الحمد لله علي كل شيئ وقدر الله وما شاء فعل
بس علي فكرة طبعا ربنا يعينك ويقويك مع التوكيل وتعرف تجيب حقك لكن انا بصراحة مش متفائل لان الموضوع كبير ومحتاج صبر وتحمل منك
عرض للطباعة
الحمد لله علي كل شيئ وقدر الله وما شاء فعل
بس علي فكرة طبعا ربنا يعينك ويقويك مع التوكيل وتعرف تجيب حقك لكن انا بصراحة مش متفائل لان الموضوع كبير ومحتاج صبر وتحمل منك
الجديد ياجماعه
انا اتصلت بالمهندس بتاع التوكيل اللي كنت اخدت رقمه وقالي الفنينين بتوع الضمان جم وشافوا العربيه ووافقوا كمبدأ انها تكون جوه الضمان بس هيعملوا مقايسه ويشوفوا انت هتشيل ايه وهما ايه قولتله ازاي قالي يعني في حاجات فيبر وكده دي هتكون عليك والحاجات التانيه علي الضمان قولتله طب وبعدين قالي بس استني مننا تليفون بعد العيد عشان تعرف اللي تم في المقايسه لانهم هيخلصوها بكره ان شا الله قولتله ماشي موافق هستني ونشوف هترسي علي ايه وبس
عارفين كل ده ليه عشان شلفتلهم من الاخر بس بالادب والاحترام وعرفتهم اني هاخد حقي يعني حاخد حقي مع اني اصلا مقتنع من جوايا ان دي بلاد ضياع الحقوق المهم يارب يصدقوا بس ونشوف هتمشي ازاي مع العلم اني كلمت حمايه المستهلك قالي ادينا بيانات التوكيل والعربيه واحنا نظبطهمالك قالي دي لسه جوه الضمان اصلا المهم انا هشتري منهم الكلام بس اللي هعمله ان شاء الله اني ممكن اخري اني ادفع مثلا يكون الازاز بس ولو لقيتهم مصريين علي مقايستهم هطلع ع حمايه المستهلك علي طول
نسيت اقولكم سألته وطلع ايه السبب تخيلوا انه قالي لسه معرفوش ؟؟؟؟؟؟ دي مصيبه وان شاء الله هفيدكم بالجديد
بس امانه عليكم ادعولي ربنا يكرمني ويقدرني واعرف اخد حقي ويقويني عليهم لاني فعلا ليا حق
ربنا يكرمك ان شاء الله بحق الايام المفترجة دى يارب
ربنا معاك ويقويك ان شاء الله ويرجعلك حقك
ربنا معاك وان شاء الله تاخد حقك وترجع عربيتك زى ماكانت اميـــــــــــن
من المنظر اللى شوفته ممكن يكون التوكيل بينظف المنطقة دى بزيت مثلا و مع الوقت و تحريك الزرار الزيت وصل له و مع السكون بدأ الزيت يعمل تماس او قفلة مع الزرار بتاع النور بس الكلام دة يكون مظبوط لو النور بيشتغل من دون الكونتاكت
و الحاجة الثانية لازم بيكون الفيوزات ملغية او مقفولة علشان ما تضربش و تفصل كهرباء و تمنع الاشتعال
و حاجة كمان يكون النور واخد كهرباء و الزرار بيديلوه الارضى يعنى الدورة معكوسة بدل ما النور ياخد ارضى و الزرار يدله الكهررباء العكش معمول و بكدة الفيوز بتاعك يكون راكب على ارضى مش كهرباء و بكدة لو فيه حاجة بتولع الفيوز هيفضل سايم لانه معاه ارضى تانى من عند دركسيون العربية و
و احتمال يكون زيت عند دركسيون العربية مش دراع النور
الحق و روح التوكيل و اتاكد ان الفيوز مش راكب للارضى بتاع العربية و لو لقيت الفيوز على الارضى مش الكهرباء يبقى كدة التوكيل يعملها على حسابه و رجله فوق رقبته لان دى غلطه كهرباء فى التقسيم
و ربنا يسترها معانا كلنا
و طمنا لما تعرف السبب و دة ان عرفوه فى التوكيل
السلام عليكم
ربنا يوفقك ويقويك وتقدر تاخد حقك
انا عن نفسي لما بيكون معايا مشكله مع توكيل بيبقي عندي استعداد اني اعمل اي حاجة مشروعة علشان اوصل لحقي علشان مياخدوش علي انهم ياكلوا حقنا واحنا نسكت وسكوتنا هو اللي بيطمعهم فينا انما لما تعمل كل اللي تقدر علية ومتوصلش لحاجة يبقي علي الاقل عملت اللي عليك ومدفنتش راسك في التراب
ازاي معرفوش ايه السبب ووافقوا انهم يصلحوهااقتباس:
نسيت اقولكم سألته وطلع ايه السبب تخيلوا انه قالي لسه معرفوش ؟؟؟؟؟؟
هما كانوا فاكرين انك مركب لمبات قدرتها اكبر او مغير حاجة في الضفيره ولما اتاكدوا انك مش مغير حاجة اتاكدوا ان العيب من عندهم
بس طبعا مش عايزين يقولو لك علية علشان متسبتش حقك عندهم
بص انت حاول تسايسهم علشان تعرف منهم ايه سبب المشكله واحنا عرفينها مسبقا ان الفيوز بتاعهم مفصلش
وحاول تاخد منهم اي موافقه علي اصلاح السيارة في الضمان وده يبقي شهاده منهم ان ده عيب تصنيع علشان يبقي معاك ورق تديه لمركز حماية المستهلك
كلامك صح علي فكره وطبعا شكرا ليكم كلكم علي ردودكم الجميله وربنا يقوينا جميعا بس الجديد ان التوكيل كلمني تاني وقالي استاذ امير مبرووك قولت مين الاهبل ده قالي الضمان وافق علي التصليح بس انت تشيل 20 في المائه نسبه تصليح بس عايزينك تيجي تمضي علي المقايسه استناك النهارده قولتله اديني فرصه لبكره قولت ارتب الدنيا معايا اشوف همشي ازاي فقولت اخد اي اثبات انهم هيصلحوا في الضمان واطلع علي حمايه المستهلك مع العلم ان اني كلمت حمايه المستهلك حكيتله قالي متدفعش ولا مليم ولاتتحمل ولا اي حاجه فهرتب الدنيا واقولكم الجديد