو أحسن منها في الشكل والتكنولوجيا وهتوفر أكتر في البنزين، بس كل الناس بتقول علي الجين 2 إنها عربيه جامده جدا وموتورها قوي أوي بس مشكلتي فيها قطع غيارها وصيانتها، لأن مش أي ميكانيكي بيفهم فيها وتوكيلها بعييد أوي عليا مش هعرف أورح كل ما يحصل عطل، وبرضو بقول إن الأوروبي لا يعلي عليه حتي ولو كان أقل في الأرقام (سعة الموتور وقوة الموتور والعزم)

زى ماقال semsem_uno الحاجه الوحيده الى ممكن تتفوق فيها الجين هو وسعها النسبى عى الايفو و زود كمان فرق قوة الموتور :) و كمان بسمع ان ثباتها هايل ما شاء الله
اى حاجه غير كده تبقى فى صالح الايفو و ده راى__حاجه كمان حضرتك شوفت ايفو ماشيه فى الشارع قبل كده؟
او عربيه من عربيات فيات الجديده سواء لينيا او برافو؟ هتحس انك عينك سابت كل حاجه و راحتلها انا بتجنن اصلا :d

المشاركة الأصلية كتبت بواسطة ahmedmohamed7

زى ماقال semsem_uno الحاجه الوحيده الى ممكن تتفوق فيها الجين هو وسعها النسبى عى الايفو و زود كمان فرق قوة الموتور :) و كمان بسمع ان ثباتها هايل ما شاء الله
اى حاجه غير كده تبقى فى صالح الايفو و ده راى__حاجه كمان حضرتك شوفت ايفو ماشيه فى الشارع قبل كده؟
او عربيه من عربيات فيات الجديده سواء لينيا او برافو؟ هتحس انك عينك سابت كل حاجه و راحتلها انا بتجنن اصلا :d

فعلا كل الناس اتكلموا عن ثبات الجين 2 بيقولوا خرافه، بس منظر العربيه ما بيشدنيش مع احترامي طبعا لأصحاب العربيه وأصحابي أنا شخصيا اللي شايفين إن شكلها تحفه.
أنا ما شوفتش بصراحه الإيفو علي الطبيعه بس شوفت البرافو واللينيا، بصراحه فعلا شكلهم جذاب أوي ويخطف العين، أنا خايف بس من الإيفو أحسن يكون شكلها صغير أو فيها حاجه في شكلها مستفز دي هتخلي والدي مايرضاش يدفع فيها مليم "أنا عارف بويا، عايز عربيه كبيره تملي العين"
هي في حجم البونتو العاديه ولا أكبر منها؟؟