والله كويس ان فى اهتمام بالموضوع منهم . ربنا يسهل . المهم ميبقاش فى كوسة و طبيخ و سلطة فى
الموضوع العادى بتاعنا
عرض للطباعة
ياجماعه في جديد انا كلمت التوكيل وقالي المعاينه والمقايسه فعليا تمت من الضمان وانت هتدفع 20% نسبه تحمل علي الاجمالي والراجل كلمني بصفه شخصيه شويتين هو بصراحه الوحيد المحترم هناك الباقي معفنين شويه وقالي انه لازم تدفع 20% ده طبيعي لان دي نسبه اهلاك عن السنتين الماضيين اللي استخدمت فيهم العربيه فانا قولتله لاء طبعا وبعدين طبعا هرجع لحمايه المستهلك قالي بص اخويا ارجع لحمايه المستهلك بس كل اللي هيقولهولك اه ضمان او لاء بس ملوش في نسبه التحمل دي خاصه بشركه وبتحسب علي حسب سنين الاستهلاك المهم قولتله هشوف واقولك كلمت حمايه المستهلك قالي لاء مقدرش اقولك اقبل او لاء الالما تكون الاوراق مستوفيه قدامي عشان المحقق يقولك اه او لاء فلازم تبعتهالي فهبعتهالهم النهارده وقالتلي هنتصل بيك بكره نقولك تعمل ايه .....
سؤالي ليكم هل لو حمايه المستهلك قالي لاء هو كده صح ولازم تدفع النسبه اعمل ايه؟؟؟؟؟؟؟؟؟؟؟؟؟
وطبعا لو قالي انت ليك حق هفضل ورااااااااااااه لحد ماخده
السؤال التاني هل ادخل العربيه التأمين يدفع واشيل معاه 10 % تحمل توكيل و حاجات بقي هبله تانيه نسبه اهلاك ومش عارف دمغات المهم بيوصلوا برضه لكده بس بالاضافه اني بدفع الفلوس كلها الاول وبتسني الشيك بعدها يمكن شهر وكمان بشيل فيه نسب مختلفه او كوتيل نسب مش مفهومه بالاضافه ان لو التأمين شالها هيقولي هات تقرير معمل جنائي ولسه هيعاين وممكن ميجددش البوليصه اصلا لان تكاليف الحادثه هتكون عاليه جدااااا ايه رأيكم بجد محتار
الحمد لله على كل شئ .... انا بردوا دافع 5 الاف زيادة عشان اجيب واحدة من اخر تلات عربيات نزلوا السويس ..
معلش على اى حاجة .... المهم تاخد حقك ومتنساش تعمل قضية للمحكمة وتطلب تعويض مادى ...
وممكن تدفع مبلغ ال 10 % تبع التامين .. او ال 20% تبع التزكيل ... وشوف محامة وخليه يقدر التعويض كام ..... وتابع مع جهاز حماية المستهلك ...
ما انصحش بدخول التأمين
لانه هيقولك زيادة نسبة القسط السنة الجاية وهتدفع تحمل طبعا كمان يعنى استفادتك مش كتير
مهندس التأمين اللى بيقولك 20% اهلاك
الاول ممكن نعرف المقايسة فيها ايه
كمان الاهلاك بيكون على قطع غيار ميكانيكية بتتغير مع الاستعمال
لكن سلك ولا ضفيرة كهربا ودراع نور
مش بيتغير
ولو اهلاك يبقى اخرهم 10% وعلى قطع الغيار من غير مصنعية
شكرا ليك
كلامك صح انا بفضل التوكيل برضه عشان يشيلوا برضه بدل التأمين بس انا لسه مش عارف اتحرك مستني ولاد الايه بتوع حمايه المستهلك انت عارف الحكومه بقي وفووت علينا بكره ياسيد بس ربنا يسترها من عنده ويسهل الامور شكرا لردك جدااا
قدر الله و ما شاء فعل
ربنا يعوض عليك يا ميرو
بص يا باشا متدفع مليم احمر حتى لو وقفو على شعر ودانهم و تابع مع حماية المستهلك و تعمل محضر تانى للاذى المعنوى و المادى و العطلة و عدم امان السيارة و اطلب تعويض طبعا على الحاجات دى
ثانيا مفيش اهلاك و لا بتنجان هو عايز يشيلك اى حاجة عشان اصل كل ده بيتاخد من ارباح الوكيل فبيقلل خسائره لكن حقك انك تاخد العربية زى الفل و لو لقيت اى اثر للحريق على البويه بتاعه الباب مثلا او اى حاجة يصلحوها بردو
ثالثا لازم واحد يكلمك و يقولك بصفة شخصية و بصفة لولبية عشان يقنعك انك تشيل فى التصليح و هو بيبقى عاصر على نفسه لمونه لانه متوقع ان اللى بيكلمه هيقل ادبه و يهب فيه
و عموما انا هسال كذا حد محامى عشان لو فى اجراءات قانونية متبعة و ان شاء الله اقولك على المعلومات فورا لو وصلت لحاجة جديدة
اخيرا لك منى كل التحية و التقدير و الاحترام لانك بموقفك ده بتقف فى وش الغلط و الاستهتار بالعملاء و ارواح الناس و لعله يكون درس ان المصريين بردو بنى ادمين و فاهمين حقوقهم و واجباتهم ... و ربنا يعينك و يقدرك عليهم ان شاء الله
موضوع الاهلاك دة شىء طبيعى يا جماعة... مينفعش النهاردة اركبلك قطعة جديدة بدل قطعة استهلكت سنتين بدون حساب نسبة اهلاك... دا حتى فى البطاريات اللى بتتغير فى الضمان بيعملوا كدة
MMamdouh
كلامك مظبوط يا استاذ ممدوح ... لكن ليه ادفع تمن حاجة اساسا مستهلكة او فيها عيب صناعة ؟؟؟؟ زى دراع النور ؟؟؟