في حد ريحلي ع الكروز

**zizo18000** · 06-09-2010 04:29 AM

المشاركة الأصلية كتبت بواسطة kamalsalem

والله قشطة يعني ممكن تتساب

انا لو كنت لسه عايش ف بيت اهلي مكنتش اشتريت عربية... عندهم قطيع كلاب في الشارع... الكلب من دول قد البغل ويروح هوووب وطالع ع السقف... ويدور على اي حاجة يعضعض فيها... ابويا معاه بيجو 405... الكلب بقوله هش... بصلي بكل قرف... ومد بوزه خد الكاوتشه بتاعة الايريال اللي مغطية مكان دخوله... ومشي

والله قعدت اضحك على حوار التراب عشان لسه عامل كده دلوقتي وانا طالع البيت... وسمكري استاذ دي كنت اعرف واحد عند الجامعة كان اسمه سيد سنكرة... وبعدين اتعلم شرب الهباب الحشيش وبقى بيعمل اي حاجة المهم الزبون يديله مقدم عشان يشتري الجرعة... وراح سيد سنكرة ف شربة كوارع

تلاقيه الراجل بتاع الفول اللي تحت البيت... كل ما اجي نازل يقوللي صباح الخير يا استاذ كماااال... اقوله يا عم والله انا مهندس ومقيد في النقابة كمان... يفوللي ربنا يحميك.... كل يوم من ده

الله يبارك فيك.. بس انا اللي اعرفه انه ختم الصياعة في العربيات بيبقى الحكة اللي في الرفرف اللي قدام يمين تحت الفانوس من غرزة طائشة... ربنا يعافينا والله

مانا هسيبها... بقولك يا سيد السمكري بتاعي اتعلم شرب الحشيش... يعني بقى عندي بقال صاج مش سمكري

انت مرزق والله... انا كنت هقلعلهم ملط في الجراج واجري اصرخ وافول كتاكيييت كتاكييييب... وايه بقى بيركب عدل الاكصدام؟

مش فاهم بس هو الاكصدام راكب علي كباسين هو يا دوبك دخلها مكانها بس فيه مسمار اتفسخ من مكانه بس مش مأثر خالص

**Hosam_Optrawy** · 06-09-2010 09:08 AM

الحمد لله انها بسيطه كبر دماغك يامعلم

**MoDy_OnLiNe** · 06-09-2010 12:06 PM

ولا يهمك يا كمال باشا

ديه حاجة اكيده طالما لسه جايب العربية ( عين بسيطة كده ) :d

والله انا اول ما جبت العربية ولمدة حوالى اسبوع كنت انزل من البيت الاقى كل يوم حكة شكل فى العربية

اللى من الجنب واللى فى الاكصدام

مع انى بركن فى جراج خاص ، بس تقول ايه بقى

ضريبة العربية :d

كبر دماغك والحمد لله انها جت على قد كده :)

احمد